Levitico 16:4 - Maung A Balita Biblia

⁴ Insan say Katawan inter to ray onggendan a totontonen. Kasakbayan ya onloob ed Sankasantosan a Pasen si Aaron, nepeg a manames tan isolung to ray kawes na pari: say linen a kawes tan pantalon a potut, say balkes, tan say turban.

Maung a Balita Biblia

⁴ Insan say Katawan inter to ray onggendan a totontonen. Kasakbayan ya onloob ed Sankasantosan a Pasen si Aaron, nepeg a manames tan isolung to ray kawes na pari: say linen a kawes tan pantalon a potut, say balkes, tan say turban.

Levitico 16:4 Iomraidhean Croise

Exodo 28:2

Manggawa ka na saray kawes na pari a para si agim ya Aaron, pian napaalsay nengneng to tan say kagalangan to.

Exodo 29:4

“Iyakar mo ra di Aaron tan saray anak to diad lolooban na Tuldan ayaman ko tan ames mo ra onung ed ganggan.

Exodo 30:20

kasakbayan iran onloob ed Tulda odino onasingger ed altar a mangisaklang na bagat a kakanen. Diad ontan ag ira ompatey.

Exodo 40:12

“Iyakar mod lolooban na Tulda si Aaron tan saray lalakin anak to tan ames mo ra onung ed ganggan.

Isaias 53:2

Linawa na Katawan a say aripen to et ontubo a singa tanaman a say kawalaay lamut to diad amagan dalin. Aliwa-liwa so inalageyan to odino nengneng to, kanyan ag itayo naayat ya onlinggis ed sikato. Anggapoy karakpan ed sikato, kanyan ag itayo natanggoyur ya onsingger ed sikato.

Ezekiel 44:19

Kasakbayan ya onla rad patiod paway a kawalaan da ray totoo, nepeg a lakseben day kawes dad panlilingkur dad dalem na Timplo, insan da ra itilak ed saray masanton kuarto. Nepeg a mansolung ira na sananey a kawes, pian samay masanton kawes da et ag to napasakitan iray totoo.

Ezekiel 9:2

Tampol a sinmabi ray anemiran lalaki ya akaarmas a nanlapu rad puirtad paway diad bandad baybay na Timplo. Kaiba ray lakin akakawes na linen a sankaawit toy sakey a pansulatan. Dinmago ra tan nanalagey irad abay na gansan altar.

Levitico 16:23

Insan si Aaron onloob ed Tulda, lakseben to ray kawes na pari ya insosolung to kasakbayan a linmoob ed Sankasantosan a Pasen, insan to la rad man taynan.

Levitico 16:24

Nepeg a manames ed masanton pasen insan to isolung so dilin kawes to. Kayari to ya, ompaway, ta mangisablang na bagat a popoolan a mangekal na saray dilin kasalanan to tan saray kasalanan da ray katoowan.

Levitico 16:32

Say Pangulon Pari a nikonsagra tan nisaklang a salatan toy ama to et sikatoy manggawa na sirimonya na panlinis. Mansolung na saray kawes na pari

Levitico 6:10

Insan say pari ya akasolung na linen a tunika tan linen a pantalon a potut ekalen to ray dapul ya atilak ed altar tan iyan to ra ed dapag na samay altar.

Levitico 6:3

odino lapud impangibori to ed nalmo ton bengatla ya abalang tan nansamba ni ingen ya ag to nalmo.

Lucas 1:35

“Onlad sikay Ispiritu Santo,” ebat na anghil, “tan tarungan kay pakapanyariy Sankatageyan a Dios. Kanyan natawag ya Anak na Dios so masanton ogaw ya iyanak mo.

FILIPOS 2:7

Nilakseb to ingen so inka-Dios to, tan inala toy kipapasen na aripen nen nagmaliw a too.

Saray Hebreo 10:22

Onsingger itayod Dios, sirin, a matoor so puso tayo tan mabiskeg so pananisia tayo. Onsingger itayon malinis lay puso tayo ta alinisan lad maoges a konsinsia, tan naorasan la na puron danum so laman tayo.

Saray Hebreo 2:14

Lapud sarayan anak et totoo ran walay laman tan dala, si Jesus et nagmaliw a too a singa sikara. Ginawa to ya pian diad panamegley na impatey to, naderal toy Diablo a walay pakayari tod patey.

Saray Hebreo 7:26

Si Jesus sirin, so Pangulon Pari a mangiiter na saray nakaukolan tayo! Ta sikatoy masanto; anggapoy tilul o kasalanan to; nibiig ed saray makasalanan tan nitanduro ya anggad labas da ray katawenan.