Levitico 16:29 - Maung A Balita Biblia

²⁹ Saray onggendan a totontonen et nepeg a tombuken ira ya anggan kapigan man a panaon. Diad kumaplon agew na kumapiton bulan, saray Israelita tan saray sangkailin manaayam ed kawalaan da et nepeg a manayuno ra tan ag ira mankimey.

Maung a Balita Biblia

²⁹ Saray onggendan a totontonen et nepeg a tombuken ira ya anggan kapigan man a panaon. Diad kumaplon agew na kumapiton bulan, saray Israelita tan saray sangkailin manaayam ed kawalaan da et nepeg a manayuno ra tan ag ira mankimey.

Levitico 16:29 Iomraidhean Croise

1 Saray Arari 8:2

Nantitipon iran amin nen Pista na saray Abung-abung ed kumapiton bulan na Etanim.

Esdras 3:1

Nen asabiy kumapiton bulan, manaayam lad saray baley da iray Israelita. Insan nantitipon iran amin ed Jerusalem.

Esdras 8:21

Diad abay na Ilog na Ahava ingganggan kon manayuno kamin amin tan mampaabeba kamin amin ed arap na Dios mi. Ingganggan ko met a kerewen min iwanwan to kami ed pambiahi mi tan iyagel to kamid kaatapan, sikami, saray anak mi tan amin a kayaryan mi.

Saray Salmo 35:13

Balet nen mansasakit ira nanermen ak; pinairap koy siak a dili diad ag ko impangan, tan nandakmomo ak a nampikasi,

Saray Salmo 69:10

Mampapaabeba ak diad panamegley na panaayunok, et lapud saya, papabaingan ak na totoo.

Exodo 12:16

Diad ononan agew tan diad kumapiton agew, mantitipon kayo a mangigalang ed siak. Ag kayo mankikimey legan na saratan ya agew, likud ed pangiparaan yo na kanen yo.

Exodo 20:10

balet say kumapiton agew et agew na panagpainawa a nisaklang ed siak. Diad sayan agew nepeg ya anggapoy toon mankimey: sika, saray anak mo, saray aripen mo, saray ayayep mo, odino saray sangkailin manaayam ed bansam.

Exodo 30:10

Maminsan ed kapag taon gawaen nen Aaron so sirimonya a panlinis ed sayan altar diad pangiporanis tod saray pinagsaklur na altar; say iporanis to et say dala na ayep ya imbagat a pangekal na kasalanan. Gawaen ya a tinaon ed kapigan man a panaon. Sayan altar et nepeg a sigput a masanto, tan nisaklang ed siak a Katawan.”

Exodo 31:14

Nepeg yon ngilinan so agew na panagpainawa, lapud masanto yan agew. Siopamay toon ag manngilin ed sayan agew, no ag ingen mankimey, nepeg a pateyen.

Exodo 31:15

Anem agew a makapankimey kayo, balet say kumapiton agew et masanton agew a nisaklang ed siak. Siopamay toon manggaway kimey ed sayan agew, nepeg a pateyen.

Isaias 58:13

Say Katawan kuanto, “No ipasen yon masanto so Agew na Panagpainawa tan ag yo anapen so pankaabigan yon dili ed satan ya agew; no pablien yo so masanton agew ko tan pagalangan yo diad ag yo pambiahi, pankimey, odino pansalita na andi-kabaliksan diad satan ya agew,

Isaias 58:3

Tepet na saray totoo, “Akin et manayuno kami no ag lamlamang imanoen na Katawan so panayuno mi? Akin et manayuno kami anta ag met lamlamang imanoen na Katawan so ag mi pangan?” Say Katawan kuantod sikara, “Say katwaan to ibabansag yod panagayuno yo so panggagawa yoy pankaabigan yon dili tan say pamapairap yod saray kumikimey yo.

Isaias 58:5

No manaayuno kayo, papairapen yoy sikayon dili; itetewek yon singa dika so olo yo tan mangyaaplag kayoy sako tan tatayakan yoy dapul so dokulan yo. Ontan so tatawagen yon panagayuno? Abaloan yon manliket ak ed satan?

Daniel 10:12

Insan inkuanto, “Daniel, ag ka natatakot. Dinengel na Dios so pikakasim nanlapu lad samay ononan agew na impanpaabebam, pian nawalaan kay maung a pakatalus. Ebat na pikakasim so inyakar ko dia.

Daniel 10:3

Ag ak angan na antokaman a mananam a kakanen odino antokaman a karni; ag ak inminom na dinanman ya alak, tan ag ko sinagaysay so buek ko ya anggad kalabas na taloy simba.

Levitico 23:21

Diad satan ya agew tonda kayod inagew-agew a kimey yo, balet mantitipon kayon mangigalang ed Katawan. Saray kabyangay boleg yo et nepeg a tombuken da ra yan totontonen ya anggan kapigan man a panaon, tan anggan iner man so panayaman da.

Levitico 23:3

Walay anem agew a pankimey yo, balet ag yo lilingwanan a say kumapiton agew et agew na panagpainawa. Diad satan ya agew ag kayo mankikimey, no ag ingen mantitipon kayon mangigalang ed Dios. Say Agew na Panagpainawa et kayaryan na Katawan, anggan iner so panaayaman yo.

Levitico 23:36

Pitoy agew a mangisaklang kayod Katawan na saray bagat a popoolan. Diad kumawalon agew mantitipon kayo lamet a mangigalang ed Katawan tan mangisaklang kayo na bagat a popoolan. Sikato yay agew a pangigalang ed Katawan, tan tonda kayod inagew-agew a kimey yo. (

Levitico 25:9

Insan diad kumaplon agew na kumapiton bulan, say Agew na Pangekal na Kasalanan, mangibaki kayo na sakey a lakin mamaknul na trumpita ed intiron bansa.

Levitico 3:17

Anggapoy Israelita a nayarin mangan na taba odino dala; sayan totontonen et nepeg a sumpalen na amin ya Israelita ed anggan kapigan tan iner man a panaayaman da.

Saray Bilang 29:7

Diad kumaplon agew na kumapiton bulan mantitipon kayon mangigalang ed Dios; ag kayo mamangan odino mankikimey.

Saray Gawgawa 27:9

Andokey lan panaoy linmabas ta piligro lay mambiahi, ta asumpal lay Agew na Panagayuno. Kanyan sinimbawaan ira nen Pablo.

1 CORINTO 11:31

No sokayan tayon maung ya onona so sikatayon dili, ag itayo dusaey Dios.

Saray Hebreo 4:10

Ta siopamay makapampainawa onung na insipay Dios, mampainawa met ed saray kimey to, a singa say Dios et nampainawad saray kimey to.

1 Samuel 7:6

Kanyan nantitipon iran amin ed Mizpa. Angala ray danum tan imbales dan imbagat ed Katawan, tan nanayuno ran sanagew. Inkuanda, “Nankasalanan kamid Katawan.” (Diad Mizpa so nansintinsiaan nen Samuel ed saray kolkolan da ray Israelita.)