Levitico 16:20 - Maung A Balita Biblia

²⁰ No asumpal la nen Aaron a gawaen so sirimonya na panlinis ed Sankasantosan a Pasen, saray arum nin parti na Tuldan Ayamay Katawan tan say altar, iyapay tod Katawan imay kanding ya apilin para Azazel.

Maung a Balita Biblia

²⁰ No asumpal la nen Aaron a gawaen so sirimonya na panlinis ed Sankasantosan a Pasen, saray arum nin parti na Tuldan Ayamay Katawan tan say altar, iyapay tod Katawan imay kanding ya apilin para Azazel.

Levitico 16:20 Iomraidhean Croise

Ezekiel 45:20

Diad kumapiton agew na bulan onyay nepeg yon gawaen, lapud sakey a toon nankasalanan ya ag to ginagala odino nankasalanan ya ag to amta. Diad onya napansiansia yo a masanto so Timplo.

Levitico 16:16

Diad onya, si Aaron gawaen toy sirimonya na panlinis ed samay Sankasantosan a Pasen lapud inkarotak na saray Israelita tan lapud kasalanan dan amin. Onyay nepeg ton gawaen ed samay Tulda, lapud manalalagey ed pegley na kampo a marotak onung ed ganggan.

Levitico 16:19

Diad panamegley na tamoro to nepeg a mamimpito ton walsikan so tapew na altar. Diad onya, nalinisan to may altar ed saray kasalanan da ray totood Israel tan napasanto to.

Levitico 16:21

Itapew ton duay lima to ed olo na samay kanding tan ipatua to dia iray amin a kaogsan, kasalanan, tan kasusumlang na saray totood Israel. Diad onya, niyalis to ra ya ed olo na samay kanding. Samay kanding et ibolus ed kalawakan na sakey a lakin apilin manggawa ed saya.

Levitico 6:30

Balet no walay dala a niakar ed dalem na Tulda tan nikana ed sirimonya a pangekal na kasalanan, say ayep ya akandala et ag nepeg a kanen; nepeg a poolan.

Levitico 8:15

Pinatey nen Moises imay baka tan inala to na dala. Insan diad panamegley na tamoro to pinoporanisan to na dala iray pinagkasaklur ed saray soyuk na altar pian nisaklang to. Kayari to ya, inibung tod leksab na altar so keran dala. Diad onya insaklang to tan nilinisan to onung ed ganggan.

Saray Taga Roma 4:25

Pinatey si Jesus lapud saray kasalanan tayo, tan pinaolid bilay pian napaandi ray kasalanan tayod arap na Dios.

Saray Taga Roma 8:34

Siopay manintinsiay dusa ed sikara? Si Cristo Jesus kasi, ya inatey tan pinaolid bilay? Sikatoy walad nikawanay Dios tan ipipikasi to tayo ingen ed Dios!

2 CORINTO 5:19

Ipupulong min say Dios mikakaarod saray katoowan diad panamegley nen Cristo, tan lilingwanan to la ray kasalanan da. Et impia na Dios ed sikami yan balita.

COLOSAS 1:20

Nilabay met na Dios ya ompawil so sankamundoan ed sikato diad panamegley na Anak. Diad panamegley na impatey ed krus na Anak na Dios, nanggaway kareenan tan pinapawil tod sikaton dili so amin a bengatlan walad tawen tan walad tapew na dalin.

Saray Hebreo 7:25

Kanyan nayarian ton ilaban, natan tan lawas, iray onsingger ed Dios diad panamegley to, ta mabilay lawas a mikasin para sikara.

Puyan 1:18

Siak so mabilay! Inatey ak balet, nengneng mo, mabilay ak ya anggad angga. Walad silong na pakayarik so patey tan say Hadis.