Levitico 16:2 - Maung A Balita Biblia

² Inkuanto, “Ibagam ed kinen agim ya Aaron a no manepeg a panaon labat so iyakar tod dalem na kurtina diad Sankasantosan a Pasen, ta ompanengneng ak diman ed sakey a lorem diad tagey na sakub na Kaban na Sipanan. No ag to ya toluken, nepeg a pateyen.

Maung a Balita Biblia

² Inkuanto, Ibagam ed kinen agim ya Aaron a no manepeg a panaon labat so iyakar tod dalem na kurtina diad Sankasantosan a Pasen, ta ompanengneng ak diman ed sakey a lorem diad tagey na sakub na Kaban na Sipanan. No ag to ya toluken, nepeg a pateyen.

Levitico 16:2 Iomraidhean Croise

1 Saray Arari 6:16

Agawad beneg na dalem na Timplo so bandad dalem a kuarto a tatawagen na Sankasantosan a Pasen. Diad kumaplon mitro manlapud beneg na Sankasantosan a Pasen kineteg na tablan sidro, manlapud datal ya anggad bubida.

1 Saray Arari 8:6

Insan saray papari inawit dad dalem na Timplo so Kaban na Sipanan tan inyan dad Sankasantosan a Pasen, diad silong na saray payak da ray kirubin.

Exodo 30:10

Maminsan ed kapag taon gawaen nen Aaron so sirimonya a panlinis ed sayan altar diad pangiporanis tod saray pinagsaklur na altar; say iporanis to et say dala na ayep ya imbagat a pangekal na kasalanan. Gawaen ya a tinaon ed kapigan man a panaon. Sayan altar et nepeg a sigput a masanto, tan nisaklang ed siak a Katawan.”

Levitico 16:13

Diman ed arap na Katawan iyan tod ngalab imay insinso, pian say asewek na samay insinso et nasaniban to may sakub na Kaban na Sipanan; ag to nanengneng ed satan imay sakub et ag ompatey.

Levitico 16:34

Sarayan totontonen et nepeg a tombuken ya anggan kapigan man a panaon. Sayan sirimonya et nepeg a gawaen a maminsan ed sakey taon a panlinis ed amin a kasalanan da ray Israelita. Ginawa sirin nen Moises so ingganggan na Katawan.

Levitico 8:35

Diad loob na pitoran agew nepeg a manayam kayod mad lolooban na Tulda diad agew tan labi tan gawa yoy ingganggan na Katawan. No ag yo sumpalen, ompatey kayo. Sikato ya so ingganggan na Katawan ed siak.”

Saray Bilang 17:10

Say Katawan kuantod kinen Moises, “Ipawil mod arap na Kaban na Sipanan itay baston nen Aaron. Sikatoy nisinup a sakey a pasakbay ed saray mananumpan Israelita ya ompatey ira no ag ira ontondan manriklamo.”

Saray Bilang 18:7

Balet sika tan saray anak mo labat so manggawa na saray susumpalen na inkapari a nipaakar ed altar tan antokaman a walad dalem na Sankasantosan a Pasen. Sika so makaoley ed sarayan bengatla, ta sikay angipalaboan ko na inkapari. Pateyen so siopamay toon aliwan manepeg ya onsingger ed saray masanton bengatla.”

Saray Bilang 4:19

iray kabyangan na boleg nen Coat ya ompatey ira diad iyasingger dad sarayan sankasantosan a bengatla. Pian ag ira ompatey, onloob ira di Aaron tan saray lalakin anak to ta itdan da na kimey so balang sakey tan ibaga rad sikato so awiten to.

Saray Bilang 4:5

Say Katawan inter to ray onggendan a bilin. No saray Israelita et onalis irad pankampoan da, onloob ed Tulda ira di Aaron tan saray anak ton lalaki, iyabeba ray kurtinad arap na Kaban na Sipanan insan da isakbung ed Kaban.

Mateo 27:51

Diad saman a bekta, apaldua so kurtina ed Timplo, manlapud tagey ya anggad saloy. Yinmegyeg so dalin, apisag iray bato,

Saray Hebreo 6:19

Sayan ilalo tayo et singa pataga na puso tayo—malet, napanmatalkan, tan ontalus ya anggad biek na kurtinay sankasantosan a pasen na Timplon mangatatawen.

Saray Hebreo 9:25

Say Pangulon Pari da ray Judio onloloob a tinaon-taon ed Sankasantosan Pasen, tan awit toy dala na ayep. Balet si Cristo ag linmoob a mamimpiga-pigan mangibagat na sikaton dili.

Saray Hebreo 9:3

Say kumadwa, a walad biek na kumadwan kurtina, tatawagey Sankasantosan a Pasen.

Saray Hebreo 9:5

Diad tapew na kaban wala ray kirubin a mangipapanengneng na kiwawalay Dios. Nasisiruman na saray payak da so pasen a pakapirdonaay kasalanan. Balet ag mi ni ya idalatdat natan.

Puyan 15:8

Say timplo napno na asewek a nanlapud kagalangan tan pakayariy Dios, tan anggapoy makaloob ed timplo, anggad kasumpal na pitoran salot ya inawit da ra may pitoran anghil.