Levitico 15:14 - Maung A Balita Biblia

¹⁴ Diad kumawalon agew mangyakar na duaran palekpek odino duaran malapati diad lolooban na samay Tuldan Ayamay Katawan, ta iter to ra ed pari.

Maung a Balita Biblia

¹⁴ Diad kumawalon agew mangyakar na duaran palekpek odino duaran malapati diad lolooban na samay Tuldan Ayamay Katawan, ta iter to ra ed pari.

Levitico 15:14 Iomraidhean Croise

Levitico 1:14

No samay too et mangisaklang na sakey a manok a bagat a popoolan, nepeg a sakey a malapati odino sakey a malangwer a palekpek.

Levitico 12:6

No nagmaliw lan malinis onung ed ganggan kayari na inkarotak to lapud impananak to na laki odino bii, nepeg a mangyakar ed pari diad lolooban na Tuldan Ayamay Katawan na sakey taon a kordiro, ta isaklang a bagat a popoolan tan say sakey a malapati odino sakey a palekpek, ta isaklang a bagat a para kasalanan.

Levitico 12:8

No ag nayarian na sakey a bii so mangibagat na sakey a kordiro, nepeg a mangisaklang na duaran palekpek odino duaran malapati, say sakey isaklang a bagat a popoolan tan say sakey ibagat a para kasalanan. Say pari gawaen toy sirimonya a mangekal na inkarotak na samay bii et, diad ontan, magmaliw a malinis onung ed ganggan.

Saray Bilang 6:10

Diad kumawalon agew mangyakar ed pari na duaran palekpek odino duaran malapati diad lolooban na Tuldan Ayamay Katawan.

2 CORINTO 5:21

Ag nankasalanay Cristo, balet lapud pankaabigan tayo, nibilang a makasalanan pian diad pikasakey tid sikato, nibilang itayon matonung ed arap na Dios.

Saray Hebreo 10:10

Lapud impangonur nen Jesu-Cristo na linaway Dios, inorasan to ray kasalanan tayo diad panamegley na impangibagat tod sikaton dili, tan duga la ya.

Saray Hebreo 10:12

Si Cristo, balet, amimpinsan ya angibagat lapud saray kasalanan, tan duga la ya. Kasumpal to, inmirung ed nikawanay Dios.

Saray Hebreo 10:14

Kanyan diad panamegley na saksakey a bagat, ginawa ton nagnap ya andi-anggaan iray naorasan ed kasalanan.

Saray Hebreo 7:26

Si Jesus sirin, so Pangulon Pari a mangiiter na saray nakaukolan tayo! Ta sikatoy masanto; anggapoy tilul o kasalanan to; nibiig ed saray makasalanan tan nitanduro ya anggad labas da ray katawenan.