Levitico 14:7 - Maung A Balita Biblia

⁷ Iwalsik ton mamimpito imay dala ed samay toon linisan ed sakit ton kating, insan sintinsiaan ton malinis onung ed ganggan. Paibolus tod kaalogan imay mabilay a manok.

Maung a Balita Biblia

⁷ Iwalsik ton mamimpito imay dala ed samay toon linisan ed sakit ton kating, insan sintinsiaan ton malinis onung ed ganggan. Paibolus tod kaalogan imay mabilay a manok.

Levitico 14:7 Iomraidhean Croise

2 Saray Arari 5:10

insan angibakiy Eliseo na sakey ya aripen a mangibagad kinen Naaman ya orasan ton mamimpito ed Ilog na Jordan so laman to, et sigput ya onabig ed sakit to.

2 Saray Arari 5:14

Linma sirin ed Jordan si Naaman, linmegep ya amimpito, onung na imbaga nen Eliseo, et sigput ya inmabig. Balibali so nagmaliway laman to tan singa baog na ogaw so baog to.

Saray Salmo 51:2

Orasan mo ak pad amin a kaogsan ko tan linisan mo ak pad amin a kasalanan ko!

Saray Salmo 51:7

Ekal mo pay kasalanan ko, et magmaliw ak a malinis; orasan mo ak pa, et magmaliw ak ya ampoti-poti.

Isaias 52:15

Balet natan amayamay a bansay mankelaw ed sikato, tan diad pankelaw da ray arari ag ira makaskasel. Nanengneng tan natalusan day ag da ni akabatan nen saman.”

Ezekiel 36:25

Walsikan ta kayoy malinis a danum tan linisan ta kayod saray amin a talintaoy diriyos yo tan diad amin a bengatlan nandotak ed sikayo.

Daniel 9:24

“Mamimpiton pitomplo a taon so karokey na panaon ya inggetar na Dios a pangibolus ed saray totoom tan say masanton siudad mo ed kasalanan tan kaogsan. Napirdona so kasalanan tan niletneg so andi-anggaan ya inkatonung, pian ontua so pasingayew tan say propisiya, tan nisaklang lamet ed Dios so masanton Timplo.

Levitico 13:13

say pari nengnengen to lamet. No narumog ton kinmayat ed intiron laman to, sintinsiaan ton malinis onung ed ganggan. No amin a baog to et nagmaliw ya ampoti sikato so malinis onung ed ganggan.

Levitico 13:17

a mannengneng lamet ed sikato. Et no pinmoti imay sakit, sikatoy malinis onung ed ganggan, tan say pari sintinsiaan ton malinis.

Levitico 14:51

Insan to alaen ira may kiew a sidro, samay sangay isopo, samay ambalangan koldon, tan samay mabilay a manok tan isawsaw to ra ed dala na samay pinatey ton manok tan diad samay danum. Insan walsikan ton mamimpito imay abung.

Levitico 16:14

Mangala na daiset a dala to may baka tan diad panamegley na tamoro to iwalsik tod arap na samay sakub, insan mamimpito ton iwalsik so daiset a dala diad arap to may Kaban na Sipanan.

Levitico 16:19

Diad panamegley na tamoro to nepeg a mamimpito ton walsikan so tapew na altar. Diad onya, nalinisan to may altar ed saray kasalanan da ray totood Israel tan napasanto to.

Levitico 16:22

Samay kanding et awiten ton amin iray kasalanan da ray Israelita diad dalin ya ag natotoowan.

Levitico 4:17

idelnet toy tamoro tod samay dala, insan to iwalsik a mamimpito ed arap na kurtina.

Levitico 4:6

Idelnet toy tamoro to ed samay dala insan to iwalsik a maminpito diad arap na masanton kurtina.

Levitico 8:11

Angalay daiset ed samay larak tan amimpito ton inwalsik ed altar tan diad saray kagawaan to, diad talyasi, tan say ansagan to a pangisaklang to rad Katawan.

Mikias 7:19

Sika so mangasi lamet ed sikami. Igatin-gatin mo ray kasalanan mi tan ipalereg mo rad dalem na dayat!

Saray Bilang 19:12

Nepeg a linisan toy sikaton dili na danum a panaglinis no kumatlo tan kumapiton agew, et diad ontan magmaliw a malinis. Balet no ag to linisan so sikaton dili ed kumatlo tan kumapiton agew, ag magmaliw a malinis.

Juan 19:34

Balet dinoyuk na sakey a sondalo so diking nen Jesus, tan inmagos a tampol so dala tan danum.

Saray Hebreo 10:22

Onsingger itayod Dios, sirin, a matoor so puso tayo tan mabiskeg so pananisia tayo. Onsingger itayon malinis lay puso tayo ta alinisan lad maoges a konsinsia, tan naorasan la na puron danum so laman tayo.

Saray Hebreo 12:24

Sinmingger kayod kinen Jesus, a manamegley na balon sipanan, tan diad niterter a dala a mangipaamtay magmaung ni ran bengatla nen say impaamtay dala nen Abel.

Saray Hebreo 9:13

Say dala na saray kanding tan saray bakan kalakyan tan say dapul na pinoolan a bakan kilaw iwalsik irad totoon nipasen a marotak tan, diad ontan, nipasen iran malinis, onung ed ganggan.

Saray Hebreo 9:19

Imbawag nen Moises ed amin a totoo so balang totontonen ed Ganggan. Kasumpal to, inala toy dala na saray kanding tan saray kilaw a baka, tan danum. Insawsaw toy sangay kiew ya isopo tan say ambalangan lana, insan to winalsikan so libro na Ganggan tan amin da ray totoo.

Saray Hebreo 9:21

Winalsikan to met na dala may tulda tan amin a kagawaan ya ikakanad pangigalang ed Dios.

Saray Hebreo 9:26

Ta no andi, nakaukolan komun a mamimpigapigan ompatey nanlapu lad inkapalsay mundo. Balet natan aminsan labat a nampanengneng, nen mansasamput la ray panaon, pian napaandi toy kasalanan, diad panamegley na impangibagat tod sikaton dili.

1 Pedro 1:2

Pinili kayoy Dios Ama, onung ed getma to lan nanlapud gapoy gapo, tan pinasanto kayoy Ispiritu, pian magmaliw kayon maonur ed Jesu-Cristo tan nalinisan kayoy dala to. Nawalaan kayo komuy ag nasabsabaan a bindision tan kareenan.

1 Juan 5:6

Si Jesu-Cristo so linma diad mundo, a sikatoy abinyagan ed danum tan angiterter na dala to diad impatey to. Linma dian ag labat abinyagan ed danum, no ag ingen interter to met so dala to. Say dilin Ispiritu so amaneknek a tua ya, ta say Ispiritu et katwaan.