Levitico 13:6 - Maung A Balita Biblia

⁶ Samay pari nengnengen to lamet diad kumapiton agew et no nakal so poti to may sakit tan ag kinmayat, sintinsiaan ton malinis imay too onung ed ganggan; sakey labat a giri. Samey too ipesak tok kawes to et magmaliw a malinis onung ed ganggan.

Maung a Balita Biblia

⁶ Samay pari nengnengen to lamet diad kumapiton agew et no nakal so poti to may sakit tan ag kinmayat, sintinsiaan ton malinis imay too onung ed ganggan; sakey labat a giri. Samey too ipesak tok kawes to et magmaliw a malinis onung ed ganggan.

Levitico 13:6 Iomraidhean Croise

1 Saray Arari 8:38

dengel mo pa ray pikakasi ra. No siopaman ed saray totoom ya Israelita, odino amin da, et iyonat day kalimaan da ed sayan Timplo diad pampikasi ra lapud impapuson ermen da,

1 Saray Arari 8:45

dengel mo pa ray pikakasi ra. Dengel mo pa rad tawen tan panalom ira.

Saray Salmo 19:12

Anggapoy toon makanengneng na saray dilin lingo to; ipaliis mo ak pa, Katawan, ed saray niamut a kasalanan!

Probirbio 20:9

Peteg kasin nibaga na sakey a too a malinis so konsinsia to tan apaandi la ray kasalanan to?

Ecclesiastes 7:20

Anggapoy too diad tapew na dalin a manggagawa lawas na kamaungan tan ag balut mankasalanan.

Isaias 42:3

Ag to poteren so pikewet a tanobung odino erepen so makuykuyep a lamparaan. Iyakar toy mansiansian inkatonung ed amin a katoowan.

Levitico 11:40

No walay mangan na anggan dinan a parti na samay inatey ya ayep, nepeg ton ipesak so kawes to, balet sikato niy marotak ya anggad labi; siopamay manawit na inatey ya ayep nepeg ya ipesak toy kawes to, balet sikato niy marotak ya anggad labi.

Levitico 13:2

No say sakey a too et agiri odino apelsaan odino alanokan a nayarin magmaliw a singa sakit a kating, iyakar ed kinen Aaron odino diad sakey ed saray paparin anak to.

Levitico 13:5

Say pari nengnengen to lamet diad kumapiton agew imay too; no diad pakanengneng to et ag angoman imay sakit tan ag kinmayat, panayamen to nin pitoy agew ed akabiig a pasen.

Levitico 13:7

Balet no samay sakit et kinmayat kayari na impannengneng tan impanintinsia na pari a malinis imay too, nepeg a mampanengneng lamet imay too ed pari.

Levitico 14:8

Samay too ipesak toy kawes to, poklisan toy olo to, tan manames; diad onya magmaliw a malinis onung ed ganggan. Nayarian toy onloob ed kampo balet ta manayam ni na pitoy agew ed paway na tulda to.

Saray Taga Roma 14:1

Awat yoy agi yon makapoy ed pananisia, balet ag kayo la misasangsangan ed sikato nipaakar ed dilin pakatalus to.

2 CORINTO 7:1

Nisipan ira yan amin ed sikatayo, inararon agagi. Linisan tayo sirin so laman tan ispiritu tayo ed amin a makarotak. Pampelengan ti siriy magmaliw a nagnap ed kinasanto, diad panamegley na pambilay a walay panamagalang tayo ed Dios.

Deuteronomio 32:5

Balet aliwan matoor kayod sikato, aliwa kayon manepeg a totoo to; makasalanan tan managpalikdo kayon bansa.

Saray Hebreo 10:22

Onsingger itayod Dios, sirin, a matoor so puso tayo tan mabiskeg so pananisia tayo. Onsingger itayon malinis lay puso tayo ta alinisan lad maoges a konsinsia, tan naorasan la na puron danum so laman tayo.

Saray Hebreo 9:10

Sarayan totontonen et nipaakar ira labat ed kakanen, iinomen, tan saray nandoroman panaglinis. Susumpalen ira labat nipaakar ed laman, tan walay kana ra labat anggad pangoman na Dios ed amin a bengatla.

Santiago 3:2

Ta amin tayo nalilingon naynay. Say toon ag nalingod pananalita to, nagnap tan naadyaan toy intiron laman to.