Levitico 13:45 - Maung A Balita Biblia

⁴⁵ Say toon walay kating ed laman to nepeg a mankawes na apilat-pilat, ag mansagaysay, sakuban toy kapalduan lupa to ed bandad leksab, tan oneyag, “Marotak, marotak!”

Maung a Balita Biblia

⁴⁵ Say toon walay kating ed laman to nepeg a mankawes na apilat-pilat, ag mansagaysay, sakuban toy kapalduan lupa to ed bandad leksab, tan oneyag, Marotak, marotak!

Levitico 13:45 Iomraidhean Croise

Genesis 37:29

Nen pinmawil ed samay bobun si Ruben tan anengneng ton anggapo lad may Jose, pinilat toy kawes to diad ermen to.

2 Samuel 13:19

Ininan toy dapul so olo to, pinilat toy kawes to, tan linma lan manakis a sankaakup toy lupa to.

2 Saray Arari 7:3

Walay apatiran lalakin akating a wala rad paway na saray puirta na siudad, tan kuandad sakey tan sakey, “Akin et manalagar tayo dia ya anggad ag tayo ipatey?

Say Libro nen Job 1:20

Lapud saya inmalagey si Job tan pinilat toy kawes to a pangipanengneng toy ermen to. Kiniskisan toy olo to tan intiblak tod dalin.

Say Libro nen Job 42:6

Kanyan nababaingan ak lapud amin ya imbagak tan magbababawi diad dabuk tan dapul.

Saray Salmo 51:3

Bibirbiren ko ray maoges a ginagawak; lawas walad kanunotan ko ray kasalanan ko.

Saray Salmo 51:5

Nen nianak ak maoges ak la; nen inlokun ak nen inak makasalanan ak la.

Isaias 52:11

Ag yo sasaewen a taynan so Babilonia, amin yon umaawit na saray kagawaan na Timplo. Ag yo didiwiten so antokaman a marotak onung ed ganggan; pansiansia yon masanto so sikayon dili tan taynan kayo.

Isaias 6:5

Inkuanko, “Pakaskasi ak la! Anggapo lay ilalok! Maoges ya amin so sasalitaen na dilak, tan manaayam ak ed kawalaan da ray totoon maoges so sasalitaen da. Naamtaan ko ya, lapud say Ari a Katawan a Makapanyarin-amin so anengneng na saray dilin matak.”

Isaias 64:6

Nankasalanan kamin amin; marotarotak a tuloy so anggan say sankaabigan lan gagawaen mi. Lapud saray kasalanan mi singa kami saray amagaan a bolung ya intitikyab na dagem.

Jeremias 3:25

Nepeg miy onlereg ed kababaingan tan tabunan kamiy kabandayan. Nanlapu lad impanogaw mi, saray lalaki mi tan sikami et nankasalanan ed Katawan a Dios mi; ag mi inonur iray ganggan to.”

Jeremias 36:24

Balet samay ari odino saramay opisyal ya akadngel ed sarayan amin et ag ira tinmakot odino angipatnag na pagbabawi ra.

Saray Tagleey 4:15

“Arawi kayo!” eyag da ray totoo. “Marotak kayo! Ag yo kami didiwiten!” Kanyan nanakar-akar irad saray bansa, ta anggapoy malabay a mamatuloy ed sikara.

Ezekiel 24:17

Ag mo ikakasil so panngesnges mo. Ag ka ompapaway ya anggapoy turban mo odino kasali-sali a pangipanengneng moy ermen mo. Ag mo sasakbungay lupam; ag ka met mamangan na kakanen da ray maneermen.”

Ezekiel 24:22

Diad satan gawaen yoy singa ginawak. Ag yo sakbungan so kalupaan yo odino mangan na kakanen da ray maneermen.

Joel 2:13

Ipapuso yoy panermen yo; aliwan masarag so pampilat yod kawes yo.” Pawil kayod Katawan a Dios yo, ta maabagey tan mapangasi; sikatoy maanos tan totooren toy sipan to; sipaparaan a mamirdona, aliwan manusa.

Levitico 10:6

Insan inkuanen Moises ed kinen Aaron tan diad saray lalakin anak to a di Eleazar tan Itamar, “Ag yo papaolyan ya agotgot so buek yo, odino pipilaten iray kawes yo diad pangipanengneng yon maneermen kayo. No gawaen yo ompatey kayo, tan say Katawan mampasnuk ed amin ya Israelita. Balet amin a kapara yon Israelita et naabuloyan iran manermen, lapud sayan patey a say makasengeg et say apoy ya impelag na Katawan.

Levitico 13:44

samay pari sintinsiaan ton marotak imay too, lapud samay kating a walad olo to.

Levitico 21:10

“Say Pangulon Pari et kinalboan na larak so olo to tan nisaklang a mangisolung na saray kawes na pari, kanyan ag to nepeg a paolyan ya ag asagaysay so buek to odino pilaten toy kawes to diad pangipanengneng ton maneermen.

Mikias 3:7

Napelag ed kababaingan iray totoon mampropisiya na nipaakar ed nagawad arapen. Nabaingan ira lapud anggapoy naalagar dan ebat na Dios.

Saray Bilang 5:2

“Iganggan mod saray totood Israel a papawayen dad kampo iray amin ya akating odino walay ompapaway ed laman da tan amin iray totoon marotak lapud impakadiwit dad bangkay.

Lucas 17:12

Nen onloloob ed sakey a bario, inabet na samploran totoo ya akating. Nanalagey irad arawdawi

Lucas 5:8

Nen naimatunan nen Simon Pedro yan agawa, dinmakmomo ed saliyan nen Jesus tan inkuanto, “Arawi kad siak, Katawan, ta makasalanan ak a too!”