Levitico 12:8 - Maung A Balita Biblia

⁸ No ag nayarian na sakey a bii so mangibagat na sakey a kordiro, nepeg a mangisaklang na duaran palekpek odino duaran malapati, say sakey isaklang a bagat a popoolan tan say sakey ibagat a para kasalanan. Say pari gawaen toy sirimonya a mangekal na inkarotak na samay bii et, diad ontan, magmaliw a malinis onung ed ganggan.

Maung a Balita Biblia

⁸ No ag nayarian na sakey a bii so mangibagat na sakey a kordiro, nepeg a mangisaklang na duaran palekpek odino duaran malapati, say sakey isaklang a bagat a popoolan tan say sakey ibagat a para kasalanan. Say pari gawaen toy sirimonya a mangekal na inkarotak na samay bii et, diad ontan, magmaliw a malinis onung ed ganggan.

Levitico 12:8 Iomraidhean Croise

Levitico 1:14

No samay too et mangisaklang na sakey a manok a bagat a popoolan, nepeg a sakey a malapati odino sakey a malangwer a palekpek.

Levitico 12:7

Say pari isaklang to yan bagat ed Katawan tan gawaen toy sirimonya a mangekal na inkarotak to et, diad ontan, magmaliw a malinis onung ed ganggan. Sikato ya sirin so nepeg a gawaen na sakey a bii kayari ton mananak.

Levitico 13:1

Say Katawan inter tod kindi Moises tan Aaron ira yan totontonen.

Levitico 14:21

No mairap so bilay na sakey a too tan ag to nayarian ira yan ibagat, mangyakar na sakey labat a kordiron kalakyan ya isaklang ton bagat a pambayar ya onkanan panlinis ed sikato onung ed ganggan, sakey a nidoma-doman bagat ed Katawan a para pari. Sikatoy mangyakar na sakey labat a kilon arina ya inkames ed larak na oliba a para bagat a trigo tan talora tan kapalduan litron larak na oliba.

Levitico 14:22

Mangyakar met na duaran palekpek odino duaran malangwer a malapati; say sakey ibagat a para kasalanan tan say sakey para bagat a popoolan.

Levitico 15:14

Diad kumawalon agew mangyakar na duaran palekpek odino duaran malapati diad lolooban na samay Tuldan Ayamay Katawan, ta iter to ra ed pari.

Levitico 15:15

Say pari ibagat toy sakey a para kasalanan tan say sakey ibagat ton popoolan. Diad onya gawaen toy sirimonya a panlinis ed too.

Levitico 15:29

Diad kumawalon agew samay manpapadala mangyakar ed pari na duaran palekpek odino duaran malangwer a malapati, diad lolooban na Tuldan Ayamay Katawan.

Levitico 4:26

Insan to poolan ed altar iray amin a taba to may ayep a singa pamool tod taba na saray ayep a pinatey ya ibagat a para kareenan. Diad onya say pari isaklang toy bagat a para kasalanan na samay manoley, et napirdona yan manoley.

Levitico 5:11

No ag nayarian na sakey a too so mangibagat na duaran palekpek odino duaran malangwer a malapati lapud irap na bilay to, mangyakar na sakey kilon arina a bagat ton para kasalanan. Ag to laukan na larak na oliba odino insinso, lapud bagat a para kasalanan.

Levitico 5:7

No say sakey a too et ag to nayarian so mangibagat na kordiro odino kanding lapud irap na bilay to, mangyakar ed Katawan na duaran palekpek odino duaran malangwer a malapati a pinagkabayar na kasalanan to; say sakey ibagat para kasalanan tan say sakey isaklang a bagat a popoolan.

Mateo 21:12

Linmoob si Jesus ed Timplo tan pinataynan to ray manlalako tan mansasaliw diman. Imbabalintuag to ray lamisaan da ray managsalat na kuarta tan saray yorungan da ray managlakoy malapati.

2 CORINTO 8:9

Ta kabat yoy panangaroy Katawan tin Jesu-Cristo; anggaman a mayaman nagmaliw a mairap-bilay makasengeg ed sikayo, pian onyaman kayo diad panamegley na inkamairap-bilay to.