Levitico 12:6 - Maung A Balita Biblia

⁶ No nagmaliw lan malinis onung ed ganggan kayari na inkarotak to lapud impananak to na laki odino bii, nepeg a mangyakar ed pari diad lolooban na Tuldan Ayamay Katawan na sakey taon a kordiro, ta isaklang a bagat a popoolan tan say sakey a malapati odino sakey a palekpek, ta isaklang a bagat a para kasalanan.

Maung a Balita Biblia

⁶ No nagmaliw lan malinis ongun ed ganggan kayari na inkarotak to lapud impananak to na laki odino bii, nepeg a mangyakar ed pari diad lolooban na Tuldan Ayamay Katawan na sakey taon a kordiro, ta isaklang a bagat a popoolan tan say sakey a malapati odino sakey a palekpek, ta isaklang a bagat a para kasalanan.

Levitico 12:6 Iomraidhean Croise

Genesis 15:9

Inmebat, “Awit ka diay sakey a baka, sakey a kanding, tan sakey a karniro, a mantaon iran amin na talora. Awit ka dia met na sakey a sibong na malapati tan sakey a palekpek.”

Levitico 12:2

a nepeg a sumpalen na saray totood Israel. Diad loob na pitoran agew kayariy pananak na sakey ya ina ed sakey a laki, sayan ina et marotak onung ed ganggan, a singa inkarotak to no naliliberan.

Levitico 12:5

Diad loob na labinapat agew kayariy pananak na ina ed sakey a bii, sayan ina et marotak onung ed ganggan, a singa inkarotak to no naliliberan. Insan anemaplo tan anem ya agew ni a siansian marotak lapud inkaekalan toy dala nen nananak.

Levitico 12:7

Say pari isaklang to yan bagat ed Katawan tan gawaen toy sirimonya a mangekal na inkarotak to et, diad ontan, magmaliw a malinis onung ed ganggan. Sikato ya sirin so nepeg a gawaen na sakey a bii kayari ton mananak.

Levitico 14:22

Mangyakar met na duaran palekpek odino duaran malangwer a malapati; say sakey ibagat a para kasalanan tan say sakey para bagat a popoolan.

Levitico 15:14

Diad kumawalon agew mangyakar na duaran palekpek odino duaran malapati diad lolooban na samay Tuldan Ayamay Katawan, ta iter to ra ed pari.

Levitico 15:29

Diad kumawalon agew samay manpapadala mangyakar ed pari na duaran palekpek odino duaran malangwer a malapati, diad lolooban na Tuldan Ayamay Katawan.

Saray Bilang 6:10

Diad kumawalon agew mangyakar ed pari na duaran palekpek odino duaran malapati diad lolooban na Tuldan Ayamay Katawan.

Lucas 2:22

Nen asabiy agew a pampalinis di Jose tan Maria, onung ed Ganggan nen Moises, linma rad Jerusalem. Inawit dan isaklang ed Katawan imay ogaw.

Juan 1:29

Diad kaimbwasan, anengneng nen Juan si Jesus ya ondaragod sikato. Inkuanto, “Nia so Kordiro na Dios a mangekal na kasalanay sankamundoan.

2 CORINTO 5:21

Ag nankasalanay Cristo, balet lapud pankaabigan tayo, nibilang a makasalanan pian diad pikasakey tid sikato, nibilang itayon matonung ed arap na Dios.

Saray Hebreo 7:26

Si Jesus sirin, so Pangulon Pari a mangiiter na saray nakaukolan tayo! Ta sikatoy masanto; anggapoy tilul o kasalanan to; nibiig ed saray makasalanan tan nitanduro ya anggad labas da ray katawenan.