Levitico 12:3 - Maung A Balita Biblia

³ Diad kumawalon agew nepeg a segaten so ogaw.

Maung a Balita Biblia

³ Diad kumawalon agew nepeg a segetan so ogaw.

Levitico 12:3 Iomraidhean Croise

Exodo 22:30

Iter yod siak iray besag ya anak na baka tan karniro yo. Piamung yon pitoran agew ed ina to so besag a kalakyan, insan yo ibagat ed siak no kumawalon agew.

Levitico 12:4

Sayan ina talomplo tan taloy agew ni a siansian marotak lapud inkaekalan toy dala nen mananak; nepeg ya ag to mandiwit na antokaman a masanto, ni onloob ed dalem na masanton Tulda ya anggad pagmaliw to lan malinis onung ed ganggan.

Levitico 15:3

marotak yan laki.

Lucas 1:59

Nen waloy agew to la may ogaw, dinmago ray totoon manegat ed sikato. Zacarias komuy pangingaran dad sikato pian iboloy dad kinen ama to,

Lucas 2:21

Kasabiy kumawalon agew, sinegat da may ogaw tan Jesus so impangingaran dad sikato. Saya may ngaran ya inter na anghil kasakbayan a ninginew imay ogaw.

Saray Gawgawa 15:1

Wala ray pigaran totoon nanlapud Judea a sinmabid Antiokia, tan imbabangat dad saray agagi, “Ag kayo nilaban no ag kayo natandaay segat, onung na ibabagay Ganggan nen Moises.”

Saray Taga Roma 3:19

Natan amta tayo ya amin iray walad Ganggan et para saray walad silong na Ganggan, pian napatonda toy pambabaraan na amin a katoowan tan napasilong tod panagsintinsia na Dios so sankamundoan.

TAGA GALACIA 3:17

Sayay labay kon ibaga: pinaletay Dios so sakey a sipanan tan insipan to a sumpalen. Saman a sipanan et ag nayarin deraley Ganggan a sinmabi kalabas na apat a lasus tan talomplon taon, tan ag to naekalay kakanaan so sipay Dios.

TAGA GALACIA 5:3

Pasakbayan ko lamet so balang sakey a mampasegat a nakaukolan ya onuren toy intiron Ganggan.

Deuteronomio 30:6

Say Katawan a Dios yo et itdan to kayo tan saray kabyangay boleg yo na matoluk a puso pian aroen yo ed intiron puso yo, et mansiansia kayon manayam ed saman a dalin.

FILIPOS 3:5

Asegat ak nen kumawalon agew na inkianak ko. Talagan Israelita ak, nanlapu ak ed boleg nen Benjamin, tan nianak ak a Hebreo. No nipaakar ed pananumpal na ganggan so pantotongtongan, sakey ak a Pariseo.

COLOSAS 2:11

Lapud pikakasakey yod Cristo atandaan kayoy segat aliwan lapud impakagerger ed laman yo, no ag lapud nakal kayo lad maoges a pakayariy laman. Sayan segat nanlapud Cristo.