Levitico 11:7 - Maung A Balita Biblia

⁷ Ag kayo mamangakan na baboy ta ipasen yon marotak ya ayep; pisag iray koko to, balet ag mamparintek.

Maung a Balita Biblia

⁷ Ag kayo mamangakan na baboy ta ipasen yon marotak ya ayep; pisag iray koko to, balet ag mamparintek.

Levitico 11:7 Iomraidhean Croise

Isaias 65:4

Diad labi oonla rad saray ongib tan diad saray lobuk, ta mangipanon irad saray ispiritu na inaatey. Mamangan iray karniy baboy tan oniinom iray sabaw na karnin nisaklang a bagat na saray pagano.

Isaias 66:17

Say Katawan kuanto, “Asingger lay pansamput na bilay da ray totoon lilinisan day sikaran dili pian makapangigalang iran singa saray pagano, manlilibot iran onlad saray masanton tanamanan, tan mangakan iray karniy baboy tan karniy otut tan arum ni ran makapaingungot a kakanen.

Isaias 66:3

“Saray totoo gagawaen day labay dan dili. Anggapoy pandomaan ed sikara so pamatey na baka ya ibagat tan say pamatey na too ya ibagat; say pangibagat na kordiro tan say pamekpek na aso ed tenger; say pangisaklang da na bagat a trigo tan say pangibagat day dala na baboy; say pangibagat da na insinso tan say pampikasi rad talintaoy diriyos. Maliket irad makapaingungot a klasiy panangigalang ed Dios.

Levitico 11:3

a pisag so koko to tan mamparintek.

Levitico 11:8

Ag kayo mamangakay dinan man ed sarayan ayayep, ni didiwiten so laman ton inatey; marotak ira yan ayayep.

Mateo 7:6

“Ag yo iiter ed saray aso so bengatlan masanto, ta poliktaran tan ketketen da kayo. Ag yo met ibabantak ed saray baboy iray alahas yo, ta gatingatinan da ra labat.”

Lucas 15:15

Linman akikimey ed sakey a tood saman a pasen, tan samay too imbaki ton manasikasoy baboy.

Lucas 8:33

Kanyan pinmaway ira may dimonyo ed samay laki tan linmoob irad saramay baboy. Insan binmatik ed pandel ira may baboy, naplag irad dayat tan nalner ira.

Deuteronomio 14:8

Ag kayo mangakan na baboy. Marotak ya ayep; pisag iray koko to, balet ag mamparintek. Ag kayo mamangakay dinan man ed sarayan ayayep o didiwiten so laman ton inatey.