Levitico 11:42 - Maung A Balita Biblia

⁴² Nayarin sarayan ayayep et maniilas ira, odino panaakar day apatiran sali ra, odino amayamay so sali ra.

Maung a Balita Biblia

⁴² Nayarin sarayan ayayep et maniilas ira, odino panaakar day apatiran sali ra, odino amayamay so sali ra.

Levitico 11:42 Iomraidhean Croise

Genesis 1:20

Insan ingganggan na Dios, “Sikan danum, mamawala ka na amayamay a klasiy mabilay a bengatla, tan sikan liwang, mamawala ka na amayamay a klasiy manok.”

Isaias 65:25

Mandorongo a mangan iray asod katakelan ton saray kordiro; saray lion mangan ira na dayami a singa saray baka; tan saray oleg ag la ra mangetket. Anggapo lad satan so antokaman a mamasakit odino kaogsan diad masanton palandey ko a Sion.”

Levitico 11:41

Ag yo nepeg so mansira na dinan man ya ankekelag ya ayep a manaakar ed tapew na dalin, ta marotak ira.

Levitico 11:43

Ag yo dodotakay sikayon dili diad pangan yod sarayan ayayep.

Mikias 7:17

Manilos irad dabuk a singa oleg; ompaway irad saray tirinsira ra, manggiwgiw tan natatakot ira. Ondago ran sitatakot ed Katawan a Dios mi.

Mateo 23:23

“Pakaskasi ki la, sikayon iskriba tan sikayon Pariseo! Mansimpisimpitan a totoo! Iiter yoy kakaplo na anggan saray rikado a singa say yirbabuina, anis, tan kumino, balet ag yo susumpalen iray lalon ambelat ya ibabagay Ganggan a singa say katonungan, say panangasi, tan say inkamatoor. Nepeg yo ra yan sumpalen, balet ag yo met papaolyan iray arum a ganggan.

Mateo 3:7

Nen anengneng to ray amayamay a Pariseo tan Saduseo ya ondadagod sikaton mampabinyag, inkuantod sikara, “Sikayon apoliyay oleg! Siopay angibagad sikayon naliktaran yoy sanuk na Dios ya asingsingger lan onsabi?

Juan 8:44

Say Diablo so ama yo, kanyan labay yon gawaen iray pilalek na ama yo. Sikatoy managpatey na too nanlapu lad gapo. Sumlang ed katwaan lawas, lapud anggapoy katwaan ed sikato. Ogali toy mantila, lapud sikatoy matila tan sikatoy ama na panagtila.

2 CORINTO 11:13

Tila-tila ra tan ya “apostol”, manlilingo ra labat tan mialalig iran apostol nen Cristo.

2 CORINTO 11:3

Balet mapaga ak, ta ompan naderal iray kanunotan yo tan niarawi kayod matoor tan malinis a panangarod Cristo, a singa si Eva et apalingo lapud silib na oleg.

Tito 1:12

Taga Creta tan sakey ed saray propita ra met lamlamang so angikuan, “Saray taga Creta et matitila, maoges iran ayep, mangingiras, tan buakag ira.”