Levitico 11:40 - Maung A Balita Biblia

⁴⁰ No walay mangan na anggan dinan a parti na samay inatey ya ayep, nepeg ton ipesak so kawes to, balet sikato niy marotak ya anggad labi; siopamay manawit na inatey ya ayep nepeg ya ipesak toy kawes to, balet sikato niy marotak ya anggad labi.

Maung a Balita Biblia

⁴⁰ No walay mangan na anggan dinan a parti na samay inatey ya ayep, nepeg ton ipesak so kawes to, balet sikato niy marotak ya anggad labi; siopamay manawit na inatey ya ayep nepeg ya ipesak toy kawes to, balet sikato niy marotak ya anggad labi.

Levitico 11:40 Iomraidhean Croise

Exodo 22:31

“Sikayo ray totook, kanyan ag yo kakanen so karni na dinanman ya ayep a pinatey na saray ayep ed takel; iter yo lad saray aso.

Isaias 1:16

Orasan yoy sikayon dili. Tondaan yoy amin a kaogsan a nanenengneng kon gagawaen yo. On, tondaan yo lay panggagawa yoy kaogsan

Ezekiel 36:25

Walsikan ta kayoy malinis a danum tan linisan ta kayod saray amin a talintaoy diriyos yo tan diad amin a bengatlan nandotak ed sikayo.

Ezekiel 4:14

Balet inmebat ak, “Andi, Katawan a Dios! Ag ko ni dinotakan so siak a dili onung ed Ganggan. Nanlapu lad impanogaw ko ag ak nin balut angan na karniy ayep a basta inatey odino pinatey na ayep ed katakelan. Ag ak nin balut angan na kakanen a marotak onung ed Ganggan.”

Ezekiel 44:31

Saray papari et ag ira nepeg a mangan na manok o ayep ya inatey a bukor odino pinatey na kapara ton ayep.”

Levitico 11:39

Siopamay makadiwit na inatey a laman na sakey a nayarin kanen et magmaliw a marotak ya anggad labi.

Levitico 14:46

Siopamay toon onloob ed abung legan ya akatalak et magmaliw a marotak ya anggad labi.

Levitico 15:15

Say pari ibagat toy sakey a para kasalanan tan say sakey ibagat ton popoolan. Diad onya gawaen toy sirimonya a panlinis ed too.

Levitico 15:27

Siopamay makadiwit ed saraya et marotak; nepeg ya ipesak toy kawes to tan manames, tan siansian marotak ya anggad labi.

Levitico 16:26

Say toon angibolus na kanding ed kalawakan diad Azazel et nepeg ya ipesak toy kawes to tan manames kasakbayan ya ompawil ed kampo.

Levitico 16:28

Say toon mamool ed saraya et nepeg ya ipesak toy kawes to tan manames kasakbayan ya ompawil ed kampo.

Levitico 22:6

Siopamay parin magmaliw a marotak siansian marotak ya anggad labi, tan anggan no malinis la ag nin siansia makapangan na saray masanton bagat no ag ni nanames.

Levitico 22:8

Ag to nepeg a kanen so karni na dinan man ya ayep ya inatey a bukor odino pinatey na saray ayep ed takel; sayan karni et makarotak ed sikato. Siak so Katawan.

Zacarias 13:1

“No onsabiy tan a panaon,” kuay Katawan a Makapanyarin-amin, “nalokasan so subul a manlinis ed kasalanan tan panangigalang ed talintaoy diriyos iray kabyangay boleg nen David tan saray totood Jerusalem.

Saray Bilang 19:19

Diad kumatlon agew tan diad kumapiton agew say too a malinis onung ed ganggan et walsikan to na samay danum so toon marotak onung ed ganggan. Diad kumapiton agew say toon malinis linisan to may toon marotak. Diad mansironget magmaliw a malinis onung ed ganggan kayari ton impesak so kawes to tan kinalboan so laman to na danum.

1 CORINTO 10:21

Ag yo nayariay oninom ed kupay Katawan tan diad kupa da ray dimonyo. Ag yo nayariay ondongod lamisaay Katawan tan diad lamisaan da ray dimonyo.

1 CORINTO 6:11

Ontan met iray arum ed sikayo nen saman. Balet naorasan ki lad kasalanan yo; apasanto ki lad Dios; nibilang ki lan anggapoy kasalanan ed arap na Dios diad panamegley na ngaran na Katawan tayon Jesu-Cristo tan lapud Ispiritu na Dios tayo.

Deuteronomio 14:21

“Ag yo kakanen so antokaman ya ayep ya inatey a bukor. Nayarin ipakan yod saray sangkailin manaayam ed kawalaan yo, odino ilako yo ed arum iran sangkaili. Balet kayaryan kayo na Katawan a Dios yo; sikayo ray totoo to. “Ag yo ilolotod gatas na ina to so kordiro odino kilaw na kanding.

1 Juan 1:7

Balet no mambilay itayo ed silew a singa sikato et walad silew, walay maung a pankakasakey tayo tan say dala na Anak ton Jesus et linisan to itayo ed amin a kasalanan.