Levitico 11:33 - Maung A Balita Biblia

³³ Et no dinmapod banga so inatey a laman da, amin a karga to may banga magmaliw a marotak, tan nepeg yon betagen.

Maung a Balita Biblia

³³ Et no dinmapod banga so inatey a laman da, amin a karga to may banga magmaliw a marotak, tan nepeg yon betagen.

Levitico 11:33 Iomraidhean Croise

Jeremias 48:38

Diad amin a toktok na abung ed Moab tan diad amin a plasa to, akis na kaermenan labat so narerengel lapud binetag kon singa pasig so Moab kanyan anggapo lay malabay.

Levitico 11:34

Amin a kakanen a naibungan na danum a walad saman a banga et magmaliw a marotak tan amin a nayarin inumen a wadman ed saman a banga et magmaliw a marotak.

Levitico 11:35

Anggan anton bengatla a nadapoan na inatey a laman et magmaliw a marotak; say dalin a dalikan odino pogun et nepeg a betagen,

Levitico 13:52

Say pari poolan to, lapud onkayat yan pikas a nepeg a deralen diad panamegley na apoy.

Levitico 14:45

Nepeg a bagbagen la may abung; amin a bato to, saray kiew to, tan amin a palitada to et nepeg ya ibantak irad sakey a marotak a pasen diad paway na siudad.

Levitico 15:12

Say bangan nadiwit na samay too et nepeg a betagen, tan say kiew a yaung a nadiwit to et nepeg ya orasan.

Levitico 6:21

Nepeg a nikames ed larak imay arina tan niluto ed bibingkaan, pingpinglisen, insan isaklang a bagat a trigo ed Katawan; makapaliket ed Katawan so balingit na sayan bagat.

Levitico 6:28

Dinan man a bangan panlambungan ed karni na samay ayep nepeg a betagen, tan no gansan kaldiro so ikana, nepeg a gisigisen insan orasan na danum.

Saray Bilang 19:15

Magmaliw met a marotak so dinan man ya anggapoy sakub a banga odino boyug ed dalem na samay tulda.

FILIPOS 3:21

Diad sayan ipawil to, salatan to yay magter a laman tayo na singa laman ton mapagalang. Gawaen to ya, diad panamegley na pakayarin pakapasuko tod pakaoley to na saray amin a bengatla.