Levitico 10:14 - Maung A Balita Biblia

¹⁴ Balet sikayo tan saray anak yon lalaki tan bibii et nayarian yon kanen so pagew tan say kamanonur a sali a nisaklang a nidoma-doman rigalo ed Katawan a para saray papari. Nayarian yo ran kanen ed sakey a pasen a malinis onung ed ganggan. Sarayan bagat et niiter irad sikayo a parti ran nabebetangan yo ed saray bagat a para kareenan ya isaklang na saray totood Israel.

Maung a Balita Biblia

¹⁴ Balet sikayo tan saray anak yon lalaki tan bibii et nayarian yon kanen so pagew tan say kamanonur a sali a nisaklang a nidoma-doman rigalo ed Katawan a para saray papari. Nayarian yo ran kanen ed sakey a pasen a malinis onung ed ganggan. Sarayan bagat et niiter irad sikayo a parti ran nabebetangan yo ed saray bagat a para kareenan ya isaklang na saray totood Israel.

Levitico 10:14 Iomraidhean Croise

Exodo 29:33

Kanen da so inkanad sirimonya na pakapaandiy kasalanan nen akonsagraan ira. Saray papari labat so nayarin mangan ed sayan kakanen, lapud masanto yan kakanen.

Ezekiel 42:13

Samay laki kuantod siak, “Masanto ra yan paalagey. Diad loob na sarayan kuarto, kanen na saray paparin onloob ed kawalaan na Katawan iray sankasantosan a bagat. Lapud masanto ra yan kuarto, ipasen dia na saray papari iray sankasantosan a bagat: saray trigon bagat tan saray bagat a nisaklang a para kasalanan odino bagat a pambayar.

Levitico 10:13

Akan yod sakey a masanton pasen; sikato ya so betang yo tan saray lalakin anak yo ed bagat a popoolan ed Katawan. Sikato ya so ingganggan ed siak na Katawan.

Levitico 22:13

Balet say balo odino insian a bii ya anggapoy anak to tan pinmawil a manaayam ed abung na ama to a singa say gendat a kipapasen to nen marikit ni, nayarin mangan na kakanen a nanaawat na ama ton pari. Saray kabyangan labat na pamilya na pari so nayarin mangan na saray masanton bagat.

Levitico 9:21

tan inyapay ton nidoma-doman rigalod Katawan a para saray papari ira so pagew tan saray kamanonur a sali, onung na ingganggan nen Moises.

Saray Bilang 18:11

“Say kaaruman to ya et saray arum a nidoma-doman rigalon isaklang ed siak na saray Israelita; kayaryan yo met ira ya. Iter ko rad sika, saray anak mon lalaki tan bibii; iter ko rad sikayo anggan kapigan man. Nayarin kanen ira na amin a kabyangan na pamilyam no malinis ira onung ed ganggan.

Saray Bilang 5:9

Ontan met, amin a nidoma-doman bagat ya isaklang da ray Israelita ed Katawan et kayaryan ira parin pangiteran da.

Juan 4:34

Inkuanen Jesus ed sikara, “Say kanen ko say pangonur koy linawa na angibakid siak tan say panumpal koy kimey a pagagawa tod siak.