Levitico 10:1 - Maung A Balita Biblia

¹ Di Nadab tan Abiu a lalakin anak nen Aaron inala ra so pananginay insinso na balang sakey ed sikara, kinargaan da ra na ngalab, tinapewan da ra na insinso, insan da ra inyapay ed Katawan. Balet aliwa yan masanton apoy, ta say Katawan ag to ra ingganggan ya iyapay da.

Maung a Balita Biblia

¹ Di Nadab tan Abiu a lalakin anak nen Aaron inala ra so pananginay insinso na balang sakey ed sikara, kinargaan da ra na ngalab, tinapewan da ra na insinso, insan da ra inyapay ed Katawan. Balet aliwa yan masanton apoy, ta say Katawan ag to ra ingganggan ya iyapay da.

Levitico 10:1 Iomraidhean Croise

1 Saray Arari 18:38

Angipelag na apoy so Katawan, tan pinoolan to may bagat, saramay kiew, tan saramay bato, tan tinektek toy dalin tan pinamaga to may banawang a kawalaay danum.

Saray Salmo 141:2

Awat mo pan singa insinso so pikakasik, tan saray akatagey a limak a singa bagat no labi.

Exodo 24:1

Say Katawan kuantod kinen Moises, “Laen yo ak ed palandey, sikayo di Aaron, Nadab, Abiu, tan saray pitomplon pangulo na Israel; no arawi ki ni tuek kayo lan mangigalang ed siak.

Exodo 24:9

Kinmalab ed palandey ira di Moises, Aaron, Nadab, Abiu, tan saray pitomplon pangulo na Israel,

Exodo 27:3

Manggawa ka na saray palangganan pananginay dapul, tan manggawa ka na saray karyo, saray yaung, saray tinidor, tan saray palangganan pananginay ngalab. Gansa ra yan amin a kagawaan.

Exodo 28:1

“Paawit moy agim ya Aaron tan saray lalakin anak to a di Nadab, Abiu, Eleazar, tan Itamar. Ibiig mo rad saray Israelita, ta sikaray manlingkur a papari ed siak.

Exodo 31:11

say panaglana a larak, tan say ambalingit ya insinson para Masanton Pasen. Diad panggawa ed sarayan bengatla, nepeg a gawaen da onung ed amin a ganggan kod sika.”

Exodo 37:29

Nanggawa met na masanton larak a panagpoyuk tan say puron ambalingit ya insinso; ginawa to ra a singa panaggaway pabalingit.

Exodo 38:3

Nanggawa met na saray amin a kagawaan na altar: saray palangganan pananginay dapul, saray karyo, saray yaung, saray tinidor, tan saray palangganan pananginay ngalab. Gansa ra yan amin a kagawaan.

Exodo 40:27

tan pinoolan to so ambalingit ya insinso, onung na ingganggan na Katawan.

Exodo 6:23

Si Aaron inasawa toy Eliseba ya anak nen Aminadab tan agi nen Naazon; saray anak da et di Nadab, Abiu, Eleazar, tan Itamar.

Exodo 8:27

Nakaukolan miy manakar na taloy agew diad iyakar mid kalawakan tan diman kami mangibagat ed Katawan a Dios mi, onung na ingganggan tod sikami.”

Jeremias 19:5

tan nampapaalagey iray altar a para si Baal, pian makapampool ira na saray anak dan isaklang a bagat a popoolan. Ag ko ya ingganggan ed sikara; ag balut anggan sinmibang ed kanunotan ko.

Jeremias 32:35

Nanggagawa ra na saray altar a para Baal diad Patar na Hinnom, a pangibagatan dad dios a Moloc na saray anak dan lalaki tan bibii. Ag ko ingganggan ed sikara a gawaen day onya, tan ag anggan sinmebang ed kanunotan ko a gawaen da man a makapaingungot a bengatla, pian pankasalananen da ray totood Juda.”

Jeremias 44:15

Insan amin da ray lalakin amta ran saray kaasawaan da et angibabagat irad saray arum a diriyos tan amin da ray bibiin manalalagey diman, pati saray Judion manaayam ed saray pasen a walad abalaten na Egipto—dakel iran amin ya olup—inkuandad siak,

Jeremias 44:8

Akin et pampapasnuken yo ak diad pangigagalang yod saray talintaoy diriyos tan diad pangibabagat yod saray arum a diriyos diad Egipto a nila yon panaayaman? Gagawaen yo ya a paneral ed sikayon dili, pian ludlureyen kayo na amin iray bansa diad tapew na dalin tan ikana ray ngaran yo a sakey a samba?

Jeremias 7:31

Diad Patar na Hinnom nanggawa ray altar a tatawagey Tofet, a diay nampopoolan dad saray imbabagat dan anak da. Ag ko ingganggan a gawaen da ya odino sinmebang ed kanunotan koy onya.

Levitico 16:1

Say Katawan akisalita ed kinen Moises kayari na impatey na saramay duaran lalakin anak nen Aaron ya inatey ira nen angisaklang ira na aliwan masanton apoy ed Katawan.

Levitico 16:12

mangala na pananginay insinso a napnoy ngalab a nanlapud altar tan duaran akup a pinon insinso, insan awiten to ra ed loob na Sankasantosan a Pasen.

Levitico 22:9

“Amin a pari nepeg a tombuken da ray totontonen ya inter ko. No ag da ra tombuken, mankasalanan ira tan ompatey ira, lapud sinumlang da ray masanton totontonen. Siak so Katawan a mapasantod sikara.

Levitico 9:24

Kabebekta say Katawan angipelag na apoy, tan inoput ton pinoolan imay bagat a popoolan tan saramay taba ed tapew na altar. Nen anengneng ya na saray totoo, inmeyag iran amin tan dinmakmomo ra ya anggad dalin.

Saray Bilang 16:46

et si Moises kuantod kinen Aaron, “Alam so pananginay insinso, kargaan mo na saray ngalab a manlapud altar, insan mo inan na insinso so ngalab. Insan ka mangganat ya onlad saray totoo ta gawam so sirimonya a panlinis ed sikara. Ganatan mo! Tinmerak lay pasnuk na Katawan tan ginmapo lay salot.”

Saray Bilang 26:61

Inatey ira di Nadab tan Abiu nen angyapay irad Katawan na aliwan masanton apoy.

Saray Bilang 4:18

“Ag yo aabuloyan

Deuteronomio 12:32

“Onur yo ray amin ya ingganggan kod sikayo; ag yo ra pasosolukan odino babawasan.

Deuteronomio 17:3

diad panamegley na pangigagalang tan panlilingkur tod saray diriyos odino diad agew odino diad bulan odino diad saray bitewen, a sumlang ed ganggan na Katawan,

Deuteronomio 4:2

Ag yo aaruman so igaganggan kod sikayo, tan ag yo babawasan. Onur yo ray ganggan na Katawan a Dios yo, saray ganggan ya inter kod sikayo.

Saray Hebreo 9:4

Dia so kawalaay balituk ya altar a panagpoolay insinso; diman met so kawalaay kaban na sipanan a binalkut ya intiro na balituk. Walad loob na kaban so balituk a banga ya anginay mana, say nansimit a bastun nen Aaron, tan saray duaran tapyak a baton angisulatan na saray ganggan.