Juan 9:39 - Maung A Balita Biblia

³⁹ Inkuanen Jesus, “Linma ak diad mundo a manintinsia, pian makanengneng iray bulag tan nabulag iray makanengneng.”

Maung a Balita Biblia

³⁹ Inkuanen Jesus, Linma ak diad mundo a manintinsia, pian makanengneng iray bulag tan nabulag iray makanengneng.

Juan 9:39 Iomraidhean Croise

Isaias 29:10

Impantemeg kayo na Katawan, ngalngali kayo la makalirep na malmalet. Saray propita so nepeg komun a pinagkamata na saray totoo, balet pinerengan ira na Dios.

Isaias 44:18

Diad gaway inkakulang-kulang da ra yan totoo ag da amtay gagawaen da. Ikokopit day mata ra tan sasaraan day kanunotan da ed katwaan.

Isaias 6:9

Kanyan imbaga ton onla ak ya ikuankod saray totoo, “Anggan panoy idengel yo, ag yo natalusan. Anggan panoy inengneng yo, ag yo naamtaan no antoy nagagawa.”

Ezekiel 12:2

Inkuanto, “Sika a toon ompatey, manaayam kan kaibam iray mananumpan totoo. Walay mata ra, balet anggapoy nanenengneng da; walay layag da, balet anggapoy narerengel da lapud mananumpa ra.

Mateo 11:5

saray bulag makakanengneng ira, saray lopuy makakaakar ira, saray akating onaabig ira, saray telek makakadngel ira, saray inaatey nabibilay ira, tan saray mairap-bilay nipupulong ed sikara so Maung a Balita.

Mateo 15:14

Paolyan yo ra labat. Bulag iran manangiwanwan; et no itabin na bulag so kapara ton bulag, napelag iran duad banawang.”

Mateo 6:23

Balet no walay sakit na matam, nabilongetan met so intiron laman mo. Kanyan no say liwawan walad sika et bilonget manaya, agaylay bilonget!”

Lucas 1:79

pian nasilewan ton manlapud tawen iray walad bilonget tan anino na patey, tan iwanwan to itayod dalan na kareenan.”

Lucas 13:30

Wala ray naonur a makaona, tan wala ray makaona a naonur.”

Lucas 2:34

Binindisionan nen Simeon, tan inkuantod Maria ya ina nen Jesus, “Pinili na Dios yan ogaw a kaderalan o kilabanan na dakel a totood Israel. Sikatoy sakey a tandan manlapud Dios, balet sumpaen na amayamay a totoo,

Lucas 4:18

“Walad siak so Ispiritu na Katawan, ta pinili to ak a mampulong na Maung a Balita ed saray mairap-bilay. Imbaki to ak a mangibalitad saray apriso a nabolus la ra, tan saray bulag a makanengneng la ra. Imbaki to ak met a mangibalitad saray napapairap a nainawaan la ra,

Lucas 7:21

Diad saman ya oras, pinapaabig nen Jesus iray amayamay a mansasakit, saray nanairapan, tan saray inaaponay dimonyo. Iniitdan toy pakanengneng met iray amayamay a bulag.

Juan 12:31

Panaon lan nasintinsiaay sankamundoan. Nibantak la natan so manoley na sayan mundo.

Juan 12:46

Linma ak dia a silew ed sankamundoan, pian siopamay manisiad siak et ag mansiansiad kabilongetan.

Juan 3:17

Ta say Dios ag to imbakiy Anak to a manusa, no ag ingen mangilaban, ed sankamundoan.

Juan 3:19

Onyay impakaawat day sintinsian dusa: sinmabiy silew ed mundo, balet say kabilongetan so inaroy totoo, aliwan say silew, lapud maoges iray gawa ra.

Juan 8:12

Nansalita lamet si Jesus ed saray totoo. Inkuanto, “Siak so silew na sankamundoan. Say ontombuk ed siak walad sikatoy silew a mangiiter na bilay tan ag manakar ed kabilongetan.”

Juan 8:15

Manisintinsia kayo onung ed pananintinsiay too, balet anggapoy sisintinsiaan kon too.

Juan 9:25

Inmebat may laki, “Ag ko amta no sikato kasi et makasalanan o andi. Niay amtak labat: bulag ak nen saman, balet makanengneng ak la natan.”

Saray Gawgawa 26:18

Ibaki ta kad sarayan totoo a mangilokas na saray mata ra, mamaasingger ed sikarad liwawa manlapud bilonget, mamaasingger ed sikarad Dios manlapud pakayari nen Satanas! Diad panamegley na pananisia rad siak, napirdona ray kasalanan da tan makapibiang irad saray totoon piniliy Dios!’”

2 CORINTO 2:16

Sayan balingit samal ed saray nababalang, balet ambalingit tan mangiiter na bilay ed saray nilalaban. Siopay makagawad sayan kimey?

TAGA-EFESO 5:14

ta amin a naliliwawaan et magmamaliw a silew. Kanyan onyay kuanda, “Bangon ka, sikan nanaogip, bangon kan manlapud patey, silewan to ka nen Cristo.”

2 TESALONICA 2:10

Ikana to ray amin a klasiy maoges a pamalikdo ed saray totoon naderal; nilaban ira ya komun no inawat tan inaro ray katwaan.

1 Pedro 2:9

Balet sikayoy apilin totoo, papari na Ari, sakey a bansan masanto, tan totoo na Dios. Say Dios pinili to kayon mangipulong na makapakelaw iran gawgawa to. Sikato met so anawag ed sikayod kabilongetan tan angyakar ed sikayod makapakelaw a liwawa to.

1 Juan 2:11

Balet siopamay mamobosul ed agi to, sikatoy wala ed kabilongetan; pankukurangan toy kabilongetan tan solingsoling, ta binulag na kabilongetan.