Juan 9:24 - Maung A Balita Biblia

²⁴ Kanyan impatawag da lamet imay toon nianak a bulag tan kuanda, “Pagalangan moy Dios diad pangibagam na katwaan! Amta min makasalanan iman a too.”

Maung a Balita Biblia

²⁴ Kanyan impatawag da lamet imay toon nianak a bulag tan kuanda, Pagalangan moy Dios diad pangibagam na katwaan! Amta min makasalanan iman a too.

Juan 9:24 Iomraidhean Croise

Esdras 10:11

Natan sirin, ipatwa yo ray kasalanan yod Katawan a Dios da ray lalaki yo. Gawa yo la natan iray makapaliket ed sikato. Biig kayod saray sangkailin manaayam ed sayan dalin, tan pataynan yo la ray kaasawaan yon aliwan Judio.”

Isaias 66:5

Dengel kayod ibabagay Katawan, sikayon walay takot ed sikato tan mangoonur ed sikato: “Lapud matoor kayod siak, pigaran totoo yo so mamobosul ed sikayo tan ipopolisay da kayo. Luludlureyen da kayo tan kuanda, ‘Ipanengneng komun na Katawan so inkatalonggaring to tan ilaban to kayo, pian nanengneng mi kayon manliket.’ Balet sikaran dili et napelag ed kababaingan.

Marcos 15:27

Insan da impasak a kaiba nen Jesus so duaran tulisan ed sansakey a krus, diad nikawanan tan nikawigi to.

Lucas 15:2

Balet ngoro-ngoro ray Pariseo tan saray iskriba tan inkuanda, “Sayan too aawaten to ray makasalanan tan mimikan nid sikara!”

Lucas 19:7

Amin ya akaimatun ed saya ngoro-ngoro ra tan inkuanda, “Pasasangkaili ed sakey a toon makasalanan!”

Lucas 7:39

Nen anengneng ya na samay Pariseon angimbita, inkuantod sikaton dili, “No tuan propita yan too, kabat to komun no siopa yan bii so mandiriwit ed sikato—sakey a makasalanan!”

Juan 14:30

Ag ko la dokeyay pansalitak ed sikayo, ta onsasabi lay manoley ed sayan mundo. Anggapon balut so pakayari tod siak.

Juan 16:2

Papawayen da kayod saray sinagoga. Onsabi ingey panaon a siopamay mamatey ed sikayo, ipasen ton manlilingkur ed Dios.

Juan 18:30

Inmebat ira, “No anggapoy maoges a ginawa to yan too, ag mi komun inyakar ed sika.”

Juan 19:6

Kanengneng na saray manonan papari tan saray guardia, ineeyag da, “Ipasak mod krus! Ipasak mod krus!” Inkuanen Pilato ed sikara, “Ala yo sirin tan sikayo lay makaoley a mangipasak ed sikato, ta anggapoy arumog kon kasalanan to.”

Juan 5:23

pian amin igalang day Anak a singa pangigagalang dad Ama. Siopamay ag mangigalang ed Anak, ag to igalang so Ama ya angibakid sikato.

Juan 8:46

Siopad sikayoy makapaneknek a nankasalanan ak? Akin sirin et ag yo ak sisiaen, anta ibabagak ed sikayoy katwaan?

Juan 8:49

Inmebat si Jesus, “Ag ak inaponay dimonyo. Papagalangan koy Amak, balet ag yo ak papagalangan.

Juan 9:16

Inkuan na saray pigaran Pariseo, “Say toon nanggawa ed saya et ag nanlapud Dios, ta ag to ngingilinay Agew na Panagpainawa.” Saray arum balet kuanda, “Panoy pakagaway toon makasalanan na ontan la ran milagro?” Nambabalingaan ira sirin.

Juan 9:25

Inmebat may laki, “Ag ko amta no sikato kasi et makasalanan o andi. Niay amtak labat: bulag ak nen saman, balet makanengneng ak la natan.”

Saray Taga Roma 8:3

Say ag nagawaay Ganggan lapud kakapoyay inkatoo, ginawa lay Dios. Dinusa toy kasalanan ed inkatoo diad panamegley na impangibaki toy dilin Anak to a linma dian too a makapankasalanan, tan nagmaliw a bagat para kasalanan.

2 CORINTO 5:21

Ag nankasalanay Cristo, balet lapud pankaabigan tayo, nibilang a makasalanan pian diad pikasakey tid sikato, nibilang itayon matonung ed arap na Dios.

Josue 7:19

Inkuanen Josue ed sikato, “Anak ko, ibagam so tua ed arap na Katawan a Dios na Israel, pian sikatoy napagalangan mo. Ibagam natan so ginawam. Ag mo iyaamut ed siak.”

Puyan 11:13

Diad saman a bekta, yinmegyeg na maksil. Aderal so kakaplon parti na siudad, tan piton libon totoo so inaatey lapud samay yegyeg. Tinmakot iray totoon atilak a mabilay, tan inggalang day Dios na tawen.