Juan 9:16 - Maung A Balita Biblia

¹⁶ Inkuan na saray pigaran Pariseo, “Say toon nanggawa ed saya et ag nanlapud Dios, ta ag to ngingilinay Agew na Panagpainawa.” Saray arum balet kuanda, “Panoy pakagaway toon makasalanan na ontan la ran milagro?” Nambabalingaan ira sirin.

Maung a Balita Biblia

¹⁶ Inkuan na saray pigaran Pariseo, Say toon nanggawa ed saya et ag nanlapud Dios, ta ag to ngingilinay Agew na Panagpainawa. Saray arum balet kuanda, Panoy pakagaway toon makasalanan na ontan la ran milagro? Nambabalingaan ira sirin.

Juan 9:16 Iomraidhean Croise

Mateo 12:10

Walad may lakin aparalisis so sakey a lima to. Wala ra met dimay pigaran totoo a labay dan idalem si Jesus kanyan tinepet da, “Sumpa kasid Ganggan so panambal no Agew na Panagpainawa?”

Mateo 12:2

Nen anengneng na saray Pariseo a gagawaen da ya, inkuandad kinen Jesus, “Nengneng moy gagawaen da ra tay disipulom. Sebel itan no Agew na Panagpainawa!”

Lucas 13:14

Balet nampasnuk so inkargadoy sinagoga, lapud amaabig si Jesus ed Agew na Panagpainawa. Inkuantod saray totoo, “Walay anemiran agew a niganan pankimey. Laki diad sarayan agew a mampatambal, aliwan sano Agew na Panagpainawa!”

Juan 10:19

Walay pambabalingaan lamet na saray Judio lapud sarayan salita nen Jesus.

Juan 14:11

Sisia yon wala ak ed Ama, tan say Ama wala ed siak. No andi, sisia yo ak lapud sarayan gawa.

Juan 15:24

Anggapo komuy kasalanan da no ag ak nanggagawad pegley da na saray kimey ya anggapo niy toon akagawa. Balet natan anengneng da ray ginagawak, et siansian bobosulen da ak tan say Amak.

Juan 2:11

Sayan ginawa nen Jesus dimad Cana ed Galilea et onona-ona ed saray milagron ginagawa to. Diad panamegley na sayan agawa impatnag nen Jesus so kagalangan to, kanyan anisiad sikato ray disipulo to.

Juan 3:2

Aminsan a labi, linmad kinen Jesus. “Rabi,” kuanto, “amta mi a sakey kan bumabangat ya imbaki na Dios. Ta anggapoy toon makagawa ed saray gagawaen mo, likud no walad sikatoy Dios.”

Juan 5:10

kanyan imbaga na saray Judio ed samay toon inmabig, “Agew na Panagpainawa natan! Ag mo nepeg a libiten so dokulan mo. Sumpad Ganggan itan.”

Juan 5:36

Balet walay mantasid siak a lalon ambelat nen say impantasi nen Juan, a salanti: saray kimey a pagagawa nen Amak susumpalen ko tan sikara yay mantasi ya imbaki ak na Ama.

Juan 6:52

Lapud saya, ginmapoy ampetang a sangsangan da ray Judio. “Panoy pangiter to yan too na laman to a kanen tayo?” tinepet da.

Juan 7:12

Dakel so iyeesaes na saray totoon nipaakar ed sikato. “Maung a too,” kuan na saray arum, balet wala ray mangibabaga, “Andi, ta ibabalang to ray totoo.”

Juan 7:23

No segaten so ogaw ed Agew na Panagpainawa pian ag nasumlang so Ganggan nen Moises, akin et mamapasnuk kayod siak lapud impamaabig koy sakey a too ed Agew na Panagpainawa?

Juan 7:43

Kanyan lapud kinen Jesus, walay pambabalingaay totoo.

Juan 9:24

Kanyan impatawag da lamet imay toon nianak a bulag tan kuanda, “Pagalangan moy Dios diad pangibagam na katwaan! Amta min makasalanan iman a too.”

Saray Gawgawa 14:4

Naapag iray totoon walad siudad: wala ray pipilaan da ray Judio, tan wala ray pipilaan da ray apostol.