Juan 8:43 - Maung A Balita Biblia

⁴³ Akin et ag yo natatalusay ibabagak? Lapud ag ki ondengel na salitak.

Maung a Balita Biblia

⁴³ Akin et ag yo natatalusay ibabagak? Lapud ag ki ondengel na salitak.

Juan 8:43 Iomraidhean Croise

Probirbio 28:5

Saray totoon maoges ag da amta so kabaliksan na inkatonung, balet saray mangigagalang ed Katawan sigput dan natatalusan.

Isaias 44:18

Diad gaway inkakulang-kulang da ra yan totoo ag da amtay gagawaen da. Ikokopit day mata ra tan sasaraan day kanunotan da ed katwaan.

Isaias 6:9

Kanyan imbaga ton onla ak ya ikuankod saray totoo, “Anggan panoy idengel yo, ag yo natalusan. Anggan panoy inengneng yo, ag yo naamtaan no antoy nagagawa.”

Jeremias 6:10

Inmebat ak, “Siopay ondengel ed siak, no misalita ak ed sikara tan pasakbayan ko ra? Pinepepetan da ray kalayagan da, tan ag ira ondengel ed saray salitam. Elek-elekan da labat so paibabagam ed siak.

Oseas 14:9

Talusan komun na saray makabat iray nisulat dia, tan dalepdepen dad puso ra. Maptek iray dalan na Katawan, tan pankukurangan ira na saray matonung a totoo, balet katutumbaan na saray makasalanan lapud ipopolisay da ra.

Mikias 4:12

Balet ag amta na sarayan bansa so kanunotan na Katawan. Ag da natatalusan a nantitipon iran nadusa a singa kiakar na saray pinalut ed panagilikan.

Mateo 13:15

ta inmawet so olo ra yan totoo, saray layag da nakar dan pinepetan, tan inkopit day mata ra. Lapud ag da labay a makanengneng, o makadngel, o makatalus ira, ta ompan lagi ompawil irad siak a mabolbolus, et paabigen ko ra, kuay Dios.’

Juan 5:25

Ibagak ed sikayoy katwaan: onsabiy oras, ginmapo la ingen, a narengel na saray inaatey so bosis na Anak na Dios, tan mambilay iray makadngel.

Juan 5:43

Linma ak dia ed ngaray Amak, balet ag yo ak awaten. No walay sananey ya onla diad ngaran ton dili, awaten yo.

Juan 6:60

Nadngel ya na saray disipulo to tan dakel iray nankuan, “Mairap yan bangat! Siopa kasiy makatalus ed saya?”

Juan 7:17

Siopamay maliket a mangonur na linaway Dios, naamtaan to no kasi say ibabangat ko et manlalapud Dios odino manlalapud siak a dili.

Juan 8:27

Ag da atalusan a say sasalitaen tod sikara et nipaakar ed Ama.

Juan 8:33

Inmebat irad sikato, “Kabyangan kamiy boleg nen Abraham, tan ag kamin balut naaripey siopaman. Panoy pangibagam a nabolus kami?”

Juan 8:39

Inmebat irad sikato, “Si Abraham so ama mi.” Inkuanen Jesus ed sikara, “No tuan anak kayo nen Abraham, aligen yo komun iray gawa to.

Saray Gawgawa 7:51

“Agaylay awet na olo yo! Agaylay ag pangoman na puso yo! Agaylay ag yo idengel ed salitay Dios! Kaparpara yo ray lalaki yo: susumlangen yo met a naynay so Ispiritu Santo!

Saray Taga Roma 3:11

anggapoy makatalus o manaanap ed Dios.