Juan 8:33 - Maung A Balita Biblia

³³ Inmebat irad sikato, “Kabyangan kamiy boleg nen Abraham, tan ag kamin balut naaripey siopaman. Panoy pangibagam a nabolus kami?”

Maung a Balita Biblia

³³ Inmebat irad sikato, Kabyangan kamiy boleg nen Abraham, tan ag kamin balut naaripey siopaman. Panoy pangibagam a nabolus kami?

Juan 8:33 Iomraidhean Croise

Genesis 15:13

Inkuan na Katawan ed sikato, “Magmaliw iran sangkaili ed sakey a bansa iray kabyangay boleg mo; aripenen da rad man tan pairapen da ran apat a lasus a taon.

Esdras 9:9

Naaripen kami, balet ag mo kami pinaolyan ed saman a kipapasen. Lapud ag mangoman a panangarom initdan mo ray impirador ed Persia na puson maabagey ed sikami, kanyan inabuloyan da kami nin mambilay tan mangipaalagey lamet na Timplom ya aderal-deral. Inabuloyan da kami met a mambilay ya arawid kaatapan diad Juda tan diad Jerusalem.

Levitico 25:42

Saray Israelita et aripen ira na Katawan, tan impaway to ra manlapud Egipto; ag ira nepeg ya ilakon aripen.

Mateo 3:9

Tan ag yo iisipen a nasaniban yoy peteg a kipapasen yo diad pangibaga yon laki yoy Abraham. Kuankod sikayo a walay pakayari na Dios a pagmaliwen a tuan anak nen Abraham ira yan bato!

Lucas 3:8

Ipanengneng yod panagbilay yo sirin a binenegan yo la ray kasalanan yo. Tan ag yo ibagbagad sikayon dili, ‘Anak kami nen Abraham.’ Kuankod sikayo a nayarian na Dios a pagmaliwen ya anak nen Abraham ira yan bato.

Juan 19:25

Manalalagey ed abay na krus nen Jesus si ina to, say bii ya agi nen ina to, si Maria ya asawa nen Cleopas, tan si Maria Magdalena.

Juan 8:37

Amtak a kabyangan kayoy boleg nen Abraham. Anggaman ontan pampilalekan yo ak a pateyen, lapud ag yo awatey salitak.

Juan 8:39

Inmebat irad sikato, “Si Abraham so ama mi.” Inkuanen Jesus ed sikara, “No tuan anak kayo nen Abraham, aligen yo komun iray gawa to.

Juan 8:43

Akin et ag yo natatalusay ibabagak? Lapud ag ki ondengel na salitak.

Saray Taga Roma 9:7

Aliwan amin met a kabyangay boleg nen Abraham et sikaray anak na Dios. Ta inkuay Dios ed kinen Abraham, “Diad panamegley nen Isaac nawalaan ka na saray kabyangay boleg ya insipan kod sika.”

Saray Huis 2:18

Kapag say Katawan et mangiter ed Israel na pangulo, say Katawan tulongan to yan pangulo tan iyagel to ray totoo to ed saray kalaban da legan a mabilay yan pangulo. Kinasian ira na Katawan lapud manngesnges irad kairapan da, ta pinapasegsegang da ra.

Saray Huis 3:8

Kanyan akapasnuk so Katawan ed Israel, et inabuloyan toy Ari Cusan-risataim na Mesopotamia a nadakep to ra. Waloy taon a nagmaliw iran walad silong na pakaoley to.

Saray Huis 4:3

Si Jabin walay siam a lasus a balatyang a karwahi ton para bakal, tan duamploy taon a pinapairap ton inoleyan iray totood Israel. Insan kinmerew na tulong ed Katawan iray Israelita.