Juan 8:21 - Maung A Balita Biblia

²¹ Inkuan lamet nen Jesus ed sikara, “Onla ak la et anapen yo ak, balet ompatey kayod saray kasalanan yo. Ag kayo makaonla ed laen ko.”

Maung a Balita Biblia

²¹ Inkuan lamet nen Jesus ed sikara, Onla ak la et anapen yo ak, balet ompatey kayod saray kasalanan yo. Ag kayo makaonla ed laen ko.

Juan 8:21 Iomraidhean Croise

1 Saray Arari 18:10

Diad ngaran na mabilay a Katawan a Dios mo, sambaan ko ya impaanap ka na ari ed anggad iner a sokung na mundo. Diad inerman a baley ya impakapangibagaan ya andi kad man, impansamba toy pangulod saman a pasen ya ag da kad man narumog.

Say Libro nen Job 20:11

Malangwer tan mabiskeg nen saman so laman to, balet ag mabayag magmaliw a dabuk.

Probirbio 11:7

No ompatey so toon maoges, naandipat lay ilalo to. Anggapoy kabaliksan so panmatalek ed kayamanan.

Probirbio 14:32

Saray totoon maoges dederalen na saray dilin kaogsan da; balet saray totoon matonung iyaagel ira na dilin kamaungan da.

Isaias 65:20

Anggapo lay ompatey ya ogogaw ya ankekelag, tan amin a totoo et nasabi ray nigetar a panaon a pambilay da. Nipasen a malangwer ni so toon nasabi toy sanlasus taon. Mapatnag a dinusak iray ompatey kasakbayan a nasabi ray sanlasus taon.

Mateo 23:39

Kuankod sikayo, a manlapud natan, ag yo ak la nanengneng a balut ya anggad pangibaga yoy ‘Bindisionay Dios so onsabid ngaray Katawan.’”

Mateo 25:41

“Insan ikuantod saray walad nikawigi to, ‘Arawi kayod siak, sikayo ran insambay Dios! Lakayod apoy ya andi-anggaan a niparaan ed Diablo tan saray anghil to!

Mateo 25:46

Sikara ya sirin so onlad dusan andi-anggaan; saray matonung so panagbilay da sikaray onlad bilay ya andi-anggaan.”

Juan 12:33

(Imbaga to yan pangipanengneng toy klasi na ipatey to.)

Juan 12:35

Inmebat si Jesus, “Maganggano lan nakaiba yo niy silew. Manakar kayo legan a kaiba yo niy silew, pian ag kayo naabotay bilonget. Ta ag amta na toon manaakar ed ambilonget so lalaen to.

Juan 13:33

Anak, maganggano lay piolup kod sikayo. Anapen yo ak naani, balet ibagak natan ed sikayo may imbagak lad saray Judio, ‘Ag kayo makaonla ed laen ko.’

Juan 7:34

Anapen yo ak ed satan et ag yo ak narumog, ta ag kayo makaonla ed laen ko.”

Juan 7:36

Ibabaga ton anapen tayo, balet ag tayo narumog tan ag itayo makaonla ed laen to. Anto kasiy labay ton ibagad saya?”

Juan 8:24

Kanyan imbagak ed sikayon ompatey kayod saray kasalanan yo. Talagan ompatey kayod saray kasalanan yo no ag yo sisiaen a ‘Siak si Siak’.”

TAGA-EFESO 2:1

Nen saman inaatey kayo lapud insusumlang yod ganggan tan impankakasalanan yo.