Juan 7:6 - Maung A Balita Biblia

⁶ Inkuanen Jesus ed sikara, “Ag ni sinmabiy oras ko. Maung ed sikayo ta nayariy amin a panaon.

Maung a Balita Biblia

⁶ Inkuanen Jesus ed sikara, Ag ni sinmabiy oras ko. Maung ed sikayo ta nayariy amin a panaon.

Juan 7:6 Iomraidhean Croise

Saray Salmo 102:13

Ombangon ka tan kasian moy Sion; sinmabi lay oras na pangasim ed sikato; sikato yay manepeg a panaon!

Mateo 26:18

Inmebat si Jesus, “Laka yod sakey a toon wadman ed siudad tan ikuanyod sikaton ibabagay Maistro: ‘Asingger lay oras ko. Diad abung moy pamaskuan ko tan saray disipulok.’”

Juan 13:1

Bispiras la na Paskua. Amta nen Jesus a sinmabi lay oras na itaynan tod sayan mundo tan ipawil tod Ama. Inaro to ray totoo ton wadyad mundo, tan inaro to ra ya anggad kasamputan.

Juan 17:1

Nen asumpal nen Jesus ya imbaga ra ya, tinmangay ed tawen tan kuanto, “Ama, sinmabi lay oras. Pagalangan moy Anak mo, pian napagalangan ka met na Anak.

Juan 2:4

Inkuanen Jesus ed kinen ina to, “Ag nepeg ya ibaga yoy gawaen ko. Ag ni sinmabiy oras ko.”

Juan 7:30

Inanap da sirin ya erelen, balet anggapoy aningkat ed sikato lapud ag ni sinmabiy oras to.

Juan 7:8

Onla ki lan mipista. Ag ak ni onla, ta ag ni sinmabiy oras ko.”

Juan 8:20

Imbalikas nen Jesus ira ya nen mambabangat ed Timplo, diad pasen a kawalaay kahon a pananginay kuartan ibabagat. Anggapoy angerel ed sikato lapud ag ni asabiy oras to.

Saray Gawgawa 1:7

Inmebat si Jesus, “Saray panaon tan agew ya inggetar na Ama diad pakayari ton dili, et ag la nakaukolan ya amtaen yo ra.