Juan 7:51 - Maung A Balita Biblia

⁵¹ “Ag ta isesebel na Ganggan so panintinsiad sakey a toon ag ni atepetan tan ag ni amtay gagawaen to?”

Maung a Balita Biblia

⁵¹ Ag ta isesebel na Ganggan so panintinsiad sakey a toon ag ni atepetan tan ag ni amtay gagawaen to?

Juan 7:51 Iomraidhean Croise

Exodo 23:1

“Ag yo iwawakawak so tila-tilan balita, tan ag yo tutulongan so toon nankasalanan diad pantasi yo na tila.

Probirbio 18:13

Dengel ka ni kasakbayan kan onebat. No andi, makulang-kulang tan managpabaing ka.

Saray Bilang 35:30

“Say toon naakusa lapud impakapatey toy too et nayari labat a sintinsiaan a nankasalanan tan pateyen diad panamegley na pantasi na duara odino masoluk a duaran too; say sakey a tasi et aliwan magenap a mamaneknek na impakapatey ed sakey a too.

Saray Gawgawa 23:3

Inkuanen Pablo ed sikato, “Kabilen kay Dios, sikan mansimpisimpitan! Wadtan kan manyodyorung a manintinsiad siak onung ed Ganggan, balet sikan dili et susumpaen moy Ganggan diad pangigaganggan mon tibeben da ak.”

Deuteronomio 1:17

Anggapoy nepeg a kilingan yo ed panagsintinsia yo; nepeg a nampara so letnegan na panintinsia yo ed siopaman, abeba man o atagey so kipapasen to. Ag yo tatakotan so anggan siopa, ta manlapud Dios iray iter yon sintinsia. No walay mairap yon sintinsiaan a kaso iyapireng yod siak, ta siak so akaoley a manintinsia.’

Deuteronomio 17:6

Balet nayari labat a pateyen no walay duara odino dakel nen say duara a mantasin sumpad sikato; ag nepeg a pateyen no saksakey so mantasi.