Juan 7:37 - Maung A Balita Biblia

³⁷ Diad kaonuran tan manona ya agew na pista, inmalagey si Jesus tan kuantod maksil a bosis, “Siopamay napgaan nepeg toy ondagod siak tan oninom.

Maung a Balita Biblia

³⁷ Diad kaonuran tan manona ya agew na pista, inmalagey si Jesus tan kuantod maksil a bosis, Siopamay napgaan nepeg toy ondagod siak tan oninom.

Juan 7:37 Iomraidhean Croise

Nehemias 8:18

Manlapud ononan agew na pista ya anggad kaonuran ya agew, nanbabasa ran inagew-agew na sakey a parti na Ganggan na Dios. Nampista ra na pitoy agew, tan diad kumawalon agew walay sirimonyan pansamput, onung na ibabagay Ganggan.

Saray Salmo 143:6

Itatagey ko ray limak a mampikasid sika; singa amagan dalin a napgaan ed sika so kamarerwak.

Saray Salmo 42:2

Pampilpilalekan ta ka, say Dios a mabilay. Kapigay pakaonlak ed arap mo a mangigalang ed sika?

Saray Salmo 63:1

O Dios, sikay Dios ko, tan pampipirawatan ta ka. Sika so pampipilalekay intiron inkatook; say kamarerwak so napnapgaan ed sika, a singa naksawan, amagaan, tan kinmelang a dalin.

Probirbio 1:20

Dengel kayo! Mankokolyaot ed saray dalan tan diad saray tindaan so kakabatan,

Probirbio 8:1

Dengel kayo! Mankokolyaot so kakabatan. Mambabando so pakatalus pian narengel yo.

Probirbio 8:17

Inarok iray mangaarod siak; narumog ak na saray maseet a manaanap ed siak.

Probirbio 8:3

Diad lolooban na siudad, diad abay da ray puirta maksil ya ontatawag:

Probirbio 9:3

Imbaki to ray katulong ton bibii ya onla rad sankatageyan a pasen ed baley ta ibando ra:

Kanta nen Solomon 5:1

Linmoob ak la ed tanamanan ko, O inarok, O nobiak. Manaala ak na saray tanaman kon balsamo tan mira; manaakan ak na dilok ed obung na bayaung; oniinom ak na alak ko tan say gatas ko. Mangan tan inom kayo, sikayo ran manangaro, anggad nabuek kayo na aro!

Isaias 12:3

Onung a say ambetel a danum et mangiiter na liket ed saray totoon napgaan, ontan met a saray totoo na Dios et manliket ira no ilaban to ra.”

Isaias 40:2

Pabiskeg yoy linawa da ray totoo ed Jerusalem. Ibaga yod sikaran andokey lay paniirap da tan apirdona la ray kasalanan da. Sigput ko la ran dinusa lapud amin a kasalanan da.”

Isaias 40:6

Sakey a bosis so mankelyaw, “Ibawag moy balita!” “Antoy balitan ibawag ko?” tepet ko. “Ibawag mo ya amin a katoowan et singa ra dika; ag ira mansiansian singa saray rosas ed uma.

Isaias 44:3

“Itdan ko na danum so amagamagan dalin tan paagosen ko so kinmelang a dalin na sobul na danum. Ikalbok ed saray anak mo so ispirituk; iter kod saray kabyangay boleg mo so bindision ko.

Isaias 55:1

Say Katawan kuanto, “Dago kayo, amin yon napgaan—niay danum! Dago kayo, sikayon anggapoy kuarta— manaliw kayoy trigo tan mangan kayo! Dago kayo! Manaliw kayoy alak tan gatas— anggapoy nepeg yon bayaran!

Isaias 55:3

“Dengel kayo natan, sikayon totook, tan dago kayod siak; dago kayod siak et nawalaan kayoy bilay! Ando lan andoy pisipanan kod sikayo tan iter kod sikayoy bindision ya insipan kod kinen David.

Isaias 58:1

Say Katawan kuanto, “Eyag kayod anggaay nayarian yo! Ibaga yod saray totook ya Israelita iray kasalanan da!

Jeremias 16:19

Katawan, sika so mangyaagel ed siak, tan mangiiter na biskeg ko; tutulongan mo ak no panaon na gunigon. Onlad sika ray bansan nanlapud nandoroman sokung na mundo tan ikuanda, “Tila-tilan diriyos labat so walad saray lalaki mi; anggapo lay arum no ag ta saray andi-kakanaan a talintaoy diriyos.

Jeremias 2:2

ipulong kod balang sakey a too ed Jerusalem yan salita to: “Nanununotan ko no panoy katooran mo nen wala ka nid kalangweran, no panoy impangarom ed siak nen kapankasal ta; tinotombuk mo ak ed kalawakan, diad dalin ya ag nin balut ataneman.

Ezekiel 47:9

Inermay agosan na danum walan amin iray klasiy ayayep tan sira-sira. Say kolus pagmaliwen ton matabang a danum so maasin a danum na Inatey a Dayat, tan itdan to na bilay so dinan man a pasen ya agosan to.

Levitico 23:36

Pitoy agew a mangisaklang kayod Katawan na saray bagat a popoolan. Diad kumawalon agew mantitipon kayo lamet a mangigalang ed Katawan tan mangisaklang kayo na bagat a popoolan. Sikato yay agew a pangigalang ed Katawan, tan tonda kayod inagew-agew a kimey yo. (

Levitico 23:39

No naani yo la ray bunga na saray tanaman yod kaalogan yo, silibraan yon pitoy agew yan pista, manlapud kamalabinliman agew na kumapiton bulan. Say ononan agew et sakey a nidoma-doman agew na painawa.

Mikias 6:9

Kakabatan so itakot ed Katawan Say Katawan ontatawag ed siudad, “Dengel kayo, sikayo ran totoo a mantitipon ed siudad!

Zacarias 9:15

Say Katawan a Makapanyarin-amin et iyagel to ray totoo to, tan deralen da ray kalaban da. Diad bakal oneyag iran singa abuek a totoo, tan paterteren day dala ray kalaban da; onagos so dala a singa say dala na bagat a walad yaung ya inibung ed altar.

Saray Bilang 29:35

Diad kumawalon agew mantitipon kayon mangigalang ed Dios tan ag kayo mankikimey.

Mateo 11:28

“Dago kayod siak, amin yon nakekesawan ed panaawit yoy ambelat, ta pampainawaen ta kayo.

Mateo 3:3

Nipaakar ed kinen Juan so sinalita nen propita Isaias nen inkuanto, “Walay toon mambabandod kalawakan, ‘Iparaan yoy dalan na Katawan tan apiger yoy panakaran to!’”

Mateo 5:6

“Maliket iray mampipilalek a manumpal na linaway Dios, ta iter tod sikaray pampilalekan da!

Juan 1:23

Inmebat si Juan, “Siak imay sinalita nen propita Isaias nen kuanto, ‘Siak so bosis a mambabandod kalawakan. Apiger yoy panakaran na Katawan!’”

Juan 14:6

Inmebat si Jesus, “Siak so dalan, say katwaan, tan say bilay; anggapoy toon makaonlad Ama no ag diad panamegley ko.

Juan 4:10

Inmebat si Jesus, “No amtam labat so iter na Dios tan no kabat mo no siopay mikekerew ed sika na inomen, miala kad sikato angangko et itdan to kay mabilay a danum.”

Juan 4:11

Inkuanto may bii, “Anggapoy anggan iyasul mo tan araldalem ni met so bobun. Pangalaan moy mabilay a danum ey?

Juan 4:14

“balet ag lan balut naapgaan so siopaman ya oninom na danum, ya iter ko. Ta say danum ya iter kod sikato magmaliw a sobul ed loob to a mangiter ed sikatoy mabilay a danum tan bilay ya andi-anggaan.”

Juan 5:40

Balet, ag yo labay so onsingger ed siak pian nawalaan kayoy bilay.

Juan 6:35

Inkuanen Jesus, “Siak so tinapay na bilay. Ag lan balut naerasan so siopaman ya ondagod siak, tan ag lan balut naapgaan so manisiad siak.

Juan 6:37

Ondagon amin iray iter na Ama ed siak. Ag kon balut ipolisay so siopaman ya ondagod siak.

Juan 6:55

Ta say laman ko et petepeteg a kakanen, tan say dalak et petepeteg ya iinomen.

Juan 7:28

Kanyan nen mambabangat si Jesus ed Timplo, inkuantod maksil a bosis, “Tua kasin kabat yo ak tan amta yoy nanlapwan ko? Ag nanlapud siak a dili so inyakar ko dia. Balet matway angibakid siak tan ag yo kabat.

1 CORINTO 10:21

Ag yo nayariay oninom ed kupay Katawan tan diad kupa da ray dimonyo. Ag yo nayariay ondongod lamisaay Katawan tan diad lamisaan da ray dimonyo.

1 CORINTO 10:4

inminom ira na namparan maispiritu ya iinomen. Inminom ira ed maispiritun bato ya angolup ed sikara, tan sayan baton-dampay et si Cristo.

1 CORINTO 11:25

Ontan met kasumpal dan nandem, angalay kupa tan kuanto, “Sayan kupa sikatoy balon impisipanay Dios a paneknekay dalak. Kapag oninom kayod saya, gawa yo a pakanudnunotan ed siak.”

1 CORINTO 12:13

Ontan met ya amin tayo, Judio man o Hintil, aripen man o andi, bininyagan itayo na saksakey ya Ispiritu, tan nagmaliw itayon sakey a laman. Pinainom itayo met ya amin ed saksakey ya Ispiritu.

TAGA-EFESO 5:18

Ag ki mambuebuek na alak, ta manderal labat ed sikayo; pampelengan yo ingen so kapano yoy Ispiritu.

Puyan 21:6

Inkuanto nid siak, “Asumpal la! Siak so Alpha tan say Omega, say gapo tan say samput. Siopamay napgaan itdan ko na anggapoy bayar a danum a manlapud sobul na danum na bilay.

Puyan 22:1

Samay anghil impanengneng to met ed siak so ilog na danum na bilay. Malinew a singa kristal so danum ton manlalapud tronoy Dios tan say Kordiro,

Puyan 22:17

Inkuan na Ispiritu tan say Nobia, “Gala dia!” Nepeg ya amin da ray makadngel ed saya ikuanda met, “Gala dia!” Siopamay napgaan, onasingger; siopamay malabay, mangala na anggapoy bayar a danum na bilay.