Juan 6:69 - Maung A Balita Biblia

⁶⁹ Manisia kami tan amta mi a sikay Masanto na Dios.”

Maung a Balita Biblia

⁶⁹ Manisia kami tan amta mi a sikay Masanto na Dios.

Juan 6:69 Iomraidhean Croise

Mateo 16:16

Inmebat si Simon Pedro, “Sika so Cristo ya Anak na Dios a mabilay.”

Marcos 1:1

Sikato yay Maung a Balitan nipaakar ed Jesu-Cristo, say Anak na Dios.

Marcos 1:24

tan ineyaeyag to, “Antoy pibabalian mod sikami, Jesus a taga Nazaret? Linma ka dian maneral ed sikami? Kabat ko no siopa ka: sika so Masanto na Dios!”

Marcos 8:29

“Sikayo balet, antoy kuanyo? Siopa ak?” tepet tod sikara. “Sika so Cristo,” ebat nen Pedro.

Lucas 9:20

“Sikayo balet, antoy kuanyo? Siopa ak?” tepet tod sikara. Inmebat si Pedro, “Sikay Cristo na Dios!”

Juan 1:29

Diad kaimbwasan, anengneng nen Juan si Jesus ya ondaragod sikato. Inkuanto, “Nia so Kordiro na Dios a mangekal na kasalanay sankamundoan.

Juan 1:41

Arumog ton tampol si agi ton Simon, tan kuanto, “Arumog miy Misias!” (“Cristo” so kabaliksan to ya.)

Juan 10:36

No say siak, pinili ak na Ama tan imbaki to ak ed mundo. Panon sirin so pangibaga yon mansasalita ak na maoges sumpad Dios diad pangibabagak ya Anak ak na Dios?

Juan 11:27

“On, Katawan!” inebat nen Marta. “Manisia ak a sikay Anak na Dios, say Cristo ya onsabi diad mundo.”

Juan 20:28

Inkuanen Tomas ed sikato, “Katawan ko tan Dios ko!”

Juan 20:31

Balet nisulat iray logan to yan libro, pian manisia kayon si Jesus et sikatoy Cristo, say Anak na Dios, tan lapud sayan pananisia yo, nawalaan kayoy bilay ya andi-anggaan ed ngaran to.

Saray Gawgawa 8:36

Diad pambabatik da, asabi ray pasen a kawalaay danum. “Nengneng mo, walay danum!” inkuanto may yunuko. “Anto niy makasbel ed pampabinyag ko?”

Saray Taga Roma 1:3

et nipaakar ed Anak na Dios a si Jesu-Cristo a Katawan tayo. No nipaakar ed inkatoo to, sikatoy nianak a kabyangay boleg nen David;

TAGA-EFESO 4:13

Diad ontan, makapankakasakey itayon amin ed pananisia tan pakapikabat ed Anak na Dios, tan ontakken itayo ya anggad pakapipara tid inkayadyari nen Cristo.

1 Juan 4:16

Kabat tan panisiaan tayoy panangaro na Dios ed sikatayo. Aro so Dios. Siopamay mangaro, manayam ed Dios tan manayam so Dios ed sikato.

1 Juan 5:1

Anak na Dios so toon manisia a si Jesus et sikatoy Cristo. Siopamay mangarod ama, aroen to met so anak na ama.

1 Juan 5:20

Amta tayo a linma diay Anak na Dios tan initdan to itayoy pakatalus, pian naamtaan tayoy tuan Dios. Wala itayod tuan Dios—diad Anak ton Jesu-Cristo. Sikato yay tuan Dios, tan sikato yay bilay ya andi-anggaan.