Juan 6:68 - Maung A Balita Biblia

⁶⁸ Inmebat si Simon Pedro, “Katawan, siopay laen mi ni? Walad sika ray salitan mangiiter na bilay ya andi-anggaan.

Maung a Balita Biblia

⁶⁸ Inmebat si Simon Pedro, Katawan, siopay laen mi ni? Walad sika ray salitan mangiiter na bilay ya andi-anggaan.

Juan 6:68 Iomraidhean Croise

Saray Salmo 73:25

Anto niy kayaryan kod tawen no ag say sika? Bangta kayaryan ta ka anto niy pampilalekan ko diad tapew na dalin?

Mateo 16:16

Inmebat si Simon Pedro, “Sika so Cristo ya Anak na Dios a mabilay.”

Marcos 8:29

“Sikayo balet, antoy kuanyo? Siopa ak?” tepet tod sikara. “Sika so Cristo,” ebat nen Pedro.

Lucas 9:20

“Sikayo balet, antoy kuanyo? Siopa ak?” tepet tod sikara. Inmebat si Pedro, “Sikay Cristo na Dios!”

Juan 12:49

On, lapud ag ak nansalitad pakaoley kon dili. Say Ama ya angibakid siak so angiganggan no antoy nepeg kon salitaen tan ibaga.

Juan 12:50

Tan amtak a say ganggan to et mangiter na bilay ya andi-anggaan. Kanyan sasalitaen ko labat so papaibagay Ama.”

Juan 17:8

Inter kod sikaray salitan inter mod siak tan inawat da. Amta ra lan nanlapu ak a tua ed sika, tan sinisia ran imbaki mo ak.

Juan 5:24

“Ibabagak ed sikayoy katwaan a siopamay ondengel ed salitak tan manisiad samay angibakid siak, walay bilay ton andi-anggaan; ag la nasintinsiaay dusa, lapud nilabasan to lay patey tan linmoob lad bilay.

Juan 6:40

Ta saya so linawa na Amak: amin a makanengneng tan manisiad Anak, nawalaan na bilay ya andi-anggaan. Paolien ko rad bilay ya amin diad kaonuran ya agew.”

Juan 6:63

Say Ispiritu so mangiiter na bilay; ag ya nagawaay too. Ispiritu tan bilay iray sinalitak ed sikayo.

Saray Gawgawa 13:26

“Agagik iran kabyangay boleg nen Abraham tan sikayo ran mangigagalang ed Dios: sikatayoy angiteran na Dios na sayan balita a nipaakar ed kilalaban!

Saray Gawgawa 4:12

Diad sikato labat so pakalmoay kilalaban, ta anggapoy arum a ngaran ya inter na Dios ed saray katoowan diad intiron mundo a nepeg tayon kilabanan.”

Saray Gawgawa 5:20

“Laka yod Timplo tan ipulong yod may nipaakar ed sayan balon panagbilay.”

Saray Gawgawa 7:38

Diad kalawakan sikatoman imay kaiba ed olup da ray Israelita. Sikatoy wadman a kaiba da ray lalaki tayo tan samay anghil ya akitongtong ed sikato, diad Palandey na Sinai. Sikatoy angawat ed Dios na saray salitan manangiter na bilay ya iter to rad sikatayo.