Juan 6:47 - Maung A Balita Biblia

⁴⁷ Ibabagak ed sikayoy katwaan: say manisia walay bilay ton andi-anggaan.

Maung a Balita Biblia

⁴⁷ Ibabagak ed sikayoy katwaan: say manisia walay bilay ton andi-anggaan.

Juan 6:47 Iomraidhean Croise

Juan 11:26

tan siopamay mambilay tan manisiad siak, ag balut ompatey. Sisiaen mo ya?”

Juan 14:19

Maganggano lan ag ak nanengneng na sankamundoan. Balet nanengneng yo ak lapud mambilay ak tan mambilay ki met.

Juan 3:16

Ta diad ontan lan panangaroy Dios ed sankamundoan inter toy bogbogtung ya Anak to, pian siopamay manisiad sikato et ag nabalang no ag ingen nawalaay bilay ya andi-anggaan.

Juan 3:18

Ag nadusa so manisiad Anak, balet asintinsiaan lan nadusa so ag manisia, lapud ag anisia ed ngaran na bogbogtung ya Anak na Dios.

Juan 3:36

Say manisiad Anak walay bilay ton andi-anggaan, balet say ag mangonur ed Anak ag nawalaay bilay—mansiansia ingey pasnuk na Dios ed sikato.

Juan 5:24

“Ibabagak ed sikayoy katwaan a siopamay ondengel ed salitak tan manisiad samay angibakid siak, walay bilay ton andi-anggaan; ag la nasintinsiaay dusa, lapud nilabasan to lay patey tan linmoob lad bilay.

Juan 6:27

Mankimey kayo, aliwan pian nawalaan kayoy kakanen a naderal, no ag ingen pian nawalaan kayoy kakanen a mansiansia ya anggad bilay ya andi-anggaan. Iter na Anak na Too yan kakanen ed sikayo, lapud sikatoy initday Dios Ama na pakayari to.”

Juan 6:40

Ta saya so linawa na Amak: amin a makanengneng tan manisiad Anak, nawalaan na bilay ya andi-anggaan. Paolien ko rad bilay ya amin diad kaonuran ya agew.”

Juan 6:50

Balet ag ompatey so siopaman a mangan ed sayan tinapay a linmeksab a nanlapud tawen.

Juan 6:51

Siak so mabilay a tinapay a linmeksab a nanlapud tawen. Mambilay ya andi-angga so siopaman a mangan ed sayan tinapay. Say tinapay ya iter kon makapangiter na bilay ed sankamundoan et say laman ko.”

Juan 6:54

Siopamay mangan na laman ko tan oninom na dalak, walay bilay ton andi-anggaan tan paolien kod bilay diad kaonuran ya agew.

Juan 6:58

Sikato ya sirin so tinapay a linmeksab a nanlapud tawen. Siopamay mangan ed sayan tinapay mambilay a magnayon. Doma yad samay inaakan ed kalawakan na saray lalaki yo, ta siansian inaatey ira.”