Juan 6:38 - Maung A Balita Biblia

³⁸ Ta linma ak dian nanlapud tawen pian gawaen koy linawa na angibakid siak, aliwan say linawak a dili.

Maung a Balita Biblia

³⁸ Ta linma ak dian nanlapud tawen pian gawaen koy linawa na angibakid siak, aliwan say linawak a dili.

Juan 6:38 Iomraidhean Croise

Isaias 53:10

Say Katawan kuanto, “Linawak a sikatoy manirap; sakey a bagat a makapirdonay kasalanan so impatey to. Kanyan nanengneng to ray kabyangay boleg to; andokey so pambilay to, tan diad panamegley to maung so pansumpalay getmak.

Mateo 20:28

a singa say Anak na Too ya ag linma dian palingkuran, no ag ingen manlingkur tan mangisaklang na bilay to, a panondon ed saray amayamay a totoo.”

Juan 3:13

Anggapoy akakar ed tawen no ag say Anak na Too a linmeksab a nanlapud tawen.”

Juan 3:17

Ta say Dios ag to imbakiy Anak to a manusa, no ag ingen mangilaban, ed sankamundoan.

Juan 3:31

Say manlapud tagey, sankatalonggaringan ed amin. Say manlapud dalin, sikatoy taga dalin tan saray mangaraldalin a bengatla so salitaen to. Say manlapu ed tawen, sankatalonggaringan ed amin.

Juan 4:34

Inkuanen Jesus ed sikara, “Say kanen ko say pangonur koy linawa na angibakid siak tan say panumpal koy kimey a pagagawa tod siak.

Juan 5:19

Kanyan imbaga nen Jesus ed sikara, “Ibabagak ed sikayoy katwaan: say Anak ag makapanggaway antokaman a sikaton dili labat. Gagawaen to labat so nanenengneng ton gagawaen na Ama to. No antoy gagawaen na Ama, ontan met so gagawaen na Anak.

Juan 5:30

“No siak a dili, anggapoy nagawaan ko. Manintinsia ak onung na narerengel kod Ama. Matonung so panintinsiak lapud ag ko gagawaen so linawak a dili, no ag ingen say linawa na angibakid siak.

Juan 6:29

Inmebat si Jesus, “Niay pagagaway Dios ed sikayo: manisia kayod imbaki to.”

Juan 6:33

Ta say tinapay ya iiter na Dios et samay linmasur a nanlapud tawen tan mangiiter na bilay ed sankamundoan.”

Juan 6:42

Kanyan inkuanda, “Ag ta sikato ya may Jesus ya anak nen Jose? Kabat ti ray atateng to! Panoy pangibabaga to natan a nanlapud tawen?”

Juan 6:57

Say mabilay ya Ama so angibakid siak, tan mambilay ak lapud sikato. Ontan met a siopamay mangan ed siak, mambilay lapud siak.

Saray Taga Roma 15:3

Ta anggan si Cristo, ag to pinaliket so sikaton dili. Ingen onung ed Masanton Sulat, “Siak so naplagan na saray pabpabaing da ray nanlemlemew ed sika.”

TAGA-EFESO 4:9

Antoy labay ya ibagay “inmatagey”? Say labay ton ibaga, inmabeban inmona ya anggad dalem na dalin.

Saray Hebreo 5:8

Anggaman ya Anak na Dios, naaral toy ononur diad panamegley na impanirap to.