Juan 6:29 - Maung A Balita Biblia

²⁹ Inmebat si Jesus, “Niay pagagaway Dios ed sikayo: manisia kayod imbaki to.”

Maung a Balita Biblia

²⁹ Inmebat si Jesus, Niay pagagaway Dios ed sikayo: manisia kayod imbaki to.

Juan 6:29 Iomraidhean Croise

Saray Salmo 2:12

tan dakmomo kayod sikato; ta no andi, maganon ompetang so olo to, et biglan ompatey kayo. Maliket ya amin iray ondaragon paiyagel ed sikato.

Mateo 17:5

Mansasalita niy Pedro nen tinarungan iray maliwliwawan lorem tan walay bosis a nanlapud man ya inkuanto, “Sikato yay inararok ya Anak a pakaliliketan ko—dengel kayod sikato!”

Marcos 16:16

Siopamay manisia tan nabinyagan, nilaban; siopamay ag manisia, nadusa.

Juan 3:36

Say manisiad Anak walay bilay ton andi-anggaan, balet say ag mangonur ed Anak ag nawalaay bilay—mansiansia ingey pasnuk na Dios ed sikato.

Juan 5:39

Aaralen yoy Masanton Sulat lapud ipapasen yon sikatoy pakalmoan yoy bilay ya andi-anggaan. Sikato so mantatasi ed siak.

Juan 6:28

Kanyan tinepet da, “Antoy nepeg min gawaen pian nasumpal mi ray pagagaway Dios?”

Juan 6:38

Ta linma ak dian nanlapud tawen pian gawaen koy linawa na angibakid siak, aliwan say linawak a dili.

Juan 6:57

Say mabilay ya Ama so angibakid siak, tan mambilay ak lapud sikato. Ontan met a siopamay mangan ed siak, mambilay lapud siak.

Saray Gawgawa 16:31

Inmebat ira, “Manisia kad Katawan a Jesus, et nilaban ka, sika tan say pamilyam.”

1 TESALONICA 1:3

Diad arap na Dios tan Ama tayo, nanunotan miy kimey yon bungay pananisia yo, say pamapasya yon mankimey lapud panangaro, tan say malmalet ya ilalo yod Katawan tayon Jesu-Cristo.

Saray Hebreo 5:9

Nen agawa lan nagnap, nagmaliw ya andi-anggaan a Manangilaban na amin da ray mangoonur ed sikato,

Santiago 2:22

Ditan yo nanengneng a nantekep a nankimey so pananisia to tan saray gawa to, tan nagmaliw a nagnap so pananisia to diad panamegley na saray gawa to.

1 Juan 3:23

Sayay ganggan to: nepeg a manisia tayod ngaran na Anak ton Jesu-Cristo, tan manarowan itayo onung na ingganggan nen Cristo ed sikatayo.

1 Juan 5:1

Anak na Dios so toon manisia a si Jesus et sikatoy Cristo. Siopamay mangarod ama, aroen to met so anak na ama.

Puyan 2:26

Saray manalo tan mansiansian manggawa na linawak ya anggad kaonuran, itdan ko ray pakaoley a singa inawat kod Amak, salanti say panoley ed saray bansa. Manoley irad panamegley na baston a balatyang, tan mekmeken da ran singa banga.