Juan 6:27 - Maung A Balita Biblia

²⁷ Mankimey kayo, aliwan pian nawalaan kayoy kakanen a naderal, no ag ingen pian nawalaan kayoy kakanen a mansiansia ya anggad bilay ya andi-anggaan. Iter na Anak na Too yan kakanen ed sikayo, lapud sikatoy initday Dios Ama na pakayari to.”

Maung a Balita Biblia

²⁷ Mankimey kayo, aliwan pian nawalaan kayoy kakanen a naderal, no ag ingen pian nawalaan kayoy kakanen a mansiansia ya anggad bilay ya andi-anggaan. Iter na Anak na Too yan kakanen ed sikayo, lapud sikatoy initday Dios Ama na pakayari to.

Juan 6:27 Iomraidhean Croise

Saray Salmo 2:7

“Ibawag koy imbagay Katawan,” kuay ari. “Inkuay Katawan ed siak: ‘Sikay anak ko; natad sayan agew nagmaliw ak ya amam.

Saray Salmo 40:7

kanyan inmebat ak, “Wadya ak; saray bilibilin mod siak et wala rad libro na Ganggan.

Probirbio 9:5

“Gala dia, mangan kad kakanen ya imparaan ko tan inom kad alak a tinimplak.

Ecclesiastes 6:7

Mankimey so too pian walay tagano to, balet siansian ag napenek.

Isaias 42:1

Say Katawan kuanto, “Saya so aripen ko a pinabiskeg ko— sikatoy pinilik tan pakaliliketan ko. Pinanok na ispirituk, tan sikatoy mangyakar ed balang bansa na inkatonung.

Isaias 55:2

Akin et gagastosen yoy kuarta yo ed antokaman ya ag makapenek? Akin et gagastosen yoy suildo yo, et siansian narasan kayo? Dengel yo ak tan gawa yoy ibabagak, et manliket kayo ed sankananaman iran kakanen.

Jeremias 15:16

Nansalita kad siak et dinengel koy amin ya imbagam. Kayaryan mo ak, Katawan a Dios a Makapanyarin-amin, kanyan saray salitam pinano ray pusok na gayaga tan liket.

Habacuc 2:13

Andi-kakanaan so nansasagputan na saray bansan dinadakep yo, tan natetemek ed apoy iray impapaalagey da. Say Katawan a Makapanyarin-amin so nanggawad saya.

Mateo 17:5

Mansasalita niy Pedro nen tinarungan iray maliwliwawan lorem tan walay bosis a nanlapud man ya inkuanto, “Sikato yay inararok ya Anak a pakaliliketan ko—dengel kayod sikato!”

Mateo 25:46

Sikara ya sirin so onlad dusan andi-anggaan; saray matonung so panagbilay da sikaray onlad bilay ya andi-anggaan.”

Mateo 3:17

Insan walay bosis a nanlapud tawen a nankuan, “Sikato yay inararok ya Anak; sikatoy pakaliliketan ko.”

Mateo 6:19

“Ag kayo mantitipon na kayamanan diad dalin para sikayon dili, ta nayarin deralen na bokbok tan lati, o natakew ni.

Mateo 8:20

Inmebat si Jesus, “Wala ray ongib a panaayaman da ray asod katakelan, tan wala met iray obung da ray manok ed tagey, balet anggapoy anggan narokulan na Anak na Too.”

Marcos 1:11

Insan walay bosis a nanlapud tawen ya inkuanto, “Sika so dilin Anak ko ya inararok; pakaliliketan ta ka.”

Marcos 9:7

Walay lorem a linmesa tan tinarungan to ra. Insan walay bosis a nanlapud lorem a kuanto, “Sikato yay inararok ya Anak—dengel kayod sikato!”

Lucas 3:22

tan dinmapod sikatoy Ispiritu Santo ed nengneng na laman a singa malapati. Insan walay bosis a nanlapud tawen a nankuan, “Sika so dilin Anak ko ya inararok; pakaliliketan ta ka.”

Lucas 9:35

Insan walay bosis a nanlapud samay lorem ya inkuanto, “Sikato yay Anak ko a pinilik. Dengel kayod sikato!”

Juan 10:28

Iitdan ko ray bilay ya andi-anggaan. Ag iran balut nabalang tan ag iran balut nasamsam ed siak na anggan siopa.

Juan 11:42

Amtak a dedengelen mo ak lawas, balet imbagak ya lapud sarayan totood kaliber-liber ko, pian sisiaen da ya imbaki mo ak.”

Juan 14:6

Inmebat si Jesus, “Siak so dalan, say katwaan, tan say bilay; anggapoy toon makaonlad Ama no ag diad panamegley ko.

Juan 15:24

Anggapo komuy kasalanan da no ag ak nanggagawad pegley da na saray kimey ya anggapo niy toon akagawa. Balet natan anengneng da ray ginagawak, et siansian bobosulen da ak tan say Amak.

Juan 17:2

Ta initdan moy pakayarin manoley ed amin a katoowan, pian naitdan toy bilay ya andi-anggaan iray amin ya inter mod sikato.

Juan 3:15

pian nawalaan na bilay ya andi-anggaan so siopaman a manisiad sikato.

Juan 3:33

Say mangawat ed paneknek to paneknekan ton tua so Dios.

Juan 6:40

Ta saya so linawa na Amak: amin a makanengneng tan manisiad Anak, nawalaan na bilay ya andi-anggaan. Paolien ko rad bilay ya amin diad kaonuran ya agew.”

Juan 6:47

Ibabagak ed sikayoy katwaan: say manisia walay bilay ton andi-anggaan.

Juan 6:51

Siak so mabilay a tinapay a linmeksab a nanlapud tawen. Mambilay ya andi-angga so siopaman a mangan ed sayan tinapay. Say tinapay ya iter kon makapangiter na bilay ed sankamundoan et say laman ko.”

Juan 6:53

Inkuanen Jesus sirin ed sikara, “Ibabagak ed sikayoy katwaan: no ag yo kanen so laman tan inomen so dala na Anak na Too, ag kayo nawalaay bilay ed sikayon dili.

Juan 6:54

Siopamay mangan na laman ko tan oninom na dalak, walay bilay ton andi-anggaan tan paolien kod bilay diad kaonuran ya agew.

Juan 6:58

Sikato ya sirin so tinapay a linmeksab a nanlapud tawen. Siopamay mangan ed sayan tinapay mambilay a magnayon. Doma yad samay inaakan ed kalawakan na saray lalaki yo, ta siansian inaatey ira.”

Juan 6:62

Anto kasi no nanengneng yoy Anak na Too ya ompawil ed nanlapwan to?

Juan 6:68

Inmebat si Simon Pedro, “Katawan, siopay laen mi ni? Walad sika ray salitan mangiiter na bilay ya andi-anggaan.

Juan 8:18

Siak tan say Ama ya angibakid siak so mantatasid siak.”

Saray Gawgawa 10:38

Amta yo no panoy impangiter na Dios ed kinen Jesus a taga Nazaret na Ispiritu Santo tan say pakayari. Nililiber ton amiy pasen, nanggagaway kamaungan tan nampapaabig ed saray papairapey dimonyo, ta say Dios walad sikato.

Saray Gawgawa 2:22

“Sikayo ran Israelita, dengel yo yay ibagak! Si Jesus a taga Nazaret et imbaki na Dios. Pinaneknekan ya na saray milagro, saray pakelaw, tan saray tanda a ginagaway Dios diad panamegley to. Kabat yo ra ya, ta naimatunan yo ra yan amin ya agawgawa.

Saray Taga Roma 4:11

Sikatoy sinegat a tanday impamaandi na Dios ed kasalanan to lapud pananisia to nen ag ni asegat. Kanyan si Abraham et nagmaliw a maispiritun ama na amin da ray mananisian pinaandi na Dios iray kasalanan da, anggaman ya ag ira asegat.

Saray Taga Roma 6:23

Ta patey so upa na kasalanan, balet bilay ya andi-anggaan so rigaloy Dios diad panamegley na pikakasakey ed Cristo Jesus a Katawan tayo.

1 CORINTO 6:13

Ibaga na arum, “Say kanen para eges, tan say eges para kanen.” Tua tan, balet say Dios deralen to ran dua. Say lamay too aliwan para panggaway inmoralidad, no ag ta para Katawan, tan say Katawan para laman.

1 CORINTO 9:2

No ag birbiren na saray arum ya apostol ak, andi-duaruwan birbiren yo ak! Ta sikayon dili so pakapatnagan ya apostol ak na Katawan.

2 CORINTO 4:18

Ta nenengnengen mi so bengatlan ag nanengneng, aliwan saray nanengneng; mangangga ray nanengneng, balet andi-anggaan iray ag nanengneng.

TAGA GALACIA 5:6

Ta diad saray mikakasakey ed Cristo Jesus, anggapo lay kakanaan na pampasegat o ag pampasegat. Say manona et say pananisian nanengneng a mankikimey lapud aro.

Deuteronomio 30:13

Aliwa met a walad basil na dayat. Ag yo la nepeg a tepeten, ‘Siopay ombaliw ed dayat ta iyakar tod sikatayo so ganggan, et pian nayarian tayon dengelen tan onuren?’

FILIPOS 2:13

ta say Dios so mangiiter ed sikayoy panlabay tan pakayarin manggawad linawa to.

COLOSAS 1:29

Pian nagawa ya, mankikimey tan mansasagput ak a maung, onung na pankikimey ed siak na mabiskeg a pakayari nen Cristo.

COLOSAS 2:22

Amin ira ya, magmaliw ya anggapoy kana, no inkana la ra; ganggan tan bangabangat ira labat na totoo.

COLOSAS 3:2

Nunnunot yo ray mangatatawen, aliwan saray mangaraldalin a bengatla.

1 TESALONICA 1:3

Diad arap na Dios tan Ama tayo, nanunotan miy kimey yon bungay pananisia yo, say pamapasya yon mankimey lapud panangaro, tan say malmalet ya ilalo yod Katawan tayon Jesu-Cristo.

2 Timoteo 2:19

Balet ag natenyeg so malet a pundasion ya inletneg na Dios; tan amarkaan na onya ran salita: “Kabat na Katawan no siopa ray kayaryan to”; tan, “Nepeg ya onarawid kaogsan so siopaman ya ontawag ed Katawan.”

Saray Hebreo 12:16

Manalwar kayo, ta ompan mankasalanan kayoy inmoralidad o murmuraen yo ray bengatlan maispiritu, a singa ginawa nen Esau. Insalat tod sakey a panangan so kanepegan na inkapangulowan to.

Saray Hebreo 4:11

Kanyan gawaen tayoy anggaay nayarian tayo a makapampainawa onung na insipay Dios. Ag tayo nepeg ya aligen ira may sinmumlang, kanyan ag ira akaloob.

Santiago 1:11

Ta ompaway so agew tan diad ontan lan petang to, pamagaen toy dika, nalaylay met lad satan iray rosas to, tan naderal lay kinarakep to. Ontan met, say mayaman ompatey legan ton gagawaen iray kimey to.

1 Pedro 1:24

Onung na ibabagay Masanton Sulat, “Amin a too singa ra dika, amin a kagalangan da singa ra rosas na dika. Namagaay dika, tan say rosas nalaylay met la,

2 Pedro 1:17

nen inter na Dios Ama ed sikato so dayew tan kagalangan. Manlapud Sankatageyan a Kagalangan, walay bosis a nikuan ed sikato, “Sikato yay inararok ya Anak a pakaliliketan ko!”