Juan 6:2 - Maung A Balita Biblia

² Dakerakel iray totoon tinmombuk ed sikato, lapud anengneng da ray makapakelaw a ginagawa to diad impamaabig tod saray mansasakit.

Maung a Balita Biblia

² Dakerakel iray totoon tinmombuk ed sikat, lapud anengneng da ray makapakelaw a ginagawa to diad impamaabig tod saray mansasakit.

Juan 6:2 Iomraidhean Croise

Mateo 12:15

Nen akabatan nen Jesus yan plano ra, tinmaynan diman. Amayamay iray totoon akilad sikato. Pinaabig to ray amin a mansasakit,

Mateo 13:2

Minongkug na amayamay a totoo, kanyan linmogan ed sakey a baloto tan diman lay inirungan to. Balet walad gilig na danum iray totoo.

Mateo 14:14

Sinmakbit si Jesus ed gilig na danum. Nen anengneng toy amayamay a totoo, akasian to ra tan pinaabig to ray mansasakit ya awit da.

Mateo 8:1

Linmeksab si Jesus a nanlapud nipokdul a pasen tan tinombuk na amayamay a totoo.

Marcos 1:45

Linma la may laki, balet imbabalita tod amin a pasen so agawad sikato. Diad karakel na angibalitaan to, si Jesus ag la makaonlan maparontal ed anggan anton baley. Nanaayam la sirin ed saray pasen ya ag natotoowan, tan diman la dinadagoy totoon nanlapud amin a lugar.

Marcos 6:33

Anggaman ontan, dakel iray akaimanod intaynan da tan abirbir da ra. Kanyan saray totoon nanlapud amin a baley mambabtik iran linmad lugar ya arapen nen Jesus tan saray disipulo to, tan akaona ni ran sinmabid man.

Juan 11:47

Kanyan akitongtongan na saray manonan papari tan saray Pariseo ray kabyangay Sanidrin. “Antoy gawaen tayo?” kuanda. “Dakel so milagron gagawaen to man a too.

Juan 12:18

Kanyan inmabet iray dakerakel a totoo ed kinen Jesus lapud nadngelan dan sikatoy nanggawad saman na milagro.

Juan 12:37

Ag nin siansia anisia ray totoo ed kinen Jesus, anggaman ya anengneng da ray milagron ginagawa to.

Juan 2:11

Sayan ginawa nen Jesus dimad Cana ed Galilea et onona-ona ed saray milagron ginagawa to. Diad panamegley na sayan agawa impatnag nen Jesus so kagalangan to, kanyan anisiad sikato ray disipulo to.

Juan 2:23

Nen Pistay Paskua, walad Jerusalem si Jesus. Dakel so anisiad sikato diad impakanengneng day makapakelaw iran milagro a ginagawa to.

Juan 20:30

Dakel ni ray milagron ginagawa nen Jesus, a naimatonan da ray disipulo, ya ag nisulat ed sayan libro.

Juan 3:2

Aminsan a labi, linmad kinen Jesus. “Rabi,” kuanto, “amta mi a sakey kan bumabangat ya imbaki na Dios. Ta anggapoy toon makagawa ed saray gagawaen mo, likud no walad sikatoy Dios.”

Juan 6:14

Diad impakanengneng na saray totood sayan milagron ginawa nen Jesus, inkuanda, “Sikato yan tua may Propita ya onsabid sankamundoan!”

Juan 6:22

Kaimbwasan, anengneng na saray dakerakel a totoon atilak ed biek na dayat a saksakey so baloton wadman. Amta ran ag akilogan si Jesus ed saray disipulo to, ta sikara labat so sinmiput.

Juan 6:26

Inmebat si Jesus, “Ibabagak ed sikayoy katwaan: aanapen yo ak aliwan lapud anengneng yo ray makapakelkelaw a gawgaway pakayarik, no ag lapud napsel kayon angay tinapay.

Juan 6:30

Tinepet dad sikato, “Anton makapakelaw a gawa so nipanengneng mod sikami, pian sisiaen mi ka? Antoy gawaen mo?”