Juan 5:40 - Maung A Balita Biblia

⁴⁰ Balet, ag yo labay so onsingger ed siak pian nawalaan kayoy bilay.

Maung a Balita Biblia

⁴⁰ Balet, ag yo labay so onsingger ed siak pian nawalaan kayoy bilay.

Juan 5:40 Iomraidhean Croise

Saray Salmo 81:11

“Balet ag ondengel ed siak iray totook; say Israel ag da ak toluken.

Isaias 49:7

Say masanton Dios tan manangilaban na Israel kuanto ed bansan mapalaloy kababalaw to, a kabosul na saray bansa tan aripen na saray manoley: “Saray arari nanengneng dan nibolus ka tan onalagey ira diad pamagalang da; nanengneng met na saray prinsipi so kabolus mo tan ondakmomo ra diad pangigalang dad sika.” Nagawa ya lapud say Katawan pinili toy aripen to; say masanton Dios na Israel susumpalen to ray sipan to.

Isaias 50:2

“Akin et ag inmebat iray totook nen linma ak a mangilaban ed sikara? Akin et ag ira inmebat nen tinmawag ak? Makapoy ak ta a mangilaban ed sikara? Diad sakey a ganggan ko napaekat koy dayat tan magmaliw a kalawakan iray ilog, et ompatey iray sirad man lapud kakulangay danum.

Mateo 22:3

Imbaki to ray aripen to a tawagen da ray totoon naimbitaan, balet ag da labay so ondago.

Mateo 23:37

“Jerusalem, O Jerusalem! Papateyen mo ray propita tan tutupaken mo ray totoon imbakiy Dios ed sika! Amimpiga-pigan labay kon tiponen iray anak mo, a singa panitipon na nganak ed saray siwsiw to diad silong na payak to, balet ag mo labay!

Juan 1:11

Linmad dilin bansa to, balet ag inawat na saray dilin totoo to.

Juan 10:10

Say matakew onloob labat a mantakew, mamatey, tan maneral. Linma ak dia, pian nawalaan iray bilay, bilay a nagnagnap.

Juan 3:19

Onyay impakaawat day sintinsian dusa: sinmabiy silew ed mundo, balet say kabilongetan so inaroy totoo, aliwan say silew, lapud maoges iray gawa ra.

Juan 5:39

Aaralen yoy Masanton Sulat lapud ipapasen yon sikatoy pakalmoan yoy bilay ya andi-anggaan. Sikato so mantatasi ed siak.

Juan 5:41

“Ag ko aanapey pangigalang na totoo ed siak.

Juan 5:44

Panoy panisia yod siak anta aanapen yoy dayew a manlalapud too, aliwan say dayew a manlalapud saksakey a Dios?

Juan 6:27

Mankimey kayo, aliwan pian nawalaan kayoy kakanen a naderal, no ag ingen pian nawalaan kayoy kakanen a mansiansia ya anggad bilay ya andi-anggaan. Iter na Anak na Too yan kakanen ed sikayo, lapud sikatoy initday Dios Ama na pakayari to.”

Juan 6:37

Ondagon amin iray iter na Ama ed siak. Ag kon balut ipolisay so siopaman ya ondagod siak.

Juan 6:40

Ta saya so linawa na Amak: amin a makanengneng tan manisiad Anak, nawalaan na bilay ya andi-anggaan. Paolien ko rad bilay ya amin diad kaonuran ya agew.”

Saray Taga Roma 6:23

Ta patey so upa na kasalanan, balet bilay ya andi-anggaan so rigaloy Dios diad panamegley na pikakasakey ed Cristo Jesus a Katawan tayo.

Puyan 22:17

Inkuan na Ispiritu tan say Nobia, “Gala dia!” Nepeg ya amin da ray makadngel ed saya ikuanda met, “Gala dia!” Siopamay napgaan, onasingger; siopamay malabay, mangala na anggapoy bayar a danum na bilay.