Juan 5:39 - Maung A Balita Biblia

³⁹ Aaralen yoy Masanton Sulat lapud ipapasen yon sikatoy pakalmoan yoy bilay ya andi-anggaan. Sikato so mantatasi ed siak.

Maung a Balita Biblia

³⁹ Aaralen yoy Masanton Sulat lapud ipapasen yon sikatoy pakalmoan yoy bilay ya andi-anggaan. Sikato so mantatasi ed siak.

Juan 5:39 Iomraidhean Croise

Saray Salmo 1:2

Ingen, maliket a mangoonur na Ganggan na Katawan, tan agew-labi ton dadalepdepen.

Saray Salmo 119:11

Iyootel kod pusok so ganggan mo, pian ag ak mankasalanan ed sika.

Saray Salmo 133:3

Singa linaew ed Palandey na Hermon, ya ompepelag ed kapokdulan na Sion. Diman so angisipanay Katawan na bindision to, say bilay a mansiansian anggad angga.

Saray Salmo 16:11

Ipaamtam ed siak so dalan a mamaarap bilay; say kiwawalam papanoen to ak na gayaga tan iitdan to ak na liket ya anggad angga.

Saray Salmo 21:4

Kinmerew na bilay et initdan mo, andokey tan andi-anggaan a bilay.

Saray Salmo 36:9

Sikay panlalapwan na amin a bilay, tan lapud silew mo nanenengneng miy liwawa.

Probirbio 6:23

Saray bilin da singa ra liwaway silew; say panametek da ibangat da ka no panoy pambilay mo.

Isaias 34:16

Sokimat yod libro na Katawan a nipaakar ed saray mabilay a pinalsa tan basa yoy ibabaga to. Anggapoy anggan sakey ed sarayan pinalsa so nabalang, tan walay asawa so balang sakey ed sikara. Say Katawan a dili so angiganggan ed saya; say ispiritu to so manipon ed sikara.

Isaias 8:20

Onya so iyebat mod sikara, “Dengel yoy ibabangat ed sikayo na Katawan! Ag yo dedengelen iray managpanon ed saray ispiritu na inaatey—ag da napaandi so gunigon.”

Jeremias 8:9

Abaingan iray makabat yon totoo; ag da amtay gawaen da tan apatitan ira. Impolisay da ray salitak; anton kakabatan so walad sikara natan?

Daniel 12:2

Onolid bilay iray amayamay ed saray inaatey la: manliket ed bilay ya andi-anggaan iray arum balet manliknay andi-anggaan a kababaingan iray arum.

Mateo 22:29

Inmebat si Jesus ed sikara, “Nalilingo kayo! On, a, ta ag yo amtay Masanton Sulat odino say pakayari na Dios.

Marcos 10:3

“Antoy ingganggan nen Moises ed sikayo?” tinepet nen Jesus ed sikara.

Marcos 12:10

Ag yo ta ni abasa ed Masanton Sulat? ‘Say baton impasen ya andi-kakanaan na saray karpintiro nagmaliw lamlamang a sankakanaan a bato.

Lucas 16:29

Balet inkuanen Abraham ed sikato, ‘Wala ra di Moises tan saray propita a mamasakbay ed sikara. Paolyan mo ray agagim ya ondengel ed sikara.’

Lucas 16:31

Balet kuanen Abraham, ‘No ag da dengelen si Moises tan saray propita, ag da met panisiaan so anggan toon naolid bilay.’”

Lucas 24:25

Inkuanen Jesus ed sikara, “Agaylay kakulangay panagnunot yo! Akin sirin et mairap kayon manisia ed amin ya imbaga da ray propita?

Lucas 24:27

Insan impaliwawa nen Jesus ed sikara yan asalitan nipaakar ed sikato diad Masanton Sulat, manlapud saray libro nen Moises ya anggad saray sulat na amin da ray propita.

Lucas 24:44

Insan inkuantod sikara, “Sikara yay sinalitak ed sikayo nen kaibiba ta kayo ni. Imbagak ed sikayon nepeg a nasumpal ya amin iray nisulat nipaakar ed siak diad Ganggan nen Moises, diad saray sulat da ray propita, tan diad saray Salmo.”

Juan 1:45

Nalmo nen Felipe si Nataniel tan kuantod sikato, “Arumog miy Jesus a taga Nazaret ya anak nen Jose. Sikato may toon labay ya ibaga nen Moises ed insulat tod Ganggan, tan sikato met imay labay ya ibaga da ray propita.”

Juan 5:32

Walay sananey a mantasid siak tan amtak a tua ray ibabaga ton nipaakar ed siak.

Juan 5:36

Balet walay mantasid siak a lalon ambelat nen say impantasi nen Juan, a salanti: saray kimey a pagagawa nen Amak susumpalen ko tan sikara yay mantasi ya imbaki ak na Ama.

Juan 5:40

Balet, ag yo labay so onsingger ed siak pian nawalaan kayoy bilay.

Juan 5:46

No tuan anisiaan yoy Moises, panisiaan yo ak met komun lapud sikatoy nansulat na nipaakar ed siak.

Juan 7:52

Inmebat ira, “Taga Galilea ka met sirin? Manaral ka pay Masanton Sulat, pian narumog mo ya anggapoy propitan manlapud Galilea.”

Saray Gawgawa 13:27

Ag abirbir na saray manaayam ed Jerusalem tan saray manoley da a sikatoy Manangilaban. Ag da met atalusan iray salita na saray propita, a babasaen dan kapag Agew na Panagpainawa. Balet pinatwa ray imbabaga na saray propita nen sinintinsiaan dan nadusa si Jesus.

Saray Gawgawa 17:11

Magmaung ni rad may Judion pitongtongan nen saray taga Tesalonica. Agaylay karerengel da ed ipupulong nen Pablo, tan inagew-agew dan sosokayan so Masanton Sulat, ta labay dan nengnengen no tuay ibabaga nen Pablo.

Saray Gawgawa 26:27

Ari Agripa, panisiaan mo ray propita, anto? Amtak a panisiaan mo ra!”

Saray Taga Roma 1:2

Sayan Maung a Balita ya abayag lan insipay Dios diad panamegley da ray propita to tan nikorit ed Masanton Sulat,

Saray Taga Roma 3:2

Talagan dakel! Onona, saray Judio so angipiaan na salitay Dios.

Deuteronomio 18:15

Ingen, mangibaki ed sikayo na sakey a propita a singa siak a manlapud saray totoo yo, tan nepeg ya onuren yo.

Deuteronomio 18:18

Mangibaki ak ed sikara na sakey a propita a singa sika a manlapud saray totoo ra; salitaen kod sikatoy ibaga to tan ibaga tod saray totoo iray amin ya iganggan ko.

Deuteronomio 29:29

“Wala ray arum a bengatlan iyaamut na Katawan a Dios tayo; balet impaamta tod sikatayo so Ganggan to, et sikatayo tan saray kabyangay boleg tayo nepeg ya onuren tayo ya anggad angga.

Deuteronomio 32:47

Aliwan apa ira yan salita; sikaray dilin bilay yo. Onur yo ra et mambilay kayo na andokey ed samay dalin ed nibaliw na Jordan a ngalngali yo la panayaman.”

COLOSAS 3:16

Nepeg a manayam ed puso yo so mayaman a salita nen Cristo. Diad amin a kakabatan mambabangatan tan mansisimbawaan kayo. Mankanta kayo ray salmo, imno, tan maispiritu ran kanta. Diad pankanta yo, misalamat kayod Dios diad puso yo.

Saray Hebreo 11:16

Balet say pampipilalekan da say magmaung a bansa—say mangatatawen a bansa. Kanyan ag imbaing na Dios a sikatoy tawagen da a Dios da, ta imparaanan to ray sakey a siudad.

Saray Hebreo 11:35

Lapud pananisia, saray bibii inaawat da ray inaatey da ya inmoolid bilay. Wala ray arum a nilabay da niy ompatey ed kairapan nen say nabolus, pian onoli rad magmaung a bilay.

Josue 1:8

Nepeg a pampelengan mo a say libro na Ganggan et nibasa lawas no mangigalang kayod siak. Aral mod agew tan labi, tan pampelengan mon onuren iray amin a nisulat. Diad satan onaligwas ka tan maung so pansumpalan mo.

Puyan 19:10

Dinmakmomo ak ed saliyan to a mangigalang ed sikato, balet inkuanto, “Aleg! Sakey ak met ya aripen a singa sika tan saray agagim ya amaneknek na katwaan ya impaamta nen Jesus. Say Dios so igalang mo!” Ta say katwaan ya impaamta nen Jesus sikatoy ispiritu na propisiya.