Juan 5:37 - Maung A Balita Biblia

³⁷ Say Ama ya angibakid siak, tasian to ak met. Balet, ag yo nin balut nadngel so bosis to tan ag yo nin balut apilupaan.

Maung a Balita Biblia

³⁷ Say Ama ya angibakid siak, tasian to ak met. Balet, ag yo nin balut nadngel so bosis to tan ag yo nin balut apilupaan.

Juan 5:37 Iomraidhean Croise

Exodo 20:19

Inkuandad kinen Moises, “No mansalita kad sikami, ondengel kami; balet ag mo pansasalitaen ed sikami so Dios, ta ompan ompatey kami.”

Isaias 26:10

Anggaman a mapangasi kad saray totoon maoges, ag dan balut naaralan so manggaway kaptekan. Anggan diad dalin na saray totoon matonung manggagawa ran siansiay kaogsan; ag da labay a birbiren so inkatalonggaring mo.

Mateo 17:5

Mansasalita niy Pedro nen tinarungan iray maliwliwawan lorem tan walay bosis a nanlapud man ya inkuanto, “Sikato yay inararok ya Anak a pakaliliketan ko—dengel kayod sikato!”

Mateo 3:17

Insan walay bosis a nanlapud tawen a nankuan, “Sikato yay inararok ya Anak; sikatoy pakaliliketan ko.”

Marcos 1:11

Insan walay bosis a nanlapud tawen ya inkuanto, “Sika so dilin Anak ko ya inararok; pakaliliketan ta ka.”

Lucas 24:27

Insan impaliwawa nen Jesus ed sikara yan asalitan nipaakar ed sikato diad Masanton Sulat, manlapud saray libro nen Moises ya anggad saray sulat na amin da ray propita.

Lucas 3:22

tan dinmapod sikatoy Ispiritu Santo ed nengneng na laman a singa malapati. Insan walay bosis a nanlapud tawen a nankuan, “Sika so dilin Anak ko ya inararok; pakaliliketan ta ka.”

Juan 1:18

Anggapo nin balut so akanengneng ed Dios, balet sikatoy impaamta na bogbogtung ya Anak a Dios ya inararon maung na Ama.

Juan 14:9

Inmebat si Jesus, “Abayag lan kaiba yo ak, balet ag mo ak ni amta, Felipe? Say akanengneng ed siak, anengneng to lay Amak. Akit kekerewen mon ipanengneng koy Ama ed sikayo?

Juan 15:24

Anggapo komuy kasalanan da no ag ak nanggagawad pegley da na saray kimey ya anggapo niy toon akagawa. Balet natan anengneng da ray ginagawak, et siansian bobosulen da ak tan say Amak.

Juan 5:32

Walay sananey a mantasid siak tan amtak a tua ray ibabaga ton nipaakar ed siak.

Juan 6:27

Mankimey kayo, aliwan pian nawalaan kayoy kakanen a naderal, no ag ingen pian nawalaan kayoy kakanen a mansiansia ya anggad bilay ya andi-anggaan. Iter na Anak na Too yan kakanen ed sikayo, lapud sikatoy initday Dios Ama na pakayari to.”

Juan 8:18

Siak tan say Ama ya angibakid siak so mantatasid siak.”

Deuteronomio 4:12

Ibaga yod sikara no panoy impisalitay Katawan ed sikayo manlapud apoy, no panoy impakadngel yon nansalita balet ag yon balut anengneng.

1 Timoteo 1:17

Diad andi-anggaan ya Ari, ag ompatey, tan ag nanengneng, say saksakey a Dios so kawalaan komuy dayew tan galang ed ando lan ando! Amen.

1 Timoteo 6:16

Sikato labat so ag ompatey; manaayam ed liwawan anggapoy makaasingger. Anggapo niy akanengneng, anggapo ingey nayarin makanengneng ed sikato. Diad sikato labat komuy kawalaay galang tan andi-anggaan a pakayari! Amen.

1 Juan 4:12

Anggan kapigan, anggapo niy toon akanengneng ed Dios, balet no manaarowan itayo, manayam ed sikatayo so Dios tan ayadyarid sikatayoy aro to.

1 Juan 4:20

Matila so toon mangikuan, “Inarok so Dios,” no bosulen toy agi to. Ta say ag mangarod agi to anta sankanengneng to, ag to naaroy Dios ya ag to nanenengneng.

1 Juan 5:9

Manisia tayod panagtasi ray totoo; lalon mabiskeg so panagtasi na Dios tan sikato yay panagtasi to nipaakar ed Anak to.