Juan 5:26 - Maung A Balita Biblia

²⁶ Ta onung a walay pakayari na Ama a mangiter na bilay, ontan met ya initdan toy Anak na pakayarin mangiter na bilay.

Maung a Balita Biblia

²⁶ Ta onung a walay pakayari na Ama a mangiter na bilay, ontan met ya initdan toy Anak na pakayarin mangiter na bilay.

Juan 5:26 Iomraidhean Croise

Saray Salmo 36:9

Sikay panlalapwan na amin a bilay, tan lapud silew mo nanenengneng miy liwawa.

Saray Salmo 90:2

Kasakbayay impamalsam ed saray palandey, odino impamalsam ed mundo, Dios ka la manlapud gapoy-gapo; Dios ka ya anggad angga.

Exodo 3:14

“Siak si siak,” inkuan na Dios. “Ibagam ed sikara, ‘Say natatawag a SIAK ET SIAK, imbaki to ak ed sikayo.’

Jeremias 10:10

Balet sika, Katawan, so tua a Dios, sika so mabilay a Dios, tan say andi-anggaan ya ari. No mampasnuk ka onggiwgiw so sankamundoan; ag natepelan na saray bansa so pasnuk mo. (

Juan 1:4

Say Salita so nanlapway bilay, tan sayan bilay so silew da ray katoowan.

Juan 10:18

Anggapoy makaekal na bilay ko, balet isaklang kon manlapud siak a dili so bilay ko. Walay pakayarik a mangiter tan mamawiy bilay ko. Ingganggan nen Amak yan gawaen ko.”

Juan 11:25

Inkuanen Jesus ed sikato, “Siak so kiolid bilay tan say bilay. Siopamay manisiad siak anggan ompatey, nabilay;

Juan 11:26

tan siopamay mambilay tan manisiad siak, ag balut ompatey. Sisiaen mo ya?”

Juan 14:19

Maganggano lan ag ak nanengneng na sankamundoan. Balet nanengneng yo ak lapud mambilay ak tan mambilay ki met.

Juan 14:6

Inmebat si Jesus, “Siak so dalan, say katwaan, tan say bilay; anggapoy toon makaonlad Ama no ag diad panamegley ko.

Juan 4:10

Inmebat si Jesus, “No amtam labat so iter na Dios tan no kabat mo no siopay mikekerew ed sika na inomen, miala kad sikato angangko et itdan to kay mabilay a danum.”

Juan 6:57

Say mabilay ya Ama so angibakid siak, tan mambilay ak lapud sikato. Ontan met a siopamay mangan ed siak, mambilay lapud siak.

Juan 8:51

Ibabagak ed sikayoy katwaan: say mangonur na salitak ag balut ompatey.”

Saray Gawgawa 17:25

Ag to met nakaukolan so antokaman a niiter na too diad panlingkur ed sikato, ta say Dios so mangiiter ed amin na bilay, linawa, tan amin a bengatla.

1 CORINTO 15:45

Onung met na ibabagay Masanton Sulat, “Say onaan a too a si Adan et pinalsan initday bilay”; balet say kaonuran ya Adan say Ispiritu a mangiiter na bilay.

1 Timoteo 1:17

Diad andi-anggaan ya Ari, ag ompatey, tan ag nanengneng, say saksakey a Dios so kawalaan komuy dayew tan galang ed ando lan ando! Amen.

1 Timoteo 6:16

Sikato labat so ag ompatey; manaayam ed liwawan anggapoy makaasingger. Anggapo niy akanengneng, anggapo ingey nayarin makanengneng ed sikato. Diad sikato labat komuy kawalaay galang tan andi-anggaan a pakayari! Amen.

Saray Hebreo 1:2

Balet diad sarayan kaonuran ya agew, say Dios nansalitad sikatayo diad panamegley na Anak to. Pinalsa na Dios so sankamundoan diad panamegley na Anak, a pinili ton manawir na amin a bengatla.

Puyan 21:6

Inkuanto nid siak, “Asumpal la! Siak so Alpha tan say Omega, say gapo tan say samput. Siopamay napgaan itdan ko na anggapoy bayar a danum a manlapud sobul na danum na bilay.

Puyan 22:1

Samay anghil impanengneng to met ed siak so ilog na danum na bilay. Malinew a singa kristal so danum ton manlalapud tronoy Dios tan say Kordiro,

Puyan 22:17

Inkuan na Ispiritu tan say Nobia, “Gala dia!” Nepeg ya amin da ray makadngel ed saya ikuanda met, “Gala dia!” Siopamay napgaan, onasingger; siopamay malabay, mangala na anggapoy bayar a danum na bilay.

Puyan 7:17

Ta samay Kordiron walad pegley na trono so mampastol ed sikara. Iwanwan to rad sobusobul na mabilay a danum, tan ponasey Dios iray amin a lua ed mata ra.”