Juan 5:18 - Maung A Balita Biblia

¹⁸ Lalon binmiskeg so getma da ray Judio a mamatey ed kinen Jesus, lapud anta sinumlang to lay Ganggan na Agew na Panagpainawa, impara to niy inkasikatod Dios diad impangibaga ton say Dios et Ama to.

Maung a Balita Biblia

¹⁸ Lalon binmeskeg so getma da ray Judio a mamatey ed kinen Jesus, lapud anta sinumlang to lay Ganggan na Agew na Panagpainawa, impara to niy inkasikatod Dios diad impangibaga ton say Dios et Ama to.

Juan 5:18 Iomraidhean Croise

Zacarias 13:7

Say Katawan a Makapanyarin-amin kuanto, “Bangon ka, ispada, ta dogpaan moy pumapastol a mankikimey na para siak! Patey mo, pian nikaykayat iray karniro! Dogpaan ko ray totook

Mateo 12:5

O ag yo ta ni abasan balut ed Ganggan nen Moises a no Agew na Panagpainawa saray paparid Timplo et onsusumpa rad igaganggay Agew na Panagpainawa? Et ag da met ya pankakasalanan!

Juan 1:19

Saray Judio ed Jerusalem angibaki ray pigaran papari tan Levita ed kinen Juan. Tinepet dad sikato, “Siopa ka?”

Juan 10:30

Siak tan say Ama, saksakey kami.”

Juan 10:33

Inmebat iray Judio, “Ag mi ka tupaken lapud saray maung a gawa, balet lapud maoges a panagsalitam a sumpad Dios! Gagawaen moy sikan dili a Dios, anta too ka!”

Juan 14:23

Inmebat si Jesus, “Siopamay mangarod siak, onuren to ray salitak; sikatoy aroen nen Amak tan onla kamin manayam ed sikato.

Juan 14:9

Inmebat si Jesus, “Abayag lan kaiba yo ak, balet ag mo ak ni amta, Felipe? Say akanengneng ed siak, anengneng to lay Amak. Akit kekerewen mon ipanengneng koy Ama ed sikayo?

Juan 19:7

Inmebat iray Judio, “Onung ed sakey a ganggan mi, sikatoy nepeg a pateyen, ta impagmaliw toy sikaton dili ya Anak na Dios.”

Juan 5:15

Tinmaynan imay toon apaabig tan imbaga tod saray Judio a si Jesus so amaabig ed sikato.

Juan 5:16

Lapud saya, ginapoan na saray Judio a pairapey Jesus, ta amaabig ed Agew na Panagpainawa.

Juan 5:17

Balet inmebat si Jesus ed sikara, “Si Amak mankikimey anggad natan; ontan ko met.”

Juan 5:23

pian amin igalang day Anak a singa pangigagalang dad Ama. Siopamay ag mangigalang ed Anak, ag to igalang so Ama ya angibakid sikato.

Juan 7:1

Kasumpal na sarayan bengatla, niliber-liber nen Jesus so Galilea. Ag to labay so onlad Judea lapud labay a pateyen na saray Judio.

Juan 7:19

Ag ta inter la nen Moises so Ganggan ed sikayo? Balet anggapod sikayoy mangoonur. Akin et labay yo ak a pateyen?”

Juan 8:54

Inmebat si Jesus, “No idayew koy laman kon dili, anggapoy kakanaay dayew ko. Idayew ak na Amak, a sikatoy kuanyon Dios yo.

Juan 8:58

“Ibabagak ed sikayoy katwaan,” kuanen Jesus, “Kasakbayan a nianak si Abraham, ‘Siak et Siak.’”

FILIPOS 2:6

Anggaman a walad sikatoy inka-Dios, ag to impasoot a mansiansian kaparay Dios.

Puyan 22:1

Samay anghil impanengneng to met ed siak so ilog na danum na bilay. Malinew a singa kristal so danum ton manlalapud tronoy Dios tan say Kordiro,

Puyan 22:3

Diad saman a siudad anggapoy naalmon antokaman ya insambay Dios. Naalmod saman a siudad so tronoy Dios tan say Kordiro, tan mangigalang ed sikato ray aripen to.