Juan 3:8 - Maung A Balita Biblia

⁸ Onsiplug so dagem ed inerman a pasen a labay to, et narengel moy siplug to, balet ag mo amta no iner so panlalapwan tan lalaen to. Ontan met so kipapasey balang sakey a nianak ed Ispiritu.”

Maung a Balita Biblia

⁸ Onsiplug so dagem ed inerman a pasen a labay to, et narengel moy siplug to, balet ag mo amta no iner so panlalapwan tan lalaen to. Ontan met so kipapasey balang sakey a nianak ed Ispiritu.

Juan 3:8 Iomraidhean Croise

Saray Salmo 107:25

Nangganggan, et sinmiplug so mabiskeg a dagem, ya amadaluyon na ankakabaleg.

Saray Salmo 107:29

Pinatonda toy maksil a bagyo, et dinmeen iray daluyon.

Saray Salmo 135:7

Sikatoy mamapaatagey ed saray lorem a manlapud saray samput na dalin; gagawaen toy kirmat para saray bagyo, tan ipapaway toy dagem a manlapud kuarton panagsinupan to.

Ecclesiastes 1:6

Onsisiplug so dagem ed abalaten, onsisiplug ed baybay—ontetelek tan ompapawil tan pawil-pawil labat ya onsiplug.

Ezekiel 37:9

Inkuan na Dios ed siak, “Sika a toon ompatey, mampropisiya ka ed dagem. Ibagam ed dagem a say Katawan a Dios igaganggan to ya onsabin manlapud amin a dapag, onsibuk ed sarayan bangkay, pian ombilay ira.”

Juan 1:13

Nagmaliw iran anak na Dios, aliwan lapud nianak iray too, tan aliwa met a lapud linawa na laman o pakayari na too, no ag ingen lapud pakayari na Dios.

Juan 3:7

Ag ka mankelaw lapud imbagak ed sika, ‘Nakaukolan kayon nianak lamet.

Juan 3:9

“Panon yan nagawa?” tepet nen Nicodemo.

Saray Gawgawa 2:2

Kabebekta, nadngel day sakey ya ungol a nanlapud tawen. Singa siplug na maksil a dagem, tan pinano toy intiron abung a kawalaan da.

Saray Gawgawa 4:31

Kasumpal dan nampikasi, ayegyeg may nantitiponan da. Napno ran amin na Ispiritu Santo, tan anggapoy takot dan balut a nampupulong na salitay Dios.

1 CORINTO 12:11

Balet saksakey labat ya Ispiritu so manggagawa ed amin da ra ya, tan nandoroman langkap so iiter tod balang sakey, onung ed linawa to.

1 CORINTO 2:11

Anggapoy makaamtad nununotey too, no ag say dilin ispiritu to labat. Ontan met, anggapoy makaamtad nununotey Dios, no ag say Ispiritu na Dios labat.

1 Juan 2:29

Amta yon matonung si Cristo; nepeg yon kabaten met sirin ya anak na Dios so balang sakey a manggagaway katonungan.