Juan 3:3 - Maung A Balita Biblia

³ Inmebat si Jesus ed sikato, “Ibagak ed sikay katwaan: likud a nianak lamet so sakey a too, ag to nanengneng so Panariay Dios.”

Maung a Balita Biblia

³ Inmebat si Jesus ed sikato, Ibagak ed sikay katwaan: likud a nianak lamet so sakey a too, ag to nanengneng so Panariay Dios.

Juan 3:3 Iomraidhean Croise

Jeremias 5:21

Dengel kayo, sikayon anggapoy kalakal tan anggapoy pakatalus a totoo. Walay kamataan yo, balet ag kayo makanengneng, walay kalayagan yo, balet ag kayo makadngel.

Ezekiel 36:26

Itdan ta kayo na balon puso tan balon isip. Ekalen kod sikayoy inmawet a puso yon singa bato tan itdan ta kayo na maonur a puso.

Mateo 16:17

Inkuanen Jesus ed sikato, “Maliket kan tua, Simon ya anak nen Jonas! Ta say Amak ed tawen so angipaamtad sika yan katwaan, aliwan say too.

Mateo 19:24

Kuanko nid sikayo a mainomay niy kamilyon onloob ed abut na dagom nen say toon mayaman ya onloob ed Panariay Dios.”

Mateo 21:31

Siopad saramay duaran anak so anumpal ed linaway ama ra?” tepet nen Jesus. “Samay pangulowan,” ebat da. Inkuanen Jesus, “Kuankod sikayo a saray sumisingil na buis tan saray marorotak a bibii so makaonan makaloob ed Panariay Dios.

Mateo 5:18

Tandaan yo ya! Naandi so tawen tan dalin, balet anggan say sankamelagan a kabyangay Ganggan so ag naandiay kana anggad pakasumpal na amin a bengatla.

Marcos 10:14

Asanukay Jesus nen anengneng to yan ginawa da ray disipulo to tan kuantod sikara, “Paolyan yo ray ogogaw ya ondagod siak. Ag yo ra sesebelan, ta saray totoon singa sarayan ogogaw so makankien na Panariay Dios.

Marcos 9:47

Sokit moy matam no sikatoy pansengegay pankasalanan mo, ta magmaung nin onloob kad Panariay Dios a bulag so sakey a matam nen say nibantak kad impirnon nantopag so matam.

Juan 1:13

Nagmaliw iran anak na Dios, aliwan lapud nianak iray too, tan aliwa met a lapud linawa na laman o pakayari na too, no ag ingen lapud pakayari na Dios.

Juan 1:5

Onsisindag ed kabilongetan so silew tan ag balut naerep na kabilongetan.

Juan 1:51

Insan to inkuan ed sikaran amin, “Ibagak ed sikayoy katwaan, nanengneng yon nalokasay tawen tan nanengneng yo ray anghil na Dios ya onsesegep tan onlalasur ed Anak na Too.”

Juan 12:40

“Binulag na Dios iray kamataan da, tan pinaawet toy kapusoan da, pian ag ira makanengneng, ni makatalus, tan ag ira ompawil ed siak pian paabigen ko ra.”

Juan 3:4

Tinepet nen Nicodemo ed sikato, “Panon a nianak lamet so sakey a toon matakken la? Nayarian to tay ompawil ed eges na ina to insan iyanak lamet?”

2 CORINTO 4:4

Ag ira manisia ta say dios na sayan mundo et sasakbungan to niy kanununotan da. Sasakbungan to ra, pian ag da nanengneng so liwaway Maung a Balitan nipaakar ed marlang a kagalangan nen Cristo a kaparparay Dios.

2 CORINTO 5:17

Kanyan nagmaliw a balon pinalsa so siopaman a toon akikasakey ed Cristo. Linmabas lay daan, tan sinmabi lay balo.

TAGA GALACIA 6:15

Asegat man odino andi so sakey a too, anggapoy wala. Say manona say pagmaliw a balon pinalsa.

TAGA-EFESO 2:1

Nen saman inaatey kayo lapud insusumlang yod ganggan tan impankakasalanan yo.

Deuteronomio 29:4

Balet anggad natan ag to ni impatalus ed sikayo so kabaliksan na saraman ya asalsali yo.

Tito 3:5

inlaban to itayo. Nilaban itayo, aliwan lapud saray ginagawa tayon kamaungan, no ag ingen lapud panangasi to, diad panamegley na panangoras a mangipanengneng a say Ispiritu Santo initdan to itayoy balon inkatoo tan balon bilay.

Santiago 3:17

Balet say kakabatan a nanlapud Dios et ononaona, malinis. Maaro met ed kareenan, maoyamo, makaaro, mapangasi, makolid panaggaway kaabigan, anggapoy labien to, tan aliwan mansimpisimpitan.

1 Pedro 1:3

Nagalang komuy Dios tan Ama na Katawan tayon Jesu-Cristo! Lapud baleg a panangasiy Dios Ama, initdan to itayoy balon bilay diad panamegley na inkiolid bilay nen Jesu-Cristo. Sayan balon bilay so angiter ed sikatayoy mabilay ya ilalo,

1 Juan 2:29

Amta yon matonung si Cristo; nepeg yon kabaten met sirin ya anak na Dios so balang sakey a manggagaway katonungan.

1 Juan 3:9

Siopaman ya anak na Dios ag to ituloy so mankasalanan, ta walad sikato so inkanatural na Dios; tan lapud say Dios so Ama to, ag to nayarian ya ituloy so mankasalanan.

1 Juan 5:1

Anak na Dios so toon manisia a si Jesus et sikatoy Cristo. Siopamay mangarod ama, aroen to met so anak na ama.

1 Juan 5:18

Amta tayo ya anggapoy anak na Dios ya itutuloy toy mankasalanan, ta aasikasoen na Anak na Dios, tan ag balut nadiwit na samay Maoges.

1 Juan 5:4

ta balang sakey ya anak na Dios nayarian ton taloen so sankamundoan. Say panatalo tayod sankamundoan et say pananisia tayo.

Puyan 3:14

“Isulat mod anghil na iglisia ed Laodicea: “Sikato yay ibabaga na manngaray Amen, say matoor tan tuan tasi, a sikatoy nanlapway amin a pinalsay Dios.