Juan 21:14 - Maung A Balita Biblia

¹⁴ Sikato yay kumatlon impanpanengneng nen Jesus ed saray disipulo, kasumpal a naolid bilay.

Maung a Balita Biblia

¹⁴ Sikato yay kumatlon impanpanengneng nen Jesus ed saray disipulo, kasumpal a naolid bilay.

Juan 21:14 Iomraidhean Croise

Marcos 16:12

Kasumpal to ya, pinmanengneng si Jesus diad nidoman nengneng ed saray duaran disipulo nen wala rad dalan a mamaarap ed bario.

Marcos 16:14

Kasumpal to ya, pinmanengneng si Jesus ed saray labinsakey a disipulo legan dan mangakan. Nampasnukan to ra, lapud anawet so puso ra tan ag ira anisia ed saramay akanengneng ed sikato ya inmoli lad bilay.

Juan 20:19

Diad labi to man ya agew na Simba, nantitipon iray disipulo. Akatalak iray puirtay abung a nantitiponan da, lapud takot dad saray Judio. Sinmabiy Jesus tan nanalagey ed pegley da. Inkuantod sikara, “Say kareenan komun so walad sikayo!”

Juan 20:26

Kayariy waloy agew, nantitipon lamet ed loob na abung iray disipulo to. Kaiba ra lay Tomas. Akatalak iray puirta, balet linmoob si Jesus tan nanalagey ed pegley da. Inkuanto, “Say kareenan komun so walad sikayo!”

Juan 21:1

Kasumpal to ya, pinmanengneng lamet si Jesus ed saray disipulo to diad gilig na Dayat na Tiberias. Onyay impampanengneng to.

Saray Gawgawa 1:3

Kasumpal na impatey to, amimpigan nampapanengneng ed sikara, kanyan apaneknekan a tuan mabilay. Diad loob na apataploy agew, nampapanengneng ed sikara tan imbabangat to ray nipaakar ed Panariay Dios.