Juan 20:17 - Maung A Balita Biblia

¹⁷ “Ag mo ak bebembenan,” kuanen Jesus ed sikato, “ta ag ak ni inmatagey a linmad Ama. Onla ka ingen ed saray agagik a lalaki tan ibagam ed sikara a kuanko, ‘Onatagey ak ya onlad Amak tan Ama yo, Dios ko tan Dios yo.’”

Maung a Balita Biblia

¹⁷ Ag mo ak bebembenan, kuanen Jesus ed sikato, ta ag ak ni inmatagey a linmad Ama. Onla ka ingen ed saray agagik a lalaki tan ibagam ed sikara a kuanko, Onatagey ak ya onlad Amak tan Ama yo, Dios ko tan Dios yo.

Juan 20:17 Iomraidhean Croise

2 Saray Arari 4:29

Inkuanen Eliseo ed kinen Giezi, “Ganatan mo! Alam imay bastun ko, ta laka la. Ag ka ontotondan mangibanod siopaman a naabet mo, ta no walay mangilugay ed sika ag ka la manaabalan mibanowan. Tuloy-tuloy mo lay abung tan itapew mod lupad bangkay na ogaw so bastun ko.”

2 Saray Arari 7:9

Balet inkuandad balang sakey, “Ag tayo ya nepeg a gawaen! Walad sikatayoy maung a balita; ag tayo nepeg a pokuken ed sikatayon dili. No dia nid kabwasan so pangibalita tayo, andi-saew a nadusa itayo. Ompawil tayo la sirin natan, ta ibaga tayod saray opisyal na ari!”

Saray Salmo 22:22

Ibagak ed saray kadalaan ko no anto ray ginagawam; idayew ta kad ulopan da:

Saray Salmo 43:4

Onla ak ed satan ed altar mo, O Dios; sikay panlalapwan na liket ko. Togtogen koy arpak tan kantaan ta kay panangidayew, Dios, O Dios ko!

Saray Salmo 48:14

“Sayan Dios et Dios tayo ya anggad angga; iwanwan to itayo ed amin a panaon ya arapen.”

Saray Salmo 68:18

Onkakalab ed saray atagey a pasen, a sankaawit to ray amayamay a priso; mangaawat na saray rigalo da ray totoon mananumpa. Manayam diman so Dios a Katawan!

Saray Salmo 89:26

Ikuantod siak, ‘Sikay amak tan Dios ko; Sikay manangyagel tan manangilaban ko.’

Isaias 41:10

Ag kayo natatakot—wala ak ed sikayo! Siak so Dios yo—ag yo aabuloyan a taktakoten kayo na antokaman! Pabiskegen tan tulongan ta kayo; iyagel tan ilaban ta kayo.

Jeremias 31:33

Onya so pisipanan kod saray totood Israel: Iyan kod sikaray ganggan ko tan isulat kod kapusoan da. Siak so magmaliw a Dios da, tan sikara so totook.

Jeremias 32:38

Diad satan magmaliw iran totook, tan siak so Dios da.

Ezekiel 36:28

Insan manayam kayod dalin ya inter kod saray lalaki yo. Magmaliw kayon totook tan siak so Dios yo.

Ezekiel 37:27

Manayam ak diman ed kawalaan da; magmaliw a siak so Dios da tan sikaray totook.

Mateo 12:50

Ta siopamay manggaway linawa na Amak a walad tawen, sikatoy agik, sikatoy inak.”

Mateo 25:40

Onebat so Ari ed sikara, ‘Kuankod sikayo: nen ginawa yo yad anggan sakey a sankamelagan ed sarayan agagik, ginawa yod siak!’

Mateo 28:7

Ganatan yo lay onla tan ibaga yod saray disipulo to, ‘Inmolid bilay si Jesus tan onona nen sikayo ya onlad Galilea. Diman yo nanengneng!’ Tandaan yoy imbagak ed sikayo.”

Marcos 12:26

Natan, nipaakar ed kiolid bilay: ag yo ta ni abasa ed libro nen Moises so nipaakar ed abeban kiew a napopoolan? Nisulat diman a say Dios kauntod kinen Moises, ‘Siak so Dios nen Abraham, Dios nen Isaac, tan Dios nen Jacob.’

Marcos 16:19

Kasumpal ya akisalitay Katawan a Jesus ed sikara, niatagey ed tawen tan inmirung ed nikawanan na Dios.

Lucas 10:4

Ag kayo manaawit na pitaka, bayung, o sapatos. Ag kayo tonda-tondad dalan a mangigalang ed anggan siopa.

Juan 13:1

Bispiras la na Paskua. Amta nen Jesus a sinmabi lay oras na itaynan tod sayan mundo tan ipawil tod Ama. Inaro to ray totoo ton wadyad mundo, tan inaro to ra ya anggad kasamputan.

Juan 13:3

Amta nen Jesus ya inter na Ama ed sikato so amin a bengatla, tan kabat to met a sikatoy nanlapud Dios tan ompawil ed Dios.

Juan 14:2

Dakel so napanayaman ed abung nen Amak, et onla ak a mangiparaan na panayaman yo. No aliwa yan tua, ag ko ya komun imbagad sikayo.

Juan 14:28

Nadngel yon imbagak ed sikayo, ‘Ontaynan ak, balet pawilen ta kayo.’ No inaro yo ak, panliketan yoy iyakar kod Ama, ta matalonay Ama nen say siak.

Juan 14:6

Inmebat si Jesus, “Siak so dalan, say katwaan, tan say bilay; anggapoy toon makaonlad Ama no ag diad panamegley ko.

Juan 16:28

Nanlapu ak ed Ama tan linma ak diad mundo. Natan balet taynan ko lay mundo tan ompawil ak lad Ama.”

Juan 17:11

Natan onla ak lad sika. Ontaynan ak la diad mundo, balet wadya ni rad mundo. O Aman Masanto! Asikasom irad panamegley na pakayariy ngaran mon inter mod siak, pian magmaliw iran saksakey a singa sikata.

Juan 17:25

O Aman matonung! Ag ka kabat na sankamundoan, balet kabat ta ka, tan sarayan inter mod siak et amta ran imbaki mo ak.

Juan 17:5

Ama! Itdan mo ak natan, diad arap mo, imay kagalangan a walad sikata kasakbayan ya apalsay mundo.

Juan 20:27

Insan to inkuan ed kinen Tomas, “Itobung mo dia tay tamorom tan nengneng mo ray limak. Iyonat mo tay limam tan iseksek mod diking ko. Ag ka manduaduaruwa, no ag ingen manisia ka la!”

Juan 7:33

Inkuanen Jesus, “Nakaiba yo ak nin magano, insan ak la ompawil ed samay angibakid siak.

Saray Taga Roma 8:29

Saray pinili na Dios a kayaryan ton nanlapud gapo et inggana to ran miolibay ed Anak to, pian say Anak so magmaliw a pangulowad saray amayamay a sanaagi.

2 CORINTO 6:18

Siak met lad satay magmaliw ya ama yo, tan sikayon lalaki tan bibii met la so magmaliw ya anak ko, say Makapanyarin-amin a Katawan onyay ibabaga to.”

TAGA GALACIA 3:26

Diad panamegley na pananisia yod Cristo Jesus, anak kayon amin na Dios.

Saray Hebreo 11:16

Balet say pampipilalekan da say magmaung a bansa—say mangatatawen a bansa. Kanyan ag imbaing na Dios a sikatoy tawagen da a Dios da, ta imparaanan to ray sakey a siudad.

Saray Hebreo 8:10

Sikato yay pisipanan ko ed saray totood Israel diad saray agew ya onsabi, kuay Katawan: Iseksek kod kanunotan da ray ganggan ko tan isulat kod kapusoan ra. Siak so magmaliw a Dios da, tan sikara so totook.

1 Pedro 1:3

Nagalang komuy Dios tan Ama na Katawan tayon Jesu-Cristo! Lapud baleg a panangasiy Dios Ama, initdan to itayoy balon bilay diad panamegley na inkiolid bilay nen Jesu-Cristo. Sayan balon bilay so angiter ed sikatayoy mabilay ya ilalo,

1 Juan 3:2

Inararon anak, sikatayo natan so anak na Dios, balet aliwa nin malinew no antoy pagmaliwan tayo. Anggaman ontan, amta tayo a diad ipawil dia nen Cristo, magmaliw itayon singa sikato, ta nanengneng tayo diad dilin inkasikato.

Puyan 21:3

Arengel koy maksil a bosis a nanlapud trono tan inkuanto, “Natan, say abung na Dios wala lad pegley da ray katoowan! Miayam ed sikara, tan magmaliw iran totoo to. Nakaiba ra lawas so Dios, tan magmaliw a Dios da.

Puyan 21:7

Siopamay manalo tawiren to ya: magmaliw ak a Dios to, tan sikatoy magmaliw ya anak ko.