Juan 20:16 - Maung A Balita Biblia

¹⁶ Inkuanen Jesus ed sikato, “Maria!” Inarap to tan kuantod salitay Hebreo, “Raboni!” (“Maistro” so labay ton ibaga ya.)

Maung a Balita Biblia

¹⁶ Inkuanen Jesus ed sikato, Maria! Inarap to tan kuantod salitay Hebreo, Raboni! (Maistro so labay ton ibaga ya.)

Juan 20:16 Iomraidhean Croise

Genesis 22:1

Ag abayag, sinubok na Dios si Abraham; tinawag to, “Abraham!” “Wadya ak,” ebat nen Abraham.

Genesis 22:11

Balet tinmawag a manlapud tawen so anghil na Katawan, “Abraham, Abraham!” Inmebat, “Wadya ak.”

Genesis 45:12

Intuloy nen Jose ya inkuan, “Natan amin yo, pati sika Benjamin, nanenengneng yo a siak a talaga si Jose.

Exodo 3:4

Nen anengneng na Katawan a Dios ya onaasingger si Moises, tinmawag ed sikato manlapud pegley na abeban kiew, “Moises, Moises!” “Wadya ak,” ebat nen Moises.

Exodo 33:17

Say Katawan kuantod kinen Moises, “Gawaen koy kerew mo, lapud kabkabat ta ka tan makaliliket ak ed sika.”

Kanta nen Solomon 3:4

Kataynan kod arapan da, arumog koy inarok. Binembenan ko tan ag ko inikbanan ya anggad niyakar kod abung nen inak, tan pinaloob kod kuarton nianakan ko.

Kanta nen Solomon 5:2

Nen akaogip ak, abangon so liknaan ko. Akogip kon tinmoktok ed puirta so inarok. Paloob mo ak pa, O inarok, say pinablik ya aliling toy malimlimgas a malapati. Abasa na linaew so olok, apoyut na kelpa so buek ko.

Isaias 43:1

Say Katawan ya amalsad sika, Israel, kuanto, “Ag ka natatakot—iyagel ta ka. Tinawag ta kad ngaran mo—kayaryan ta ka.

Mateo 14:27

Balet tampol ya inkuantod sikara, “Pakpel yoy loob yo, ta siak ya. Ag kayo natatakot!”

Marcos 10:51

Tinepet nen Jesus ed sikato, “Antoy labay mon gawaen kon para sika?” Inmebat imay bulag, “Maistro, labay koy makanengneng.”

Lucas 10:41

Inmebat so Katawan, “Sika, Marta, amayamay a bengatla so pampapagaan tan pansasakitan moy olo.

Juan 1:38

Nen linmingaw si Jesus, anengneng to ran ontotombuk kanyan tinepet tod sikara, “Antoy anapen yo?” Inmebat ira, “Iner so panaayaman mo, Rabi?” (“Maistro” so kabaliksan na Rabi.)

Juan 1:49

Inkuanen Nataniel ed kinen Jesus, “Maistro, sikay Anak na Dios! Sikay Ari na Israel!”

Juan 10:3

Lolokasan na managbantay na puirta tan derengelen na saray karniro so bosis to. Tatawagen tod kangaranan da ray karniro to, tan ipapaway to ra.

Juan 11:28

Kapangibaga nen Marta ed saya, pinmawil ed abung. Tinawag toy agi ton Maria tan inyesaes to, “Wadya lay Maistro; patatawag to ka.”

Juan 13:13

“Tatawagen yo ak na Maistro tan Katawan. Tuay kuanyo, ta ontan ak lanti.

Juan 20:28

Inkuanen Tomas ed sikato, “Katawan ko tan Dios ko!”

Juan 3:2

Aminsan a labi, linmad kinen Jesus. “Rabi,” kuanto, “amta mi a sakey kan bumabangat ya imbaki na Dios. Ta anggapoy toon makagawa ed saray gagawaen mo, likud no walad sikatoy Dios.”

Juan 5:2

Diad Jerusalem, diad abay na Puirtay Karniro, walay sakey a dipositoway danum a diad salitay Hebreo, tatawagey Betesda. Walay limaran portiko to,

Juan 6:25

Nen arumog day Jesus ed biek na dayat, tinepet dad sikato, “Maistro, kapigay insabim dia?”

Saray Gawgawa 10:3

Aminsan ya alas tris ed ngarem, pinmayawar a malinlinew ed sikato so sakey ya anghil na Dios tan inkuanto, “Cornelio!”

Saray Gawgawa 9:4

Apaktak tan nipasobsob ed dalin, insan nadngel toy bosis a nankuan ed sikato, “Saulo, Saulo, akin et papairapen mo ak?”

1 Samuel 3:10

Sinmabi so Katawan tan nanalagey diman, tan tinawag to a singa impanawag to nen inmona, “Samuel! Samuel!” Inmebat si Samuel, “Mansalita ka; onderengel so aripen mo.”

1 Samuel 3:6

Tinmawag lamet so Katawan, “Samuel!” Ag to amta a say Katawan so ontatawag, ta ag ni akisalita so Katawan ed sikato nen saman. Kanyan binmangon, linmad kinen Eli tan kuanto, “Wadya ak, ta tinawag yo ak.” Balet inmebat si Eli, “Anak ko, ag ta ka tinawag. Pawil kad dokulan mo.”