Juan 2:24 - Maung A Balita Biblia

²⁴ Balet ag inmatalek nen Jesus so sikaton dili ed sikara, lapud kabat ton amin iray totoo.

Maung a Balita Biblia

²⁴ Balet ag inmatalek nen Jesus so sikaton dili ed sikara, lapud kabat ton amin iray totoo.

Juan 2:24 Iomraidhean Croise

1 Saray Arari 8:39

dengel mo pay pikakasi ra. Diad ayaman mod tawen dengel mo pa ra, pirdonam ira, tan tulongan mo ra. Sika labat so makaamta ed kanunotan na balang sakey a too. Iter mo pad balang sakey so kanepegan ton awaten,

1 Saray Awaran 28:9

Insan inkuantod kinen Solomon, “Anak ko, nia so bilin kod sika: birbir moy Dios nen amam tan panlingkuran mod intiron pusom tan mabolbolus a linawa. Amta to ray amin a kanunotan tan saray pilalek tayo. No ondago kad sikato, awaten to ka; balet no ibeneg mo, ando lan andon ikaindan to ka.

1 Saray Awaran 29:17

Amtak a susuboken moy puso na balang too tan maliket kad kaptekan. Diad katooran tan diad kaptekan mabolbolos kon inter ira yan amin ed sika. Anengneng ko a sarayan totoom a nantitipon dia natan et maliket tan mabolus so linawa ran angiter ed sika.

Jeremias 17:9

“Siopay makatalus ed puso na too? Anggapoy ontalona ed panamalikdo to; ag onabig so sakit to.

Mateo 9:4

Amta nen Jesus so walad kanunotan da kanyan inkuanto, “Akin et maoges so walad kanunotan yo?

Marcos 2:8

Amtan tampol nen Jesus so walad kanunotan da, kanyan inkuantod sikara, “Akin et ontay walad kanunotan yo?

Juan 1:42

Insan intagar toy Simon ed kinen Jesus. Ninengneng nen Jesus tan kuanto, “Sikay Simon ya anak nen Juan. Nangaranan ka na Cefas.” (Say ngaran a Cefas, kapara toy ngaran a Pedro.)

Juan 16:30

Amta mi la natan a kabat mo ray amin a bengatla tan ag mo kakaukolay anggan siopa a manepet ed sika. Lapud saya manisia kamin nanlapu kad Dios.”

Juan 21:17

Pinitlo nen Jesus a tinepet, “Simon ya anak nen Juan, inaro mo ak?” Naermenay Pedro ta pinitlo nen Jesus a tinepet, “Inaro mo ak?” Kanyan kuantod kinen Jesus, “Katawan, amtam iray amin a bengatla; amtam ya inaro ta ka!” Inkuanen Jesus ed sikato, “Asikasom iray karnirok.

Juan 4:16

“Laka,” kuanen Jesus ed sikato, “ta itagar mo diay asawam.”

Juan 5:42

Balet kabat ta kayo, tan amtak ya ag yo inaroy Dios.

Juan 6:15

Lapud alikas nen Jesus a ngalngali ran pasooten ya alaen tan gawaen dan ari, linmimut lamet tan linman nambukbukor ed nipalandey a pasen.

Juan 6:64

Balet wala rad sikayoy ag manisia.” (Ta gendat lan kabat nen Jesus no siopa ray ag manisiad sikato, tan no siopay mantraidor ed sikato.)

Saray Gawgawa 1:24

Insan ira nampikasi, “Katawan, kabat moy walad puso na balang sakey. Ipanengneng mo pad sikami no siopay pinilim ed sarayan dua

Saray Gawgawa 15:8

Say Dios, a makaamtay walad pusoy balang sakey, impanengneng toy maung a linawa tod saray Hintil diad impangiter tod sikara na Ispiritu Santo, a singa impangiter tod sikatayo.

Deuteronomio 31:21

et amayamay a makapataktakot a deral so ondalan ed sikara. Balet nakanta yan kanta, tan magmaliw a sakey a tasi a sumpad sikara. Anggan natan, kasakbayan ko ran iyakar ed dalin ya insipan kod sikara, amtak la so nununoten da.”

Saray Hebreo 4:13

Anggapoy niamut ed Dios. Diad pakanengneng to, lokas tan malinew ya amin iray pinalsa, tan sikato so pangebatan tayod kabibilay tayo.

Puyan 2:23

Pateyen ko met iray anak to, pian naamtaan na saray iglisia a siak so makaamta ed puso tan kanunotan da ray katoowan. Mangiter ak ed balang sakey ed sikayo, onung ed saray gawgawa to.

1 Samuel 16:7

Balet inkuan na Katawan ed sikato, “Ag mo iimanoen no panoy kinabaleg tan kinaguapo to. Impolisay ko, ta say panagpilik aliwan singa panagpili na too. Say too say walad paway so nenengnengen to, balet say puso so nenengnengen ko.”