Juan 19:36 - Maung A Balita Biblia

³⁶ Agawa ya pian nasumpal so ibabagay Masanton Sulat, “Anggapon balut so napoter a pokel to.”

Maung a Balita Biblia

³⁶ Agawa ya pian nasumpal so ibabagay Masanton Sulat, Anggapon balut so napoter a pokel to.

Juan 19:36 Iomraidhean Croise

2 Saray Arari 15:12

Kanyan asumpal imay sipan na Katawan ed kinen Ari Jehu: “Manari ed Israel iray boleg mo ya anggad kumapat a kailalakan.”

Saray Salmo 22:14

Anggapo lay biskeg ko; naandin singa danum a naibung ed dalin. Akidkidwas la ray amin a pokepokel ko; atonaw a singa kandila so pusok.

Saray Salmo 34:20

aasikasoen a maung na Katawan; anggapoy pokel ton napoter.

Saray Salmo 35:10

Diad intiron pusok ibagak ed Katawan, “Anggapoy miparad sika, Iyaagel mo ray makapoy ed saray mabiskeg, saray mairap-bilay ed saray managpairap.”

Exodo 12:46

Amin a kakanen nepeg a kanen ed dalem na abung ya angiparaanan; ag yo aawiten ed paway na abung. Sakey ni, ag yo popoteren so antokaman a pokel na ayep.

Saray Bilang 9:12

Ag kayo mangikekera ed saray kakanen ya anggad ontombuk a kabwasan tan ag yo popoteren so anggan dinan a pokel na samay ayep. Tombuk yoy amin a totontonen diad pansilibra yo na Paskua.

Mateo 1:22

Agawa yan amin, pian nasumpal so inkuan na Katawan diad panamegley na propita,

Juan 13:18

“Aliwan para sikayon amin yan ibabagak; amtak iray pinilik. Balet nepeg a nasumpal so ibabagay Masanton Sulat, ‘Dinepakan ak na mimikan ed siak.’

Juan 19:24

Nantotongtong ira may sondalo. Inkuanda, “Ag tayo ya pilaten. Pampapalaranan tayo, pian nanengneng no siopay makala.” Agawa ya pian nasumpal so ibabagay Masanton Sulat: “Nanaapagan da ray kawes ko, tan nampapalaranan day tunikak.” Kanyan onyay ginawa da ray sondalo.

Juan 19:28

Kasumpal to ya, lapud amta nen Jesus ya ayari lay amin a bengatla, tan pian nasumpal so ibabagay Masanton Sulat, inkuanto, “Napgaan ak!”