Juan 18:8 - Maung A Balita Biblia

⁸ “Imbagak lad sikayon siak si Jesus,” inkuanto. “No siak sirin so aanapen yo, abuloyan yon ontaynan la ra yay kakaibak.”

Maung a Balita Biblia

⁸ Imbagak lad sikayon siak si Jesus, inkuanto. No siak sirin so aanapen yo, abuloyan yon ontaynan la ra yay kakaibak.

Juan 18:8 Iomraidhean Croise

Isaias 53:6

Nen saman singa tayo saray karniron abalang, manaakar ed dilin dalan to so balang sakey ed sikatayo. Balet impasakbat na Katawan ed sikato so dusan kanepegan tayo.

Mateo 26:56

Balet agawa yan amin pian nasumpal so ibabaga ray propita ed Masanton Sulat.” Nagsibatik ya amin iray disipulo tan tinaynan dan bukbukor si Jesus.

Juan 10:28

Iitdan ko ray bilay ya andi-anggaan. Ag iran balut nabalang tan ag iran balut nasamsam ed siak na anggan siopa.

Juan 13:1

Bispiras la na Paskua. Amta nen Jesus a sinmabi lay oras na itaynan tod sayan mundo tan ipawil tod Ama. Inaro to ray totoo ton wadyad mundo, tan inaro to ra ya anggad kasamputan.

Juan 13:36

“Iner so laen mo, Katawan?” tinepet nen Pedro. Inmebat si Jesus, “Ag ka makaonla natan ed laen ko, balet ontombuk ka naanid siak.”

Juan 16:32

Onsabiy oras, diad tuay tua ginmapo la, a nikaykayat kayo. Onlay balang sakey ed sikayo ed labay ton laen tan natilak ak a bukor. Anggaman ontan, siansian ag ak mambukbukor, ta kaibak so Ama.

Juan 18:7

Tinepet lamet nen Jesus ed sikara, “Siopay aanapen yo?” “Si Jesus a taga Nazaret,” inkuanda.

Juan 18:9

(Imbaga to ya, pian nasumpal imay sinalita to, “Ama, anggapoy anggan sakey ya abalang kod saray inter mod siak.”)

1 CORINTO 10:13

Anggapo niy sinmabin tukso ed sikayo ya ag ni asaliy karaklan. Matoor so Dios, kanyan ag to iyabuloy ya onsabid sikayoy tukson ag yo nayarian a taloen. Itdan to kayo ingey biskeg no natukso kayo, pian napaliisan yo, et manalo kayo.

2 CORINTO 12:9

balet onyay ebat to: “Say baleg a panangarok labat so nakaukolan mo, ta say pakayarik et sankabiskegan ya ontulong no makapoy ka.” Malikeliket ak sirin a mangipasirayew ed saray kakapoyan ko, pian naliknak so panangyagel ed siak na pakayari nen Cristo.

TAGA-EFESO 5:25

Lalaki, aro yoy kaasawaan yo, a singa panangaro nen Cristo ed iglisia. Inter ton para iglisia so bilay to.

1 Pedro 5:7

Imatalek yod sikato ray amin a kapagaan yo, ta asikasoen to kayo.