Juan 18:28 - Maung A Balita Biblia

²⁸ Nanlapud abung nen Caifas, inyakar day Jesus ed palasioy gobirnador. Kabkabwasan ed saman. Ag linmoob iray Judio ed palasio, pian ag ira nipasen a marotak, et makana ran mangay pandem a Paskua.

Maung a Balita Biblia

²⁸ Nanlapud abung nen Caifas, inyakar day Jesus ed palasioy gobirnador. Kabkabwasan ed saman. Ag linmoob iray Judio ed palasio, pian ag ira nipasen a marotak, et makana ran mangay pandem a Paskua.

Juan 18:28 Iomraidhean Croise

Saray Salmo 35:16

Panngilngiletan da ak lapud pamobosul da; singa ra totoon mambabalaw ed lopuy.

Probirbio 1:16

Magangganat iran manggaway kaogsan. Mammainomay day mamatey.

Probirbio 4:16

Ag makaogip iray totoon maoges no ag ni ra akapanggaway kaogsan. Ag ira makalirep no anggapo niy apasakitan dan too.

Ezekiel 45:21

“No kumalabinapat ya agew na ononan bulan, igapo yo so pansilibra na Pista na Paskua. Diad loob na pitoran agew mangan so balang sakey a too na tinapay ya anggapoy libadura.

Mikias 2:1

Pangaskasiyay kipapasen da ray abangon a mandokdokul tan mamplaplano a manggaway kaogsan. Kasabiy kabwasan, no wala lay panakanawnawa ra, gawaen da lay maoges a plano ra.

Mateo 27:27

Si Jesus inyakar na saray sondalo nen Pilato ed palasioy gobirnador, tan minokut na sakey a batalyon na sondalo.

Marcos 15:16

Si Jesus inyakar na saray sondalo ed dalem na palasioy gobirnador, tan tinawag da ray arum a kakaiba rad batalyon.

Lucas 22:66

Kasabiy kabwasan, nantitipon iray kabyangay Sanidrin: saray mamatakken na baley, saray manonan papari, tan saray iskriba, tan inyarap day Jesus ed sikara.

Juan 11:55

Magano lan onsabiy Paskua da ray Judio tan dakel iray taga bario a linmad Jerusalem kasakbayan na Paskua, pian manlinis ira onung ed Ganggan.

Juan 18:13

Inyakar dan inmona ed kinen Anas a katolangan nen Caifas a Pangulon Pari ed saman a taon.

Juan 18:15

Si Jesus et tinombuk nen Simon Pedro tan say sakey a disipulo. Kabat na Pangulon Pari yan disipulo, kanyan akaloob a kaiba toy Jesus ed solar na panaayaman to may Pangulon Pari.

Juan 18:33

Linmoob lamet si Pilato ed palasio, tinawag toy Jesus tan tinepet to, “Sikay ari da ray Judio?”

Juan 18:39

Balet onung ed kaogaliyan yo, nepeg koy mangibolus na sakey a priso no Paskua. Labay yon ibolus koy ari da ray Judio?”

Juan 19:11

Inmebat si Jesus, “Wala tan a pakaoley mod siak, ta inter na Dios ed sika. Kanyan lalon ambelat niy kasalanan na toon angipalimad siak ed sika.”

Juan 19:14

Agew na Panagparaay Paskua ed saman, tan ngalngali lan alas dosi ed kaagewan. Inkuanen Pilato ed saray Judio, “Niay ari yo!”

Juan 19:9

Linmoob lamet ed palasio tan tinepet tod kinen Jesus, “Taga iner ka?” Balet ag inmebat si Jesus.

Saray Gawgawa 10:28

Inkuanto, “Kabat yo a sebel ed sakey a Judio so mikaaro odino ombisitad aliwan Judio. Balet impaamtay Dios ed siak ya ag ko ipasen a marotak o ag manepeg a piolupan so anggan siopa.

Saray Gawgawa 10:32

Mangibaki kad Jope na mangawit ed sakey a toon manngaray Simon a tatawagen met na Pedro. Mipupundod kinen Simon a managkurtiy katat, a say abung to et walad gilig na dayat.’

Saray Gawgawa 11:3

Inkuanda, “Tinmuloy kad abung na saray Hintil tan akirongo ka nid sikara!”

Saray Gawgawa 3:13

Say Dios di Abraham, Isaac, tan Jacob, say Dios na saray lalaki tayo so angiter na sankatageyan a kagalangan ed Aripen ton si Jesus. Balet impalima yod saray manoley tan ag yo binirbir ed arap nen Pilato, anggaman a labay to la komun ya ibolus.

Saray Gawgawa 4:27

Ta nankasakey ed sayan siudad si Herodes, si Poncio Pilato, saray Hintil, tan saray amin a totood Israel a milaban ed masanton Aripen mon si Jesus, say pinilim a Cristo.

Deuteronomio 16:2

Laka yod samay pasen a panangigalangan ta patas yod man so sakey ed saray karniro odino baka yo a kanen yo no Paskua a pamagalang ed Katawan a Dios yo.