Juan 17:25 - Maung A Balita Biblia

²⁵ O Aman matonung! Ag ka kabat na sankamundoan, balet kabat ta ka, tan sarayan inter mod siak et amta ran imbaki mo ak.

Maung a Balita Biblia

²⁵ O Aman matonung! Ag ka kabat na sankamundoan, balet kabat ta ka, tan sarayan inter mod siak et amta ran imbaki mo ak.

Juan 17:25 Iomraidhean Croise

Isaias 45:21

Dago kayo tan iparontal yod korti so dalem yo; mampapanonan komun iray nidalem. Siopay abayag lan angipasakbay ed agawa? Aliwa tan siak, say Katawan, say Dios so mangilalaban ed saray totoo to? Anggapo lay arum a Dios likud ed siak.

Mateo 11:27

“Inter na Amak ed siak iray amin a bengatla. Anggapoy mikabat ed Anak likud ed Ama; anggapoy mikabat ed Ama likud ed Anak tan saray labay a pangipakabatan na Anak.

Mateo 16:16

Inmebat si Simon Pedro, “Sika so Cristo ya Anak na Dios a mabilay.”

Lucas 10:22

“Inter na Amak ed siak iray amin a bengatla. Anggapoy mikabat ed Anak likud ed Ama; anggapoy mikabat ed Ama likud ed Anak tan saray labay a pangipakabatan na Anak.”

Juan 1:18

Anggapo nin balut so akanengneng ed Dios, balet sikatoy impaamta na bogbogtung ya Anak a Dios ya inararon maung na Ama.

Juan 10:15

a singa say Ama kabat to ak tan sikatoy kabat ko. Tan isaklang koy bilay ko para saray karniro.

Juan 15:21

Balet gawaen da yan amin ed sikayo lapud siak, ta ag da kabat so angibakid siak.

Juan 16:27

ta sikaton dili et inaro to kayo. Inaro to kayo lapud inaro yo ak, tan sinisia yon nanlapu ak ed Dios.

Juan 16:3

Gawaen da ra yad sikayo, ta ag da kabat so Ama odino say siak.

Juan 16:30

Amta mi la natan a kabat mo ray amin a bengatla tan ag mo kakaukolay anggan siopa a manepet ed sika. Lapud saya manisia kamin nanlapu kad Dios.”

Juan 17:11

Natan onla ak lad sika. Ontaynan ak la diad mundo, balet wadya ni rad mundo. O Aman Masanto! Asikasom irad panamegley na pakayariy ngaran mon inter mod siak, pian magmaliw iran saksakey a singa sikata.

Juan 17:18

Imbakik irad mundo a singa impangibakim ed siak ed mundo.

Juan 17:21

pian magmaliw iran amin a saksakey komun. Ama! Mikasakey ira komud sikata, a singa kiwalam ed siak tan siak ed sika, pian manisiay sankamundoan ya imbaki mo ak.

Juan 17:23

Wala ak ed sikara tan wala kad siak, pian ayadyariy pankakasakey da. Et diad ontan, naamtaay sankamundoan ya imbaki mo ak tan inarom ira a singa panangarom ed siak.

Juan 17:3

Say bilay ya andi-anggaan saya: say pikabat na katoowan ed sika a saksakey a tuan Dios, tan say pikabat dad kinen Jesu-Cristo ya imbakim.

Juan 17:8

Inter kod sikaray salitan inter mod siak tan inawat da. Amta ra lan nanlapu ak a tua ed sika, tan sinisia ran imbaki mo ak.

Juan 3:17

Ta say Dios ag to imbakiy Anak to a manusa, no ag ingen mangilaban, ed sankamundoan.

Juan 6:19

Nen akapansakay iray limara o anemiran kilomitro, anengneng day Jesus a manaakar ed tapew na danum tan onaasingger ed baloto, et ataktakot ira.

Juan 7:29

Kabkabat ko lapud nanlapu ak ed sikato tan imbaki to ak.”

Juan 8:19

Kanyan tinepet dad sikato, “Iner so kawalaan nen Amam?” Inmebat si Jesus, “Ag yo ak amta odino si Amak. No amta yo ak, naamtaan yo met komun si Amak.”

Juan 8:55

Ag yo ni akabatan, balet kabkabat ko. No ibagak ya ag ko kabat, matila ak met a singa sikayo. Balet kabkabat ko tan oonuren koy salita to.

Saray Gawgawa 17:23

ta diad pampapasiar kod siudad yo tan pannenengneng kod saray pasen a pampipikasian yo, akanengneng ak na sakey ya altar a nisulat so onya: ‘Para Dios ya ag Kabat.’ Satan ya igagalang yo, anggaman ya ag yo kabat, sikatoy ipulong kod sikayo natan.

Saray Gawgawa 26:18

Ibaki ta kad sarayan totoo a mangilokas na saray mata ra, mamaasingger ed sikarad liwawa manlapud bilonget, mamaasingger ed sikarad Dios manlapud pakayari nen Satanas! Diad panamegley na pananisia rad siak, napirdona ray kasalanan da tan makapibiang irad saray totoon piniliy Dios!’”

Saray Taga Roma 1:28

Lapud saray totoo et ag da labay a kabaten so Dios, pinaolyan to ra ed maoges iran kanunotan da, kanyan gagawaen day ag manepeg iran gawa.

Saray Taga Roma 3:11

anggapoy makatalus o manaanap ed Dios.

Saray Taga Roma 3:26

Balet, diad sayan panaon, ipapanengneng ton sikatoy matonung, ta papaandien toy kasalanan na amin a manisiad kinen Jesus.

1 CORINTO 1:21

Ta lapud kakabatay Dios, ag to inyabuloy a sikatoy nakabatay too diad panamegley na kakabatan na sankamundoan. Ingen nilabay ton ilaban iray totoon manisia diad panamegley na ipupulong min Maung a Balita ya ipapasen ya andi-kakanaan na sankamundoan.

1 CORINTO 15:34

Pawil kayod maptek a panagnunot yo tan ibeneg yo la ray kasalanan yo. Pigarad sikayo so ag makapikabat ed Dios; ibabagak ya, pian nabaingan kayo.

2 CORINTO 4:4

Ag ira manisia ta say dios na sayan mundo et sasakbungan to niy kanununotan da. Sasakbungan to ra, pian ag da nanengneng so liwaway Maung a Balitan nipaakar ed marlang a kagalangan nen Cristo a kaparparay Dios.

2 TESALONICA 1:8

Onsabin kaibay manliub ya apoy tan dusaen to ray ag makapikabat ed Dios tan saray ag ontoluk ed Maung a Balitan nipaakar ed Katawan tayon Jesus.

Saray Hebreo 8:11

Ag la nakaukolan na siopaman ya ibangat toy kapara ton too o ibaga tod kabansaan to, ‘Amtaen moy Katawan.’ Ta nakabatan da ak ya amin, abeba may atagey so kipapasen to.

1 Juan 1:9

Balet no ipatwa tayod Dios iray kasalanan tayo, pirdonaen to ray kasalanan tayo tan gawaen to itayon malinis diad pangekal to ray amin a kaogsan ed bilay tayo, lapud sikato et matoor tan matonung.

Puyan 13:8

Mangigalang ed sikatoy amin a mambibilay ed tapew na dalin, a salanti saray totoon ag nisulat so ngaran da, kasakbayay inkapalsa na mundo, ed libro na bilay a kayaryay Kordiro a pinatey.

Puyan 16:5

Nadngel kon inkuay anghil ya inkargadod samay danum, “Sikay Masanto, a wala natan tan wala nen saman! Matonung ira yan sintinsiam.