Juan 17:1 - Maung A Balita Biblia

¹ Nen asumpal nen Jesus ya imbaga ra ya, tinmangay ed tawen tan kuanto, “Ama, sinmabi lay oras. Pagalangan moy Anak mo, pian napagalangan ka met na Anak.

Maung a Balita Biblia

¹ Nen asumpal nen Jesus ya imbaga ra ya, tinmangay ed tawen tan kuanto, Ama, sinmabi lay oras. Pagalangan moy Anak mo, pian napagalangan ka met na Anak.

Juan 17:1 Iomraidhean Croise

Saray Salmo 123:1

Katawan, ontatangay ak ed sika, ditad tawen a panooleyan mo.

Isaias 38:14

Melmelag tan makapkapoy lay bosis ko, Tan managlem ak a singa malapati. Diad kanenengneng kod tawen naksawan lay matak. Katawan, agwat mo ak pad sayan gunigon.

Marcos 14:41

Diad pitlon impawil to inkuantod sikara, “Akaogip tan mamapainawa kayo nin anggad natan? Duga la tan! Sinmabi lay oras a niawat so Anak na Too ed lima da ray makasalanan.

Lucas 18:13

Samay sumisingil na buis balet, arawdawiy nanalageyan to, tan ngalngali ag to itangwad tawen so lupa to. Tinapuktapuk toy pagew to tan inkuanto, ‘O Dios, kasian mo ak pa a makasalanan!’

Lucas 22:53

Inagew-agew ak a walad Timplo tan wadman kayo met, balet ag yo ak inerel. Balet sikato yay oras yon onggalaw, no say pakayari na kabilongetan so manoley.”

Juan 11:4

Balet nen nadngelan ya nen Jesus, inkuanto, “Aliwan patey so pansumpalan to yan sakit nen Lazaro. Agawa yan pakagalangay Dios, pian nitanduroy Anak na Dios.”

Juan 11:41

Impaliis da sirin imay bato. Tinmangay si Jesus tan kuanto, “Misalamat ak ed sika Ama, ta dinengel mo ak.

Juan 12:23

Inmebat si Jesus ed sikara, “Sinmabi lay oras a napagalangay Anak na Too.

Juan 13:1

Bispiras la na Paskua. Amta nen Jesus a sinmabi lay oras na itaynan tod sayan mundo tan ipawil tod Ama. Inaro to ray totoo ton wadyad mundo, tan inaro to ra ya anggad kasamputan.

Juan 16:32

Onsabiy oras, diad tuay tua ginmapo la, a nikaykayat kayo. Onlay balang sakey ed sikayo ed labay ton laen tan natilak ak a bukor. Anggaman ontan, siansian ag ak mambukbukor, ta kaibak so Ama.

Juan 7:30

Inanap da sirin ya erelen, balet anggapoy aningkat ed sikato lapud ag ni sinmabiy oras to.

Juan 7:39

Diad saya, say labay ya ibaga nen Jesus et say Ispiritu ya awaten na saray manisiad sikato. Ag ni niiter ed saman so Ispiritu, ta ag ni inatey tan inmolid bilay si Jesus.

Juan 8:20

Imbalikas nen Jesus ira ya nen mambabangat ed Timplo, diad pasen a kawalaay kahon a pananginay kuartan ibabagat. Anggapoy angerel ed sikato lapud ag ni asabiy oras to.

Saray Gawgawa 3:13

Say Dios di Abraham, Isaac, tan Jacob, say Dios na saray lalaki tayo so angiter na sankatageyan a kagalangan ed Aripen ton si Jesus. Balet impalima yod saray manoley tan ag yo binirbir ed arap nen Pilato, anggaman a labay to la komun ya ibolus.

1 Pedro 1:21

Diad panamegley to, manisia kayod Dios ya amaolid bilay tan amagalang ed sikato, et diad ontan niletneg ed Dios so pananisia tan ilalo yo.