Juan 16:22 - Maung A Balita Biblia

²² Ontan kayo met: maermen kayo natan, balet nanengneng ta kayo lamet, et napanoy liket so puso yo, liket ya anggapon balut so toon makaekal.

Maung a Balita Biblia

²² Ontan kayo met: maermen kayo natan, balet nanengneng ta kayo lamet, et napanoy liket so puso yo, liket ya anggapon balut so toon makaekal.

Juan 16:22 Iomraidhean Croise

Say Libro nen Job 34:29

No labay na Dios ya anggapon balut so gawaen to, anggapoy makapambalaw ed sikato. No paolyan na Dios so sankamundoan, antoy nagawaan na too?

Saray Salmo 146:2

Idayew ko so Katawan legan kon mambibilay; Kantaan ko so Dios ko diad intiron bilay ko.

Saray Salmo 33:21

Maliket itayo lapud sikato, manmamatalek itayod masanton ngaran to.

Isaias 25:9

No nagawa la ya, say balang too ikuanto, “Sikatoy Dios mi! Nanmatalek kami ed sikato, kanyan inyagel to kami. Sikato so Katawan! Nanmatalek kami ed sikato, et natan maliket tan magayaga kami lapud inyagel to kami.”

Jeremias 31:12

Ondago ra tan mankanta rad liket diad Palandey na Sion tan panliketan da ray rigalok— saray rigalon trigo, alak, tan larak na oliba, saray karniro tan saray baka. Magmaliw iran singa asalusalug a tanamanan, tan nawalaan ira na amin a nakaukolan da.

Mateo 28:8

Maganat ira sirin a linma la tan batik iran mangibagad saray disipulo to. Makaliliket ira, balet nantaruk na takot so liket da.

Lucas 10:42

Saksakey so talagan nakaukolan! Pinili nen Maria so lalon maung a gawaen, tan ag ya naekal ed sikato.”

Lucas 16:25

Balet inkuanen Abraham, ‘Anak ko, tandaan mo a nen mambibilay kad tapew na dalin, walad sikay maung iran bengatla, balet walad kinen Lazaro iray kairapan. Manliliket dia natan, balet maniirap kad tan.

Lucas 19:26

‘Kuankod sikayo,’ ebat to, ‘say wala lay bengatlad sikato, naaruman niy walan bengatlad sikato; balet say toon anggapoy bengatlad sikato, naala so anggan say dagdaiset a bengatlan walad sikato.

Lucas 24:41

Nen ag ni ran siansia anisia lapud liket tan kelaw da, tinepet tod sikara, “Wala diay nakan?”

Juan 14:1

Inkuanen Jesus, “Ag komun nagunigon so puso yo; manisia kayod Dios tan manisia kayo met ed siak.

Juan 14:19

Maganggano lan ag ak nanengneng na sankamundoan. Balet nanengneng yo ak lapud mambilay ak tan mambilay ki met.

Juan 14:27

“Itilak kod sikayoy kareenan; say kareenan kon dili so iter kod sikayo. Aliwan singa panangiter na sankamundoan so pangiter kod sikayo. Ag komun nagunigon tan ontakot so puso yo.

Juan 16:16

“Antiktikey lan panaoy pakanengneng yod siak, balet ag mambayag nanengneng yo ak lamet.”

Juan 16:20

Ibabagak ed sikayoy katwaan: mannangis tan manermen kayo, balet manliket so sankamundoan. Manermen kayo, balet magmaliw a liket so ermen yo.

Juan 16:6

Natan ta imbagak ira yad sikayo, mapalaloy ermen na puso yo.

Juan 21:7

Say disipulo ya inararo nen Jesus kuantod Pedro, “Say Katawan iman!” Nen nadngel nen Simon Pedro a say Katawan manaya man, insolung toy kawes to (ta lakseb) insan tinmabuy ed danum.

Juan 4:14

“balet ag lan balut naapgaan so siopaman ya oninom na danum, ya iter ko. Ta say danum ya iter kod sikato magmaliw a sobul ed loob to a mangiter ed sikatoy mabilay a danum tan bilay ya andi-anggaan.”

Saray Gawgawa 13:52

Saramay mananisia balet ed Antiokia agaylay liket da tan napno ray Ispiritu Santo.

Saray Gawgawa 16:25

Nen mamepegley lay labi, si Pablo tan si Silas mampipikasi ra tan kakantaan da na saray imno so Dios. Onderengel iray arum a priso.

Saray Gawgawa 2:46

Inagew-agew iran nantitipon ed Timplo, nampipisag iray tinapay ed saray abung da, tan nandorongo ran maliket tan mapaabeba so puso ra.

Saray Gawgawa 5:41

Maliket iray apostol a tinmaynan ed arap na Sanidrin, lapud impasey Dios a manepeg iran manirap na kababaingan lapud ngaran nen Jesus.

2 CORINTO 6:10

apapaermen kami, balet malikeliket kami lawas; singa kami mairap-bilay, balet amayamay so pinapayaman mi; singa anggapoy kayaryan mi, balet kayaryan min amiy bengatla.

2 TESALONICA 2:16

Say Katawan tayon Jesu-Cristo tan say Dios ya Ama tayo ya angarod sikatayo tan angiter ed sikatayoy andi-anggaan a biskeg na linawa tan maung ya ilalo lapud panangasi to,

Saray Hebreo 10:34

Kinakasian yo ray apriso, tan inako yon sililiket so impangaala da ray kagawaan yo, ta amta yon magmaung ni tan mansiansian anggad angga so kayamanan ya atilak ed sikayo.

Saray Hebreo 6:18

Kanyan say sipan tan say samba to et ag ira mangoman, tan ag makapantilay Dios nipaakar ed saraya. Sikatayo sirin a sinmaral ed sikato et mabiskeg so linawa tayo a manilalod insipan tod sikatayo.

1 Pedro 1:8

Anggaman ya ag yo anengneng, aaroen yo. Anggaman ya ag yo nanenengneng natan, manisia kayod sikato. Kanyan manlepwad puso yoy baleg a liket ya ag nayarin ibalikas,